Amulya Gowda:కన్నడ నాట బుల్లితెరపై ఎంట్రీ ఇచ్చి, ఒక్క సీరియల్తోనే తెలుగులో ఊహించని రేంజ్ క్రేజ్ సంపాదించుకుంది అందాల భామ అమూల్య గౌడ (Amulya Gowda). తన సహజసిద్ధమైన అందం, అభినయంతో తెలుగు ప్రేక్షకుల హృదయాలను గెలుచుకున్న ఈ ముద్దుగుమ్మ, తాజాగా తన ప్రేమికుడిని అభిమానులకు పరిచయం చేస్తూ సోషల్ మీడియాలో కొన్ని పిక్స్ షేర్ చేసింది. ప్రస్తుతం వైరల్ అవుతున్న ఆ ఆసక్తికర విశేషాలు మీకోసం.
పేరుకే కన్నడ బ్యూటీ అయినా తెలుగు బుల్లితెర వీక్షకులకు అమూల్య గౌడ చాలా దగ్గరైంది. ప్రముఖ తెలుగు సీరియల్ ‘గుండె నిండా గుడిగంటలు’లో ‘మీనా’ పాత్రలో నటిస్తూ తనదైన నటనతో విశేష అభిమాన గణాన్ని సొంతం చేసుకుంది. ఇక ఈ సీరియల్తో ఆమెకు తెలుగు ఇండస్ట్రీలో విపరీతమైన పాపులారిటీ లభించింది.
ALSO READ:పూరి గుడిసెలో ఉండేవాళ్లం.. తన కష్టాలు చెప్పుకొని భావోద్వేగానికి గురైన నూకరాజు!
గత కొంతకాలంగా అమూల్య గౌడ ప్రేమలో ఉందంటూ నెట్టింట రకరకాల వార్తలు వినిపించాయి. కన్నడలో సూపర్ హిట్ అయిన ‘కమలి’ సీరియల్లో తనతో కలిసి నటించిన కో-స్టార్ నిరంజన్ బి.ఎస్తో ఆమె డేటింగ్ చేస్తోందని ప్రచారం జరిగింది. ఇక ఆ సీరియల్ షూటింగ్ సమయంలోనే ఇద్దరి మధ్య చిగురించిన స్నేహం, కాలక్రమేణా ప్రేమగా మారింది. తాజాగా ఆ రూమర్లకు అమూల్య చెక్ పెట్టింది.
అమూల్య గౌడ మనసు గెలుచుకున్న నిరంజన్ బి.ఎస్ కూడా బుల్లితెర నటుడే. కన్నడలో పలు రకాల హిట్ సీరియల్స్లో నటించిన ఆయన, తెలుగు ప్రేక్షకులకు కూడా బాగా పరిచయమే. ఇక ప్రముఖ తెలుగు సీరియల్ ‘ఎన్నెన్నో జన్మల బంధం’లో నటించి ఇక్కడ కూడా మంచి ఫేమ్, ఫాలోయింగ్ను సంపాదించుకున్నాడు.
రియల్ లైఫ్లోనూ ఎంతో చూడముచ్చటగా ఉండే ఈ జంట, ఇరు కుటుంబ సభ్యుల సమక్షంలోనే తమ ప్రేమను ముందుకు తీసుకెళ్తున్నట్లు సమాచారం. అంతేకాకుండా, నిరంజన్తో కలిసి కొత్తగా ఒక యూట్యూబ్ ఛానెల్ను కూడా ప్రారంభించినట్లు అమూల్య వెల్లడించింది. ఇక దీనికి సంబంధించిన ఒక ఆసక్తికర ప్రోమోను షేర్ చేయడంతో ఆ వీడియో ప్రస్తుతం నెట్టింట విపరీతంగా వైరల్ అవుతోంది.
బుల్లితెరపై నటనతో అలరించిన అమూల్య గౌడ – నిరంజన్ జంట రియల్ లైఫ్లోనూ ఒక్కటవుతుండటంతో అభిమానులు, తోటి నటీనటులు వీరికి శుభాకాంక్షలు తెలుపుతున్నారు. కొత్తగా ప్రారంభించిన యూట్యూబ్ ఛానెల్ ద్వారా ఈ లవ్లీ కపుల్ ఎలాంటి విశేషాలను పంచుకుంటారో చూడాలని ఫ్యాన్స్ ఆసక్తిగా ఎదురుచూస్తున్నారు.
Share
ట్రైలర్తో ఆశలు పెంచిన వరుణ్.. రిజల్ట్ ఎలా ఉంటుందో అంటూ టెన్షన్!
రూ.599కే పోర్టబుల్ బ్లూటూత్ స్పీకర్..దీని ముందు హోం థియేటర్స్ కూడా వేస్ట్
