Sri Satya: బిగ్ బాస్ తెలుగు సీజన్ 6లో కంటెస్టెంట్ గా పాల్గొని తన పెర్ఫార్మెన్స్ తో, వ్యక్తిగత విషయాలతో ఒక్కసారిగా లైమ్ లైట్ లోకి వచ్చింది శ్రీ సత్య. అంతకు ముందు మోడల్గా తన కెరీర్ ను ప్రారంభించిన ఈమె.. 2019లో నటిగా తన ప్రయాణాన్ని మలుచుకుంది.సినిమాలలో, సీరియల్స్ లో నటిస్తూ ప్రేక్షకులలో తనకంటూ ఒక ప్రత్యేకమైన ముద్ర వేసుకున్న ఈ చిన్నది.. తన జీవితంలో ఎదుర్కొన్న ఎన్నో విషయాలను బిగ్ బాస్ రియాల్టీ షోలో పంచుకొని అందరిని ఆశ్చర్యపరిచింది.. ఇదిలా ఉండగా తాజాగా బిగ్ టీవీ ఎక్స్ క్లూజివ్ గా నిర్వహిస్తున్న కిస్సిక్ టాక్స్ కార్యక్రమంలో పాల్గొని ముఖ్యంగా తన తల్లి గురించి చెప్పి అందర్నీ కంటతడి పెట్టించింది.
అసలు తెలిసీ తెలియని వయసులో నేను ప్రేమలో పడ్డాను. అయితే ఆ అబ్బాయిని పెళ్లి చేసుకుంటానని ఇంట్లో చెప్పినప్పుడు మా నాన్న ఒప్పుకోలేదు. దీంతో నేను ఏడాది పాటు ఆయనతో మాట్లాడలేదు. అతడిని చాలా ఇష్టపడ్డాను. అయితే ఎంగేజ్మెంట్ కూడా అయింది. పెళ్లి చేసుకోవాలనుకున్న సమయంలో నా దగ్గర డబ్బు లేదని అతను బ్రేకప్ చెప్పి వెళ్ళిపోయారు. ఇక దాన్నుంచి బయటపడడానికి చాలా రోజులు పట్టింది.. బ్రేకప్ తట్టుకోలేక సూసైడ్ అటెంప్ట్ కూడా చేశాను. నా బ్రేకప్ , నేను ఆత్మహత్య చేసుకోవడం ఇవన్నీ తట్టుకోలేక మా అమ్మ మానసికంగా క్షోభ ఎదుర్కొంది. ఆ ప్రభావం ఆమె మాట తీరుపై పడింది. క్రమంగా మాటలు కోల్పోయింది. ఇక ఎంతో కాలం ఆమెకు చికిత్స చేయించాము. ఫిజియోథెరపీలో భాగంగా ఆమె ఎముకలు విరిగిపోయాయి. దాంతో ఆమె కదలలేని పరిస్థితికి చేరుకుంది. ఇక ఆమె జీవితాంతం అలాగే వీల్ చైర్ లో ఉండిపోవాల్సిందేనని వైద్యులు చెప్పారు.. మా అమ్మకు ఈ పరిస్థితి రావడానికి కారణం నేనే అంటూ ఎమోషనల్ అయింది శ్రీ సత్య.
మా అమ్మ ఫిజియోథెరపీ కోసం వారానికి 20,000 వరకు ఖర్చు అవుతుంది. అలాగే ప్రతి నెల రెండు నుండి రెండున్నర లక్షల వరకు ఖర్చవుతుంది. మా అమ్మ నువ్వు ఆరోగ్యంగా ఉంచడానికి, ఆమెను మళ్లీ మునుపటిలా చూడడానికి నాకు అదృష్టం లేదేమో కానీ నేను ఉన్నంతకాలం మా అమ్మ నాన్నను ఆరోగ్యంగా చూసుకుంటాను. నా ముందున్న మొదటి చివరి లక్ష్యం అదే. ఇక నా చేతిలో ప్రస్తుతం సినిమాలు కానీ , షోలు కానీ లేవు. ఉన్నది ఒకటే బీబీ జోడి. ఇది ఉంది కాబట్టి ప్రస్తుతం డబ్బులు వస్తున్నాయి. ఇది అయిపోతే నా పరిస్థితి ఏంటో అర్థం కావడం లేదు. మా అమ్మను ఎలా కాపాడుకోవాలో తెలియడం లేదు అంటూ శ్రీ సత్య ఎమోషనల్ అయింది. ప్రస్తుతం ఈమె చేసిన కామెంట్లు సోషల్ మీడియాలో వైరల్ గా మారుతున్నాయి.
also read: Sri Sathya: లగ్జరీ బంగ్లాలు.. ఖరీదైన కార్లు.. ఆస్తులపై శ్రీ సత్య షాకింగ్ కామెంట్!
Share
Eggless Dry Fruit Cake: ప్రెజర్ కుక్కర్లోనే హెల్తీ ఎగ్ లెస్ డ్రై ఫ్రూట్ కేక్.. అచ్చం బేకరీ స్టైల్లో!
TG CM progress Report: రైతులకు బంపర్ ఆఫర్.. రైతు భరోసా నిధుల విడుదల తేదీ ఖరారు.. పూర్తి షెడ్యూల్ ఇదిగో!
