Big tv kissik talks: బుల్లితెరపై ప్రసారం అవుతున్న కార్యక్రమాలలో జబర్దస్త్ కామెడీ షో (Jabardasth Comedy Show)ఎంతో మంచి ఆదరణ సొంతం చేసుకుంది. ఈ కార్యక్రమం ద్వారా ఎంతోమంది మంచి పేరు ప్రఖ్యాతలను సొంతం చేసుకొని ప్రస్తుత ఇండస్ట్రీలో హీరోలుగా దర్శకులుగా కమెడియన్లుగా కొనసాగుతున్న సంగతి తెలిసిందే. ఇక ఈ కార్యక్రమానికి మొదట్లో జడ్జెస్ గా రోజా, నాగబాబు వ్యవహరించారు. ఈ కార్యక్రమం ద్వారా మంచి గుర్తింపు సంపాదించుకున్న వారిలో హైపర్ ఆది కూడా ఒకరు. ఈ కార్యక్రమంలో మొదట కమెడియన్ గా ఈయన పరిచయమైన అతి తక్కువ సమయంలోనే టీం లీడర్ గా మారిపోయారు. జబర్దస్త్ షో ద్వారా హైపర్ ఆదికి ఎంతో ఫ్యాన్ ఫాలోయింగ్ పెరిగిపోయింది.
ఇక హైపర్ ఆది ప్రస్తుతం జబర్దస్త్ షోకు దూరంగా ఉన్నప్పటికీ ఇతర బుల్లితెర కార్యక్రమాల ద్వారా సందడి చేస్తున్నారు. అలాగే వరుస సినిమాలలో నటిస్తూ కెరియర్ పరంగా బిజీగా ఉన్నారు. తాజాగా హైపర్ ఆది కిస్సిక్ టాక్స్ కార్యక్రమంలో పాల్గొన్నారు. ఈ కార్యక్రమంలో భాగంగా ఎన్నో విషయాలను వెల్లడించారు. ముఖ్యంగా ఆది గారు బ్రాండ్ ఏది అంటూ వర్షా అడగడంతో నాకు తాగే అలవాటు లేదని తెలిపారు.. నీళ్లు తాగడం వల్ల దప్పిక తీరుతుంది తినడం వల్ల ఆకలి తీరుతుంది కానీ తాగడం వల్ల ఏం తృప్తి కలుగుతుందో ఇప్పటివరకు ఎవరు చెప్పలేదు అందుకే నేను తాగలేదు అని తెలిపారు. కానీ సిట్టింగ్ వేసిన వాళ్ల దగ్గర మాత్రం కచ్చితంగా కూర్చుంటానని అక్కడ పెద్ద కంటెంట్ దొరుకుతుందని అది తెలిపారు.
ఇలా తాను టీం లీడర్ అయిన తర్వాత నాలుగో స్కిట్ ఇలా తాగుబోతుల గురించి చేశానని ఆ సమయంలో నాగబాబు గారు విపరీతంగా నవ్వుకున్నారని తెలిపారు. తాగుబోతులు మందు పోసుకునేటప్పుడు ఒక సైంటిస్టులు లాగా బిహేవ్ చేస్తూ ఉంటారు అంటూ ఒక స్కిట్ చేసినప్పుడు నాగబాబు గారు ఆది కొంచెం గ్యాప్ ఇవ్వవయ్యా అంటూ మాట్లాడారు. అలాంటి ఒక గొప్ప వ్యక్తి నా కామెడీ విషయంలో కాస్త గ్యాప్ ఇవ్వని చెప్పడమే నాకు పెద్ద ప్రశంసలు. ఇంతకంటే ఇంకేం కావాలని ఆది తెలిపారు. ఇక ఈ కార్యక్రమంలో జడ్జిగా కొనసాగుతున్న రోజా గారు కూడా నా కామెడీకి విపరీతంగా నవ్వుకొని కలర్ పేపర్స్ తెప్పించి మరి చల్లుతూ ఎంజాయ్ చేశారని, కమెడియన్ గా తాను అక్కడే సక్సెస్ అయ్యాను అని అది తెలియచేశారు.
ఇలా జబర్దస్త్ ద్వారా మంచి గుర్తింపు సంపాదించుకున్న ఆది ప్రస్తుతం శ్రీదేవి డ్రామా కంపెనీ, ఢీ డాన్స్ షో కార్యక్రమంలో సందడి చేస్తున్నారు. ఇక ఇటీవల సినిమాలపై పూర్తిస్థాయిలో ఫోకస్ పెట్టారని తెలుస్తుంది. ఎక్కువగా సినిమాలలో నటిస్తూ ఆది బిజీగా ఉన్నారు. ఈ కార్యక్రమంలో భాగంగా ఆది తన ఫ్యామిలీ గురించి, కెరియర్ గురించి ఎన్నో విషయాలను అభిమానులతో పంచుకున్నారు.
Share
BRS : గులాబీ సెల్ఫ్ గోల్.. ఇకపై సవాళ్లు విసిరే దైర్యం ఉందా?
KTR on CM Revanth: సీఎం రేవంత్ రాబందులా మారారు.. కేటీఆర్ సంచలన వ్యాఖ్యలు
