Laptop Price Hike: పెరగనున్న ల్యాప్‌టాప్ ధరలు.. ఇప్పటికే పెంచేసిన HP, Dell కంపెనీలు

Laptop Price Hike| ప్రపంచ టెక్ మార్కెట్‌లో పెద్ద మార్పులు రాబోతున్నాయి. ఈ ప్రభావం బడ్జెట్ కస్టమర్లపై డైరెక్ట్‌గా ఉంటుంది. ప్రముఖ PC కంపెనీలు ల్యాప్‌టాప్ ధరలను పెంచడం మొదలుపెట్టాయి. Dell, HP వంటి సంస్థలు ఇప్పటికే ధరలు పెంచాయి. మరి కొన్ని నెలల్లో ధరలు మరింత పెరిగే అవకాశం ఉందని నిపుణులు చెబుతున్నారు. ఈ పెరుగుదలకు ప్రధాన కారణం మెమరీ చిప్‌ల కొరత.

మెమరీ చిప్ సరఫరా సమస్య

ఆధునిక ల్యాప్‌టాప్‌లు మెమరీ చిప్‌లపై ఎక్కువగా ఆధారపడతాయి. DRAM, NAND మెమరీ చిప్‌లు పెర్ఫామెన్స్, డేటా స్టోరేజ్ స్పీడ్‌కు కీలకం. IDC ప్రకారం ఈ ఏడాది మెమరీ ఉత్పత్తి సాధారణ స్థాయి కంటే నెమ్మదిగా ఉంది. అయితే మెమరీ చిప్‌ల డిమాండ్ వేగంగా పెరుగుతోంది. సరఫరా తక్కువగా, డిమాండ్ ఎక్కువగా ఉండటంతో చిప్ ధరలు పెరిగాయి. ఈ కారణంగా ల్యాప్‌టాప్ ధరలు కూడా పైపైకి వెళ్లనున్నాయి.

ఇప్పటికే ధరలు పెంచేసిన కంపెనీలు

Dell కొన్ని Pro మోడల్స్ ధరలు పెంచింది. 32GB మెమరీ మోడల్స్‌లో $130 నుంచి $230 (సుమారు రూ.11,800 నుంచి రూ.20,800) పెరిగాయి. HP కూడా విస్తృత ధర పెంచుదల గురించి సూచించింది. మిడ్-రేంజ్, బిజినెస్ ల్యాప్‌టాప్‌లపై ప్రభావం ఎక్కువగా ఉంటుంది. హై-ఎండ్ మోడల్స్ మాత్రమే ప్రభావితం కావు.

ల్యాప్‌టాప్ ఇండస్ట్రీ హెచ్చరికలు

లెనోవో CEO యాంగ్ యువాన్‌క్వింగ్ షిప్‌మెంట్ ఒత్తిడి గురించి హెచ్చరించారు. చిప్ ధరల పెరుగుదల PC సరఫరాపై ప్రభావం చూపుతుందన్నారు. ఇంటెల్ CEO లిప్-బు టాన్ కూడా దీర్ఘకాలిక ధరల ప్రణాళిక గురించి వెల్లడించారు. 2028 వరకు చిప్ కొరత తీరడం కష్టమన్నారు. ఈ సమస్య కొన్నేళ్లు కొనసాగవచ్చు.

చిన్న కంపెనీలపై ఎక్కువ ఒత్తిడి

చిన్న బ్రాండ్లు ఎక్కువ ఆర్థిక ఒత్తిడి ఎదుర్కొంటున్నాయి. Framework డిసెంబర్ నుంచి ధరలు పలుమార్లు పెంచింది. Corsair తక్కువ ధరల మెమరీ ప్రీ-ఆర్డర్లను క్యాన్సిల్ చేసింది. Valve తన Steam Deck డివైస్ స్టాక్ తక్కువగా ఉండవచ్చని హెచ్చరించింది.

మెమరీ డిమాండ్ పెంచిన AI రంగం

ఆర్టిఫిషియల్ ఇంటెలిజెన్స్ రంగం ఈ సరఫరా అసమతుల్యతకు ప్రధాన కారణం. Samsung, SK Hynix, Micron వంటి మెమరీ తయారీదారులు AI కంపెనీలకు ప్రాధాన్యత ఇస్తున్నారు. హై-బ్యాండ్‌విడ్త్ మెమరీ ఉత్పత్తిపై దృష్టి పెట్టారు. Microsoft, Meta వంటి టెక్ దిగ్గజాలు పెద్ద మొత్తంలో మెమరీ కొంటున్నాయి. ఇది సాధారణ PC తయారీదారుల సరఫరాను తగ్గిస్తోంది.

Also Read: ఇంటర్నెట్‌లో ఫ్రీగా సినిమాలు చూసేవారిపై కేసులు.. హెచ్చరిక జారీ చేసిన ప్రభుత్వం

భారత కొనుగోలుదారులు తెలుసుకోవాల్సినవి

భారత ఆన్‌లైన్ ప్లాట్‌ఫామ్‌లలో ఇప్పటికీ ల్యాప్‌టాప్ ధరలు స్థిరంగా ఉన్నాయి. ధరలో పెరుగుదల ఇంకా కనిపించలేదు. కానీ ప్రపంచ ట్రెండ్స్ ప్రకారం త్వరలో ధరలు పెరిగే అవకాశం ఉంది. కొత్త ల్యాప్‌టాప్ కొనాలనుకునేవారు త్వరగా కొనేయడం మంచిది. పెద్ద డిస్కౌంట్స్ కోసం వేచి ఉండటం రిస్కీ అవుతుంది. ప్రస్తుత ధరలు ఎక్కువ కాలం ఉండకపోవచ్చు.

Join WhatsApp Channel

Share

• 
• 
• 
• 
• 
•