No Battery Smartwatch| ఈ రోజుల్లో స్మార్ట్వాచ్లను అందరూ ఇష్టపడుతున్నారు. అందుకే టెక్ కంపెనీలు స్మార్ట్ వేరబుల్స్ మార్కెట్లో కొత్త కొత్త స్మార్ట్వాచ్ మోడల్స్ లాంచ్ చేస్తున్నారు. అయితే ఈ కేటగిరిలో ఓ సరికొత్త టెక్నాలజీ వాచ్ రాబోతోంది. పరిశోధకులు బ్యాటరీ లేని స్మార్ట్ డివైస్లను తయారు చేస్తున్నారు. ఈ వాచ్లు థర్మల్ ఎలెక్ట్రిక్ ఎనర్జీతో పనిచేస్తాయి. అంటే మన శరీర వేడితోనే నడుస్తాయి.
ఈ కొత్త ఆవిష్కరణ వేరబుల్ టెక్నాలజీని పూర్తిగా మార్చేస్తుంది. ఇకపై స్మార్ట్వాచ్లను రోజూ ఛార్జ్ చేయాల్సిన అవసరం ఉండదు. సియోల్ నేషనల్ యూనివర్సిటీ శాస్త్రవేత్తల ఆధ్వర్యంలో ఈ పరిశోధన కొససాగుతోంది ఈ పరిశోధనలో బ్యాటరీ అవసరం లేకుండా స్వయం-శక్తి పొందే వేరబుల్ డివైస్లు తయారు చేయడమే లక్ష్యం.
కొత్త టెక్నాలజీలో థర్మోఎలక్ట్రిక్ జనరేటర్లు ఉపయోగిస్తున్నారు. ఈ జనరేటర్లు శరీర వేడిని విద్యుత్ శక్తిగా మారుస్తాయి. శరీరం నుంచి వచ్చే వేడిని పట్టుకుని విద్యుత్గా మారుస్తాయి. డివైస్ ధరించినంత కాలం ఇది నిరంతరం జరుగుతుంది. దీంతో స్మార్ట్వాచ్లు, ఫిట్నెస్ ట్రాకర్లు బ్యాటరీ లేకుండానే పనిచేస్తాయి.
మొదటి వెర్షన్లలో చాలా సమస్యలు ఉన్నాయి. డివైస్లు కాగితం లాంటి సన్నగా ఉండేవి. వేడి సులభంగా బయటికి పోయేది. దీంతో విద్యుత్ ఉత్పత్తి తక్కువగా ఉండేది. తర్వాత 3D పిల్లర్ స్ట్రక్చర్లు ఉపయోగించారు. ఈ స్ట్రక్చర్లు పనితీరును మెరుగుపరిచాయి కానీ డివైస్లు మందం పెరిగింది. అందుకే ఈ సమస్యకు మరో పరిష్కారం అవసరమైంది.
పరిశోధకులు కొత్త ఫ్లాట్ డిజైన్ తయారు చేశారు. ఇవి అధిక కెపాసిటీ గల థర్మోఎలక్ట్రిక్ జనరేటర్లు. వీటిని ప్సూడోట్రాన్స్వర్స్ థర్మోఎలక్ట్రిక్ జనరేటర్లు అంటారు. వేడి బయటికి పోకుండా అడ్డుకుంటాయి. విద్యుత్ ట్రాన్స్ఫర్ కెపాసిటీ చాలా పెరిగింది.
డివైస్లో సిలికాన్ బేస్ ఉపయోగించారు. ఇది వేడిని బయటికి పోకుండా బ్లాక్ చేస్తుంది. రాగి నానోపార్టికల్స్ కూడా జోడించారు. ఇవి వేడి ప్రవాహాన్ని సరిగ్గా నడిపిస్తాయి. డివైస్లో హాట్, కోల్డ్ జోన్లు ఏర్పాటు చేశారు. వీటితో విద్యుత్ ప్రవాహం సమర్థవంతంగా జరుగుతుంది. వేడి, కరెంట్ ఆప్టిమైజ్డ్ యాంగిల్స్లో ప్రవహిస్తాయి.
ఇంక్-బేస్డ్ ప్రింటింగ్ ప్రాసెస్తో తయారు చేస్తారు. ఇది సులభం, తక్కువ ఖర్చుతో జరుగుతుంది. డివైస్ ఫ్లెక్సిబుల్గా ఉంటుంది. వేరబుల్ ప్రొడక్ట్స్కు సరిపోతుంది. వివిధ ఆకారాలు, సైజుల్లో తయారు చేయవచ్చు.
ఈ టెక్నాలజీ ద్వారా స్మార్ట్వాచ్లు, ఫిట్నెస్ ట్రాకర్లకు పవర్ ఇస్తుంది. ఇతర వేరబుల్ గాడ్జెట్లకు కూడా వర్తిస్తుంది. శరీర వేడితో నిరంతరం నడుస్తాయి. ఛార్జింగ్ అవసరం తగ్గుతుంది. ఎకో-ఫ్రెండ్లీ టెక్నాలజీగా మారుతుంది.
Also Read: యూట్యూబ్లో యాడ్స్ తో విసిగిపోయారా?.. ఈ సింపుల్ ట్రిక్ తో ఉచితంగా యాడ్స్ బ్లాక్ చేయండి
స్వయం-శక్తి వేరబుల్స్ త్వరలో సాధారణమవుతాయి. వేరబుల్ ఇండస్ట్రీని పూర్తిగా మార్చేస్తాయి. డివైస్ కెపాసిటీ, యూజర్ ఎక్స్పీరియన్స్ మెరుగవుతాయి. బ్యాటరీల వల్ల వచ్చే ఎలక్ట్రానిక్ వేస్ట్ తగ్గుతుంది. మాస్ ప్రొడక్షన్కు మరిన్ని టెస్టింగ్లు అవసరం. కానీ పరిశోధనలో ఇప్పటివరకు పురోగతి ఆశాజనకంగా ఉంది.
బ్యాటరీ లేని స్మార్ట్వాచ్లు త్వరలో అందుబాటులోకి రానున్నాయి. శరీర వేడితో నడిచే స్మార్ట్వాచ్లు ఈ ఆవిష్కరణ వేరబుల్ టెక్నాలజీకి అనూహ్య మార్పు తీసుకొస్తుంది.
Share
Intinti Ramayanam Pallavi : 'ఇంటింటి రామాయణం ' పల్లవి ఫస్ట్ రెమ్యూనరేషన్ ఎంతో తెలుసా..?
Illu Illalu Pillalu Today Episode: శ్రీవల్లికి దిమ్మతిరిగే షాకివ్వబోతున్న నర్మద.. అమూల్య నిజం చెప్పేసిందా..? వేదవతి ఇచ్చే ట్విస్ట్ ఇదే...
