Tiny QR Code: ప్రపంచంలో అతి చిన్న QR కోడ్ రెడీ.. వేల సంవత్సరాల డేటా స్టోరేజ్.. గిన్నిస్ వరల్డ్ రికార్డ్

Tiny QR Code| శాస్త్రవేత్తలు ప్రపంచంలో అతి చిన్న QR కోడ్‌ను తయారు చేశారు. ఈ QR కోడ్ ఒక బ్యాక్టీరియా కంటే చిన్నది. ఎలక్ట్రాన్ మైక్రోస్కోప్‌తో మాత్రమే స్పష్టంగా చూడవచ్చు. దీని సైజు కేవలం 1.98 చదరపు మైక్రోమీటర్లు. ఈ ఆవిష్కరణ గిన్నిస్ వరల్డ్ రికార్డు సాధించింది. ఆస్ట్రియా దేశం వియన్నా వీన్ టెక్నాలజీ యూనివర్శిటీ శాస్త్రవేత్తలు.. Cerabyte GmbHతో కలిసి ఈ ప్రాజెక్ట్ పూర్తి చేశారు.

చిన్న QR కోడ్‌ను ఎలా తయారు చేశారు?

సాధారణ QR కోడ్‌లు ప్రింట్ చేస్తారు కానీ ఇది వేరు. శాస్త్రవేత్తలు క్రోమియం నైట్రైడ్ సెరామిక్ లేయర్‌పై ఈ QR కోడ్‌ను ఎంగ్రేవ్ చేశారు. ఈ సెరామిక్ లేయర్ కేవలం 15 నానోమీటర్ల మందం మాత్రమే. ఫోకస్డ్ ఐయాన్ బీమ్ ఉపయోగించి చాలా కచ్చితంగా ప్యాటర్న్ చెక్కారు. ఈ ప్రక్రియకు అత్యంత అడ్వాన్స్ ఎక్విప్‌మెంట్ అవసరమైంది. సెరామిక్ సర్ఫేస్ దీర్ఘకాలం డేటాను భద్రపరుస్తుంది.

చిన్న సైజులోనే ఎందుకు తయారు చేశారు?

ఇది కేవలం రికార్డు కోసం మాత్రమే కాదు. అతి ఎక్కువ డెన్సిటీతో డేటా స్టోరేజ్ సాధ్యమని చూపించడమే లక్ష్యం. ఈ ప్రాజెక్ట్ దీర్ఘకాల డేటా స్టోరేజ్ భవిష్యత్తును సూచిస్తుంది. సెరామిక్ మెటీరియల్ డేటాను శతాబ్దాల పాటు, కొన్ని వేల సంవత్సరాల పాటు కూడా రక్షిస్తుంది. విద్యుత్ శక్తి ఏ మాత్రం అవసరం లేదు. ఎనర్జీ ఖర్చులు లేవు. కూలింగ్, మెయింటెనెన్స్ అవసరం లేదు.

చిన్న స్థలంలో భారీ స్టోరేజ్

ఈ టెక్నాలజీతో అతి ఎక్కువ డేటా కంప్రెస్ చేయవచ్చు. ఒక A4 సైజు పేపర్‌పై 2TB కంటే ఎక్కువ డేటా స్టోర్ చేయవచ్చు. ఎలక్ట్రిసిటీ లేకుండానే డేటా సేఫ్‌గా ఉంటుంది. సాధారణ డేటా సెంటర్లు చాలా ఎనర్జీ వినియోగిస్తాయి. సెరామిక్ స్టోరేజ్ సస్టైనబుల్ ప్రత్యామ్నాయం. ఎన్విరాన్‌మెంటల్ కంట్రోల్ సిస్టమ్స్ అవసరం లేదు. ఆర్కైవల్ స్టోరేజ్ పద్ధతులను మార్చగలదు.

Also Read: మీ పాత ఫోన్ ఈజీగా విక్రయించి క్యాష్ పొందండి.. ఎలా చేయాలంటే?

సెరామిక్ స్టోరేజ్ దీర్ఘకాల లాభాలు

సెరామిక్ మెటీరియల్ వేడి, తేమ, ఫిజికల్ డ్యామేజ్‌కు నిరోధకం. డేటాను చాలా కాలం రక్షిస్తుంది. సాధారణ హార్డ్ డ్రైవ్‌లు కాలక్రమేణా డీగ్రేడ్ అవుతాయి. క్లౌడ్ సర్వర్లు ఎలక్ట్రిసిటీ, ఇన్‌ఫ్రాస్ట్రక్చర్ మీద ఆధారపడతాయి. సెరామిక్ స్టోరేజ్ ఈ డిపెండెన్సీలను తొలగిస్తుంది. పాసివ్ డేటా ప్రిజర్వేషన్ సాధ్యమవుతుంది. ప్రభుత్వాలు అధికారిక డాక్యుమెంట్లను సురక్షితంగా ఉంచవచ్చు. ట్రెడిష్నల్ కంపెనీలు అత్యంత పురాతన రికార్డులను కూడా శాశ్వతంగా ఆర్కైవ్ చేయవచ్చు. కంపెనీలు రీసెర్చ్ డేటాను సేఫ్‌గా ఉంచవచ్చు.

డేటా టెక్నాలజీలో పెద్ద అడుగు

ఈ మైక్రోస్కోపిక్ QR కోడ్ కేవలం చిన్న సైజు వల్ల మాత్రమే రికార్డు సాధించలేదు. ఇది నానోటెక్నాలజీ, మెటీరియల్ సైన్స్‌లో మనుషులు సాధించిన పురోగతిని కూడా తెలుపుతోంది. ప్రెసిషన్ ఇంజినీరింగ్, స్టోరేజ్ ఇన్నోవేషన్ కలిసి పనిచేశాయి. చిన్న సర్ఫేస్‌లో భారీ సమాచారం ఉంచవచ్చని నిరూపించింది. భవిష్యత్ సిస్టమ్‌లు ఈ కాన్సెప్ట్‌ను మరింత విస్తరిస్తాయి. ప్రపంచవ్యాప్తంగా శాస్త్రవేత్తలు కొత్త స్టోరేజ్ మెటీరియల్స్‌పై పరిశోధన చేస్తున్నారు. ఎనర్జీ-ఎఫిషియెంట్ (తక్కువ విద్యుత్ వినియోగించే) స్టోరేజ్ టెక్నాలజీకి ప్రపంచవ్యాప్తంగా డిమాండ్ పెరుగుతోంది.

Join WhatsApp Channel

Share

• 
• 
• 
• 
• 
•