మిస్సమ్మ చెప్పడంతో మనోహరి మోడ్రన్ డ్రెస్ వేసుకుని వస్తుంది. యాదమ్మ దగ్గరకు వెళ్లి ఎలా ఉన్నానని అడుగుతుంది. మోడ్రన్ డ్రెస్లో మనోహరిని చూసిన యాదమ్మ కళ్లు తేలేస్తూ.. దిష్టి బొమ్మలా ఉన్నావని చెబితే ఏడిసి చస్తుందేమో..? అని మనసులో అనుకుంటుంది. దీంతో మనోహరి ఏంటి చంభా నా అందం చూసి నోట్లోంచి మాట రావడం లేదా..? అని అడగ్గానే.. చంభా ఇది అందం కాదు మందం అంటుంది. దీంతో మనోహరి కోపంగా ఏయ్ చంభా ఏం మాట్లాడుతున్నావు.. అని కోప్పడగానే.. చంభా నువ్వు పదిహేనేళ్ల క్రితం ఇలా తయారయి ఉంటే ముచ్చటగా ఉండేది. ఇప్పుడు ఎబ్బెట్టుగా ఉంది మనోహరి అంటుంది.
దీంతో మనోహరి కోపంగా ఏయ్ గాడిదలకేం తెలుసు గంధపుచెక్కల వాసన అని ఎప్పుడూ స్మశానంలో తిరుగుతూ.. శవాలతో క్షుద్రపూజలు చేసుకునే నీకు నా అందం గురించి ఫ్యాషన్ గురించి ఏం తెలుస్తుదిలే అనగానే.. చంభా కోపంగా అలాంటప్పుడు నన్ను అడగడం దేనికో అంటుంది. బుద్ది తక్కువై అడిగాను అంటుంది మనోహరి. దీంతో చంభా మనసులో నిజమే ఈ మధ్య నీ బుద్ది గడ్డి తింటుంది అని అనుకుంటుంటే.. మనోహరి కోపంగా ఏంటి ఏమన్నావు.. అని అడగ్గానే.. చంభా ఏమీ లేదు వెళ్లి అమరేంద్రకు నీ అందం చూపించు.. అందుకేగా ఈ వేషం వేశావు.. అంటుంది. దీంతో మనోహరి సరే అంటూ కిందకు హాల్లోకి వెళ్తుంది.
అక్కడే ఫోన్ మాట్లాడుతూ ఉన్న రాథోడ్ మనోహరిని చూసి షాక్ అవుతాడు. ఎగిరి సోఫాలో పడి గిలా గిలా కొట్టకుంటుంటాడు.. మనోహరి భయంగా రాథోడ్ ఏమైంది రాథోడ్ అంటూ అడుగుతుంది. రాథోడ్ భయంగా భయపెట్టేశారుగా మేడం.. పిల్లలు స్కూల్కు వెళ్లారు కాబట్టి సరిపోయింది. అదే వాళ్లు ఇంట్లో ఉండి మిమ్మల్ని చూసి ఉంటే దెబ్బతో జడుసుకుని జ్వరం తెచ్చుకునేవాళ్లు.. అంటాడు.. దీంతో మనోహరి.. రాథోడ్ నేను మరీ అంత భయంగా ఉన్నానా..? అని అడుగుతుంది. దీంతో రాథోడ్ అది చాలా చిన్న మాట మేడం మీరు అంత కంటే ఎక్కువే ఉన్నారు.. ఎన్నడూ లేనిది ఈ పిచ్చాసుపత్రి వేషం ఏంటండి అని అడగ్గానే.. మనోహరి కోపంగా రాథోడ్ మాటలు జాగ్రత్త ఇది ట్రెండ్ లుక్ అయినా నీకు ఆ యాదమ్మకు అసలు టేస్టే లేదు.. ఇంతకీ అమర్ ఎక్కడున్నారు…? అని అడగ్గానే.. రాథోడ్ అటూ ఇటూ చూసి మనసులో సారు, మిస్సమ్మతో ఉన్నాడని చెబితే డిస్టర్బ్ చేస్తుందేమో. కాసేపు ఈ దిష్టి బొమ్మను ఊరేగిద్దాం.. అనుకుంటాడు..
ఇంతలో మనోహరి రాథోడ్ అమర్ పైన ఉన్నారా..? తను ఇంకా ఆఫీసుకు వెళ్లలేదు కదా..? అని అడగ్గానే.. రాథోడ్ నవ్వుతూ లేదండి సారు బయట ఉన్నారు.. ఎవరితోనో ఫోన్లో మాట్లాడుతున్నారు.. అని చెప్పగానే.. మనోహరి బయటకు వెళ్తుంది. అప్పుడే రణవీర్ తన కారులో వచ్చి అమరేంద్ర గేటు దగ్గర ఆగుతాడు.. కారులోనే ఉన్న లాయరు.. ఈ టైంలో అమర్ ఇంట్లో ఉండడేమో..? ఆఫీసుకు వెళ్లి ఉంటాడేమో అని చెప్పగానే.. రణవీర్ కోపంగా చూస్తూ.. నాకు కావాల్సింది కూడా అదే ఆ అమరేంద్ర ఇంట్లో లేని టైంలోనే ఆ మనోహరి ఎత్తుకెళ్లగలం అని చెప్తాడు. మరోవైపు ఇంట్లోంచి బయటకు వచ్చిన మనోహరి అమర్ ఎక్కడ కనిపించడం లేదు.. బయట ఉన్నాడేమో అనుకుంటూ గేటు దాటి రోడ్డు మీదకు వెళ్తుంది.
మనోహరి రోడ్డు మీదకు రాగానే.. కారులో ఉన్న లాయరు మనోహరిని చూసి సార్ అటు చూడండి మనోహరి బయటకు వచ్చింది. అని చెప్పగానే.. రణవీర్ మనోహరిని చూసి షాక్ అవుతాడు.. చీ దీనికేం పోయే కాలం లాయరు ఇలాంటి డ్రెస్ వేసుకుంది అంటాడు.. దీంతో లాయరు కోపంగా మీరు జైళ్లో చిప్పకూడు తింటుంటే తను మాత్రం టింగురంగా అనుకుంటూ రెడీ అయి తిరుగుతుంది సార్ అని చెప్తాడు.. వెంటనే రణవీర్ కోపంగా చూస్తూ.. డ్రైవర్ కారు తన దగ్గర దాకా పోనివ్వు అంటూ దగ్గరకు వెళ్లి మనోహరిని కారులో కిడ్నాప్ చేసుకుని వెళ్లిపోతాడు. ఇంతలో నేటి నిండు నూరేళ్ల సావాసం సీరియల్ ఎపిసోడ్ అయిపోతుంది.
Share
Today Movies in TV : బుధవారం టీవీ సినిమాలు.. ఆ రెండు వెరీ స్పెషల్...
Crime Comedy OTT: అమ్మాయితో అలాంటి కోరిక... కుక్కల యాపారంతో కోట్లు... మస్త్ షేడ్స్ ఉన్న మూవీ
