Bigg Boss Telugu 10: బిగ్‌బాస్ షో…బుల్లితెరపై సృష్టించే హంగామా అంతా ఇంతా కాదు. విమర్శలు ఎన్ని వచ్చినా, రేటింగుల్లో దూసుకుపోతూ విజయవంతంగా 9 సీజన్లు పూర్తి చేసుకుంది. ఇప్పుడు అంతకుమించి అనేలా ‘దశావతారం’ అనే వినూత్న కాన్సెప్ట్‌తో బిగ్‌బాస్ సీజన్ 10 రచ్చ లేపేందుకు సిద్ధమవుతోంది. హోస్ట్ అక్కినేని నాగార్జున పవర్‌ఫుల్ ప్రోమోతో ఇప్పటికే అంచనాలు పీక్స్‌కు చేరాయి. అయితే, ఈ ల్యాండ్‌మార్క్ సీజన్‌లో మీరూ ఒక కంటెస్టెంట్‌గా అడుగుపెట్టే లక్కీ ఛాన్స్ వచ్చేసింది! సామాన్యులను సెలబ్రిటీలుగా మార్చే “అగ్నిపరీక్ష సీజన్-2” అడిషన్స్ ప్రకటన అధికారికంగా వచ్చేసింది.
గతంలో బిగ్‌బాస్ అంటే కేవలం సెలబ్రిటీలు, సోషల్ మీడియా స్టార్స్ మాత్రమే కనిపించేవారు. కానీ, గత సీజన్ (సీజన్ 9) లో ప్రవేశపెట్టిన ‘అగ్నిపరీక్ష’ కాన్సెప్ట్ షో రూపురేఖలనే మార్చేసింది. కామన్ మ్యాన్ కోటాలో హౌస్‌లోకి ఎంట్రీ ఇచ్చిన కల్యాణ్ పడాల, తన అద్భుతమైన ఆటతీరుతో ఏకంగా బిగ్‌బాస్ టైటిల్ విన్నర్‌గా నిలిచి చరిత్ర సృష్టించాడు. సామాన్యుడి సత్తా ఏంటో ప్రపంచానికి చూపించాడు. ఈ ఫార్ములా సూపర్ హిట్ అవ్వడంతో, నిర్వాహకులు సీజన్-10 లోనూ ‘అగ్నిపరీక్ష 2’ పేరుతో కామన్ మ్యాన్ ఎంట్రీకి గ్రీన్ సిగ్నల్ ఇచ్చారు. “లైఫ్‌లో అద్భుతాలు సాధించాలంటే సామాన్యులకు కొన్ని సార్లే అవకాశం వస్తుంది. ఇప్పుడు అలాంటి అవకాశం మళ్లీ మీ ముందుకు వచ్చింది” అంటూ కింగ్ నాగార్జున రిలీజ్ చేసిన వీడియో ప్రస్తుతం సోషల్ మీడియాలో వైరల్ అవుతోంది.
also read :మణికొండ మొత్తం కొనేసేవాడిని.. ఓవర్ కాన్ఫిడెన్స్ ముంచేసింది.. ‘చిత్రం’ శ్రీను షాకింగ్ కామెంట్స్!
బిగ్‌బాస్ హౌస్‌లోకి వెళ్లాలనే బలమైన కోరిక, సమాజంలో గుర్తింపు తెచ్చుకోవాలనే కసి ఉన్న ఎవరైనా ఈ అగ్నిపరీక్షలో పాల్గొనవచ్చు. ఈ ఆడిషన్ వీడియో కోసం కొన్ని ముఖ్యమైన నియమాలను పాటించాల్సి ఉంటుంది. వీడియోలో మీ వ్యక్తిత్వం ఏంటి, మీలో ఉన్న ప్రత్యేకమైన టాలెంట్ ఏంటి, మరియు మీరు బిగ్‌బాస్ హౌస్‌కు ఎందుకు వంద శాతం అర్హులు అనే విషయాలను చాలా స్పష్టంగా వివరించాలి. అత్యంత ముఖ్యమైన విషయం ఏమిటంటే, మీ ఆడిషన్ వీడియో నిడివి ఖచ్చితంగా 3 నిమిషాల లోపు మాత్రమే ఉండాలి. ఈ ఆడిషన్ల ప్రక్రియ జూన్ 12 నుంచి జూన్ 20 వరకు మాత్రమే అందుబాటులో ఉంటుంది. సమయం చాలా తక్కువగా ఉంది కాబట్టి ఆసక్తి గలవారు వెంటనే రంగంలోకి దిగాల్సిందే.
ఈ బిగ్‌బాస్ అగ్నిపరీక్ష 2 ఆడిషన్స్ కోసం ఎలాంటి ఫీజు చెల్లించాల్సిన అవసరం లేదు. మీ మొబైల్ ద్వారానే సులభంగా అప్లై చేసుకోవచ్చు. ఇందుకోసం ముందుగా మీ మొబైల్ లేదా లాప్‌టాప్‌లో అధికారిక లింక్ [https://bbtelugu.jiostar.com/](https://bbtelugu.jiostar.com/) ఓపెన్ చేయాలి. హోమ్ పేజీ ఓపెన్ అవ్వగానే అక్కడ మీ యాక్టివ్ ఫోన్ నెంబర్ ఎంటర్ చేయాలి. వెంటనే మీ మొబైల్‌కు ఒక ఓటీపీ (OTP) వస్తుంది, దాన్ని ఎంటర్ చేసి వెరిఫై చేయాల్సి ఉంటుంది. ఓటీపీ వెరిఫై అయిన తర్వాత స్క్రీన్‌పై ఒక అప్లికేషన్ ఫామ్ కనిపిస్తుంది. అందులో మీ పేరు, వయసు, ఈమెయిల్ ఐడీ, మరియు ప్రస్తుత చిరునామా (Address) వంటి వివరాలను తప్పులు లేకుండా స్పష్టంగా టైప్ చేయాలి.
ఆ తర్వాత మీరు ముందే రికార్డ్ చేసి పెట్టుకున్న 3 నిమిషాల ఆడిషన్ వీడియోను అక్కడ అప్‌లోడ్ చేయాలి. చివరగా టర్మ్స్ అండ్ కండిషన్స్ బాక్స్‌ను టిక్ చేసి, ‘Submit Your Audition’ పై క్లిక్ చేస్తే మీ అప్లికేషన్ ప్రక్రియ విజయవంతంగా పూర్తవుతుంది. వీడియో క్వాలిటీ స్పష్టంగా ఉండేలా చూసుకోవడం చాలా ముఖ్యం. మీ మాటల్లోని మేనరిజం, హావభావాలు, మరియు మీ కాన్ఫిడెన్స్ లెవెల్స్ సెలక్టర్లను ఆకట్టుకునేలా ఉంటే, మీ లైఫ్ టర్న్ అయిపోయినట్లే! ఇంకెందుకు ఆలస్యం, రేపటితోనే గడువు ముగుస్తున్నందున వెంటనే మీ అదృష్టాన్ని పరీక్షించుకోండి!
Share
రూ.5వేల బడ్జెట్లో ట్రెండ్ అవుతున్న.. లేటెస్ట్ మిక్సీలు!
పదో తరగతి అడ్వాన్స్డ్ సప్లిమెంటరీ పరీక్షల ఫలితాలు.. 78 వేల మంది ఉత్తీర్ణత
