Big Tv Kissik Talks: జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న ఫైమా ప్రస్తుతం శ్రీదేవి డ్రామా కంపెనీ కార్యక్రమంతో పాటు జబర్దస్త్ కార్యక్రమం అలాగే ఢీ కార్యక్రమంలో మెంటర్ గా కూడా కొనసాగుతూ ఉన్నారు. ఇలా కెరియర్ పరంగా ఎంతో బిజీగా ఉన్న ఫైమా తాజాగా బిగ్ టీవీ కిస్సిక్ టాక్స్ (Big tv kissik talks)కార్యక్రమంలో పాల్గొన్నారు. ఈ కార్యక్రమంలో భాగంగా ఈమె తన కెరియర్ కు సంబంధించిన విషయాలను అలాగే తన గురించి వచ్చిన నెగిటివ్ కామెంట్ లపై స్పందిస్తూ ఎమోషనల్ అయ్యారు. నిజానికి తాను ఇండస్ట్రీలోకి రావడానికి తన తల్లిదండ్రులు ఒప్పుకోలేదని కాకపోతే నా బలవంతం మీద వారిని ఒపించి వచ్చానని తెలిపారు.
పటాస్ కార్యక్రమంలో తాను మొదట చేశానని అయితే అందులో ఒక ప్రోమో ద్వారానే నాకు మంచి ఫేమ్ వచ్చిందని తెలిపారు. ఇక వర్ష ప్రశ్నిస్తూ ఎప్పుడైనా అలా ఉన్నావ్ ,ఇలా ఉన్నావ్ అంటూ ఎవరైనా ఏదైనా అన్నారా అంటూ ప్రశ్న వేశారు. ఈ ప్రశ్నకు ఫైమా సమాధానం చెబుతూ తాను ఇండస్ట్రీలోకి రాకముందు వరకు కూడా చాలా సంతోషంగా ఉన్నానని ఎవరు కూడా నా రంగు గురించి నా పోలికల గురించి కామెంట్లు చేయలేదు కానీ ఇండస్ట్రీలోకి వచ్చిన తరువాత ఎప్పుడైతే నాకు సక్సెస్ వచ్చిందో ఆ క్షణం నుంచి తాను నెగిటివ్ కామెంట్లను ఎదుర్కోవాల్సి వచ్చిందని తెలిపారు.
చాలామంది వుయ్ వాంట్ ఫైమా అంటూ అనడంతో అసలు దీంట్లో ఏముంది ఇంత గలీజ్ గా ఉంది నల్లగా ఉంది అంటూ చాలామంది బ్యాడ్ కామెంట్స్ పెట్టారు. అలా బ్యాడ్ కామెంట్స్ చూసిన తర్వాత నాలో ఉన్న కాన్ఫిడెన్స్ మొత్తం పోయిందని, తర్వాత ఏం చేసిన ఇలాంటి కామెంట్లు చేస్తారనే బాధ ఎక్కువగా ఉండేదని తెలిపారు. ఇలా నా కలర్ గురించి కామెంట్లు రావడంతో మా అమ్మకు ఫోన్ చేసి ఎందుకమ్మా నన్ను నల్లగా కన్నావు అంటూ అడగడంతో అమ్మ ఘోరంగా ఏడ్చిందని తెలిపారు. ఇలా నా గురించి నెగిటివ్ కామెంట్లు వచ్చినప్పటికీ మొదట్లో బాధపడ్డాను తర్వాత వాటిని పట్టించుకోవడం మానేశాను.
ఇలా ఎప్పుడైతే నెగిటివ్ కామెంట్స్ పట్టించుకోలేదో నాలో నాకు తెలియని కాన్ఫిడెన్స్ వచ్చింది ఇంకా ఎంతో ఉత్సాహంగా పనిచేస్తున్నానని తెలిపారు. ఇలా నెగటివ్ కామెంట్ల కారణంగా నేను నాకు వచ్చిన సక్సెస్ కూడా ఎంజాయ్ చేయలేకపోయానని ఫైమా తెలిపారు. మరి ఇప్పుడు ఎలా ఫీలవుతున్నావు అంటూ మరో ప్రశ్న వేయడంతో ఇప్పుడు చాలా సంతోషంగా ఉన్నానని, నేను నల్లగా పుట్టినందుకు ఇంకా ఆనందంగా ఉందని తెలిపారు. చాలా అందంగా, గ్లామర్ గా ఉండి ఉంటే కామెడీ చేసే దాన్ని కాదు అప్పుడు నా దగ్గర అందం తప్ప మరేది ఉండేది కాదు అందుకే ఇది నాకు ప్లస్ అయింది. ఏదైతే నేను మైనస్ అనుకున్నానో అదే ప్లస్ అయిందని, మనకు అందం కాదు, మన టాలెంట్ ముఖ్య అంటూ ఫైమా ఈ సందర్భంగా చేసిన కామెంట్స్ వైరల్ అవుతున్నాయి.
Also Read: నాగబాబు జడ్జిమెంట్ పై ఫైమా షాకింగ్ కామెంట్స్… పాపం ఇంద్రజ!
Share
OTT Horror: బాబోయ్.. ఒక్క కాల్తో ప్రాణాలు పోతాయ్! .. మిస్ అయితే రిస్కే!
లెజెండ్రీ సింగర్ ఆశా భోస్లేకి గుండెపోటు.. గోప్యత కోరిన మనవరాలు!
