Big Tv Kissik Talks: దివ్వెల మాధురి పరిచయం అవసరం లేని పేరు. ఈమె ప్రముఖ రాజకీయ నాయకుడు దువ్వాడ శ్రీనివాస భార్యగా అందరికీ ఎంతో సుపరిచితమే. అయితే దువ్వాడ శ్రీనివాస్ ఇదివరకే వాణి అనే మహిళను వివాహం చేసుకున్నారు. ఈ దంపతులకు ఇద్దరు కుమార్తెలు ఉన్నారు. ఇక దువ్వాడ శ్రీనివాస్ తన పెద్ద కుమార్తెకు పెళ్లి చేసిన తరువాత దివ్వెల మాధురితో సన్నిహితంగా ఉండడంతో వీరి వ్యవహారం అప్పట్లో సంచలనంగా మారిన సంగతి తెలిసిందే. ఇలా వాణితో పూర్తిగా విభేదాలు రావడంతోనే శ్రీనివాస్ మాధురికి దగ్గరయ్యారని ప్రస్తుతం వీరిద్దరూ పెళ్లి చేసుకుని కొత్త జీవితాన్ని ప్రారంభించిన సంగతి తెలిసిందే.
ఇకపోతే మాధురి విషయంలో దువ్వాడ శ్రీనివాస్ వాణి మధ్య గొడవలు చోటు చేసుకున్న సమయంలో మాధురి కారు ప్రమాదానికి గురి అయిన సంగతి తెలిసిందే. ఆ సమయంలో ఈమె ఆత్మహత్య ప్రయత్నం చేశారు అంటూ వార్తలు బయటకు వచ్చాయి. అయితే తాజాగా మాధురి కిస్సిక్ టాక్స్ కార్యక్రమంలో పాల్గొన్నారు. ఈ కార్యక్రమంలో భాగంగా ఈ కారు ప్రమాదం గురించి ప్రశ్నలు ఎదురయ్యాయి. ఎంతో ధైర్యంగా కనిపించే మీరు ఓసారి కారులో వెళుతూ సూసైడ్ చేసుకోబోయారు కారణం ఏంటి అంటూ ప్రశ్న ఎదురయ్యింది. ఈ ప్రశ్నకు మాధురి సమాధానం చెబుతూ అది సూసైడ్ కాదని క్లారిటీ ఇచ్చారు.
ఆ సమయంలో శ్రీనివాస్ గారు వాణి, తనకు మధ్య జరిగిన గొడవల వల్ల తనకు నిద్ర లేదు బాగా స్ట్రెస్ ఫీలయ్యాను. ఇక కారు డ్రైవింగ్ చేసేటప్పుడు కూడా చాలా స్పీడ్ గా వెళ్లానని, ఫోన్ కూడా కింద పడిపోవడంతో అనుకోకుండా నా కారు ప్రమాదానికి గురి అయ్యిందని నేను మాత్రం సూసైడ్ చేసుకోలేదంటూ ఈ సందర్భంగా మాధురి క్లారిటీ ఇచ్చారు. ఇకపోతే దువ్వాడ శ్రీనివాస్ మాధురి గురించి సోషల్ మీడియాలో ఎన్నో రకాల కామెంట్లు కూడా వ్యక్తం అయ్యాయి. ఈ కామెంట్లపై కూడా ఈ సందర్భంగా మాధురి స్పందించారు. ప్రస్తుతం నాకు ఇలాంటి కామెంట్స్ అలవాటయినప్పటికీ మొదట్లో మాత్రం చాలా బాధనిపించేదని ఆ కామెంట్స్ చూసి ఎంతో బాధపడ్డానని మాధురి తెలిపారు.
ఇప్పటికీ మా ఇద్దరి గురించి 80% పాజిటివ్ కామెంట్ చేస్తే ఇంకా ఒక 20% నెగటివ్ కామెంట్లు చేస్తూనే ఉన్నారని, ఇలాంటి కామెంట్లు నా ఒక్కదానికే కాదు ప్రతి ఒక్క మహిళకి కూడా ఎదురవుతూనే ఉంటాయని తెలిపారు. మనం ఇంట్లో కూర్చున్నంత సేపు ఎవరు మన గురించి పెద్దగా పట్టించుకోరు ఎప్పుడైతే మనం పబ్లిక్ లోకి వస్తామో మన గురించి ఏదో ఒకటి మాట్లాడుతూ ఉంటారు. ఒక అమ్మాయి నచ్చిన బట్టలు వేసుకున్నా, గట్టిగా మాట్లాడినా, చివరికి గట్టిగా నవ్వినా కూడా విమర్శలు చేస్తుంటారు ఇవన్నీ కాదని ఇంట్లో కూర్చున్న దీనికే పని చేతకాదు అంటూ కూడా అమ్మాయిల పట్ల కామెంట్లు చేస్తారని మాధురి తెలిపారు. ఇలాంటి చిన్న విషయాలను పట్టించుకోని సూసైడ్ ల వరకు వెళ్లకూడదు. ప్రతి ఒక్కరి జీవితంలో సెకండ్ ఛాన్స్ అనేది ఉంటుందని అందుకు తన జీవితమే ఉదాహరణ అంటూ మాధురి చేసిన ఈ కామెంట్స్ వైరల్ అవుతున్నాయి.
Also Read: మాధురి కోసం దువ్వాడ ఆత్మహత్యాయత్నం.. ఆ పని చేశారంటూ మాధురి ఎమోషనల్
Share
రూ.700 కోట్లతో హైదరాబాద్లో క్రీడా మైదానాలు.. సీఎం రేవంత్ రెడ్డి కీలక ప్రకటన
Thriller Movie OTT : పోస్ట్ మ్యాన్ చేతిలో చావు కబురు... కిడ్నాప్ కేసులో పిచ్చెక్కించే ట్విస్టులు
