Big tv Kissik Talks: టాలీవుడ్ ఇండస్ట్రీలో యంగ్ హీరోగా కొనసాగుతున్న నటుడు విజయ్ దేవరకొండ (Vijay Devarakonda)ప్రస్తుతం వరుస సినిమాలలో నటిస్తూ ఎంతో బిజీగా ఉన్నారు. ఇటీవల కింగ్డమ్ సినిమా ద్వారా ప్రేక్షకుల ముందుకు వచ్చిన విజయ్ దేవరకొండ ప్రస్తుతం రౌడీ జనార్ధన్ సినిమా షూటింగ్ పనులలో బిజీగా ఉన్నారు. విజయ్ దేవరకొండ అంటే ఎంతో మంది హీరోయిన్లకు క్రష్ అనే సంగతి మనకు తెలిసిందే. యంగ్ హీరోయిన్స్ మాత్రమే కాకుండా సీనియర్ హీరోయిన్స్ కూడా విజయ్ దేవరకొండ అంటే క్రష్ అని తనతో సినిమాలు చేయాలని ఎంతోమంది ఇదివరకే వారి మనసులో మాటలను తెలియజేశారు.
తాజాగా నటి జ్యోతి(Jyothi) సైతం విజయ్ దేవరకొండపై తన అభిప్రాయాన్ని తెలియజేశారు. అందం అనే సినిమా ద్వారా వెండితెరకు పరిచయమైన జ్యోతి సుమారు 80 కి పైగా సినిమాలలో నటించి ప్రేక్షకులను మెప్పించారు. తాజాగా ఈమె బిగ్ టీవీ కిస్సిక్ టాక్స్(Big tv kissik Talks) కార్యక్రమంలో పాల్గొన్నారు. ఈ కార్యక్రమంలో భాగంగా జ్యోతి విజయ్ దేవరకొండ గురించి మాట్లాడుతూ ఆసక్తికరమైన విషయాలను వెల్లడించారు. నిజానికి తనకు చిరంజీవి అంటే చాలా ఇష్టమని తెలిపారు. అయితే ప్రస్తుతం ఉన్న హీరోలలో విజయ్ దేవరకొండ అంటే క్రష్ అని, ఆయనతో రొమాంటిక్ సినిమా చేయడానికి కూడా తాను సిద్ధమేనని వెల్లడించారు.
ఇక విజయ్ దేవరకొండతో లిప్ కిస్ సీన్లలో నటిస్తారా అంటూ ప్రశ్న ఎదురవడంతో కథ డిమాండ్ చేస్తే లిప్ కిస్ సన్నివేశాలలో కూడా నటించడానికి తాను సిద్ధమేనని ఈ సందర్భంగా విజయ్ దేవరకొండ పట్ల తన మనసులో ఉన్న అభిప్రాయాన్ని బయటపెడుతూ చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి. 45 సంవత్సరాల వయసులో విజయ్ దేవరకొండతో లిప్ కిస్ సన్నివేశాలలో నటించడానికి సిద్ధమే అని జ్యోతి చెప్పడంతో అభిమానులు షాక్ అవుతున్నారు.మరి విజయ్ దేవరకొండతో నటించాలని ఆశపడుతున్న ఈమెకు తన సినిమాలో కనీసం ఏదైనా ఒక పాత్రలో నటించే అవకాశం ఇస్తారా? లేదా? అనేది తెలియాల్సి ఉంది.
విజయ్ దేవరకొండ నటించిన అర్జున్ రెడ్డి సినిమా చూసినప్పుడే ఆయన అంటే క్రష్ అని తెలిపారు. అప్పటినుంచి విజయ్ దేవరకొండ సినిమాలన్నింటిని తాను చూస్తూ ఉన్నానని జ్యోతి తెలిపారు. ఇక విజయ్ దేవరకొండ కెరియర్ విషయానికి వస్తే ఏ విధమైనటువంటి సినీ బ్యాక్ గ్రౌండ్ లేకుండా ఇండస్ట్రీలోకి అడుగుపెట్టి కెరియర్ మొదట్లో సినిమాలలో క్యారెక్టర్ ఆర్టిస్ట్ గా నటించిన విజయ్ దేవరకొండ పెళ్లిచూపులు సినిమాతో హీరోగా ప్రేక్షకుల ముందుకు వచ్చారు. ఈ సినిమా మంచి సక్సెస్ కావడంతో అనంతరం అర్జున్ రెడ్డి, గీత గోవిందం వంటి సినిమాలతో సూపర్ హిట్ సినిమాలను తన ఖాతాలో వేసుకున్నారు.
Also Read: Big tv Kissik Talks: ఇండస్ట్రీలో ఉండే పెద్ద సమస్య అదే.. అందుకే ఈ గ్యాప్!
Share
Film Chamber Elections: దిగొచ్చిన ప్రెసిడెంట్.. ఎట్టకేలకు ఎన్నికల ప్రకటన..
Ind Vs Sa: చేత్తులెత్తేసిన బ్యాటర్లు.. తొలి టెస్టులో టీమిండియాపై దక్షిణాఫ్రికా విజయం
