Jabardasth Thanmay: గత దశాబ్ద కాలానికి పైగా ప్రేక్షకులకు మంచి ఎంటర్టైన్మెంట్ అందిస్తూ.. బెస్ట్ కామెడీ షో గా దూసుకుపోతున్న జబర్దస్త్ (Jabardasth) షో గురించి ప్రత్యేకంగా చెప్పాల్సిన పనిలేదు.. ఈ షో ద్వారా పరిచయమైన ఎంతోమంది అటు సినీ రంగంలో కమెడియన్లుగా, హీరోలుగా, దర్శకులుగా రాణిస్తున్నారు.. అలా జబర్దస్త్ తొలినాళ్లల్లో లేడీ గెటప్స్ ను అబ్బాయిలు లేదా ట్రాన్స్ జెండర్స్ ఎక్కువగా పోషించేవారు. అలాంటి వారిలో తన్మయ్ (Thanmay) కూడా ఒకరు. జబర్దస్త్ లో తన అద్భుతమైన పర్ఫామెన్స్ తో అందరినీ ఆకట్టుకున్న ఈమె అనూహ్యంగా షోను వీడారు. కొద్ది రోజుల క్రితమే ఒక ఛానల్ కు ఇచ్చిన ఇంటర్వ్యూలో ఎన్నో విషయాలు పంచుకున్న తన్మయ్.. తన ప్రియుడి చేతిలో మోసపోయిన విషయాన్ని కూడా బయటపెట్టారు.
ట్రాన్స్ జెండర్ అయిన తన్మయ్ గుంటూరుకి చెందినవారు. ఎంబీఏ చదువుతున్న సమయంలోనే జబర్దస్త్ ఆఫర్ రావడంతో ఈ షోలో అడుగు పెట్టారు. ఇక్కడ తన కామెడీ టైమింగ్ , పంచ్ డైలాగ్ తో మరింత పాపులారిటీ సొంతం చేసుకున్నారు.అయితే ఆర్థిక సమస్యల కారణంగా ఎంబీఏ ఫైనల్ ఎగ్జామ్స్ కూడా రాయలేదు. అంతకుముందు ఐపీసీసీ లో సీపీటీ క్లియర్ చేసినా.. ఆర్థిక స్తోమత లేకపోవడం వల్లే సిఏ కలను కూడా మధ్యలోనే వదిలేసుకున్నారు. జబర్దస్త్ లో కిర్రాక్ ఆర్పీ టీం లో పనిచేసిన తన్మయ్.. కిర్రాక్ ఆర్పీతో పాటే జబర్దస్త్ ను కూడా వీడారు. ఆ తర్వాత అదిరింది అనే షోలో కొంతకాలం చేసి మళ్లీ కనిపించకుండా పోయిన ఈమె.. ఇటీవల ఒక ఛానల్ కు ఇంటర్వ్యూ ఇచ్చి ఎన్నో విషయాలను పంచుకున్నారు.
also read:సర్వస్వం అన్నాడు..8 ఏళ్లు వాడుకొని వదిలేసాడు- జబర్దస్త్ బ్యూటీ
తన్మయ్ మాట్లాడుతూ..” ఒక కుటుంబం తప్ప మిగతా అంతా ఫేక్.. ఫ్రెండ్స్ ఉండరు ఎక్కడ చూసినా నమ్మి మోసపోవడం తప్ప ఇంకేం ఉండదు. ఒకడిని నేను చాలా ప్రేమించాను. ఎనిమిదేళ్లు లవ్ చేసాను. కష్టపడి ఈవెంట్స్ చేసిన డబ్బుతో నా ఫ్యామిలీతో పాటు అతడి ఫ్యామిలీని కూడా చూసుకున్నాను. మా ఇంటి దగ్గరే గుంటూరులోనే ఉంటాడు. కానీ వాడు నన్ను లవ్ చేయలేదు. నా డబ్బును ఇష్టపడి నన్ను దారుణంగా మోసం చేశాడు. అప్పటినుంచి ఈ లవ్ వద్దు అనిపించింది. అబ్బాయిలు పెళ్లి చేసుకుంటారు.. పిల్లలు పుడతారు.. వాళ్లకి ఒక కుటుంబం ఉంటుంది. ఆడవాళ్ళకి కూడా పెళ్లి ,కుటుంబం ఉంటుంది కదా.. మరి ట్రాన్స్ జెండర్స్ పరిస్థితి ఏంటి? ఫ్యామిలీ, ఫ్రెండ్స్, సొసైటీ అందరూ కూడా ద్వేషించే వారే. మమ్మల్ని చాలా చులకనగా చూస్తారు.
రూపాయి సంపాదించుకుంటూ ఉన్న దానిలోనే బతికే సమయంలో ఎవడో ఒక వెధవ వచ్చి నేనున్నాను అంటాడు. వారి ప్రేమకు వారి సపోర్టుకి అట్రాక్ట్ అయిపోతాం. తల్లిదండ్రులు సహాయం, ఎవరూ మనల్ని పట్టించుకోనప్పుడు అతను చూపించే ప్రేమ కోసం సర్వం త్యాగం చేయాలనిపిస్తుంది.. ట్రాన్స్ జెండర్ లా మారడం కోసం నేను మూడుసార్లు చచ్చి బతికాను అంటూ ఆవేదన వ్యక్తం చేసింది. తనకి కూడా పెళ్లి చేసుకోవాలని, పిల్లల్ని కని ఫ్యామిలీని చూసుకోవాలని కోరిక ఉన్నప్పటికీ చిన్నప్పటినుంచి హార్మోన్స్ ఎఫెక్ట్స్ వల్ల ఇలా మారాల్సి వచ్చింది అంటూ తెలిపింది.
Share
తెల్ల జుట్టు ఆరోగ్యానికి మంచిదే.. ఆ ప్రమాదకర వ్యాధి నుంచి రక్షణకు సూచన
నాన్న ట్రీట్మెంట్ కి డబ్బులు ఇవ్వండి - డైరెక్టర్ అజయ్ భూపతి ఎమోషనల్ కామెంట్స్
