Robot malfunction| టెక్నాలజీ అడ్వాన్స్ అయ్యేకొద్ది మనుషులు శారీరక శ్రమ తగ్గించుకునేందుకు కంప్యూటర్లు, మెషీన్లపై ఆధారపడుతున్నారు. ప్రపంచవ్యాప్తంగా చాలా దేశాల్లో ఫ్యాక్టరీలు, ఇళ్లు, హోటళ్లు, షాపుల్లో రోబోలను హెల్పర్లుగా, వర్కర్లుగా ఉపయోగిస్తున్నారు. కంపెనీలు మనుషుల స్థానంలో రోబోలతో పనిచేయిస్తున్నాయి. రోబోలు పని త్వరగా, సులభంగా చేస్తాయి. కానీ కొన్నిసార్లు రోబోలు అదుపుతప్పిన సందర్భాలున్నాయి. అలాంటి సమయంలో చాలా నష్టం కలిగిస్తాయి. ఇటీవల ఒక రెస్టారెంట్లో హ్యూమనాయిడ్ (మనిషి ఆకారంలో ఉండే) రోబో ఓనర్, కస్టమర్లను ఒక ఆట ఆడుకుంది.
ఇటీవల వైరల్ అయిన వీడియోలో ఒక రోబో అసాధారణంగా ప్రవర్తిస్తున్నట్లు కనిపిస్తోంది. అకస్మాత్తుగా అదుపు తప్పి చుట్టపక్కలంతా గందరగోళం సృష్టించింది. టేబుల్ మీద ఉన్న స్పూన్లు, చాకులు, ప్లేట్లు విసిరేసింది. చాప్స్టిక్స్ గాల్లోకి ఎగరవేసింది. వీడియోలో ఆ రోబో ఆరెంజ్ ఏప్రాన్ ధరించినట్లుగా కనిపిస్తోంది. దానిపై “I’m GOOD” అని రాసి ఉంది. ముఖంపై LED స్మైల్ కనిపిస్తోంది. అంటే ఆ రోబో రెస్టారెంట్లో సర్వర్గా పనిచేస్తోంది.
రోబో చుట్టూ ఉన్న వస్తువులను కిందపడేసి విరగొట్టింది. నేలమీద అంతా ప్లేట్లు, గిన్నెలు విరిగిపడి అందులో ఆహారమంతా చెత్తగా అయింది. తర్వాత ఒక టేబుల్ను పగలగొట్టింది. ఆ తర్వాత ఇష్టమొచ్చినట్లు డ్యాన్స్ చేయడం మొదలుపెట్టింది. కస్టమర్లు, సిబ్బంది అందరూ గందరగోళంలో పడ్డారు. అదృష్టవశాత్తు ఎవరికీ గాయాలు కాలేదు.
ఇదంతా ఎక్కడ జరిగింది
ఈ ఘటన అమెరికాలోని సాన్ జోస్, కుపర్టినో ప్రాంతంలోని హైదిలావో హాట్పాట్ రెస్టారెంట్లో జరిగింది. అక్కడ సర్వర్గా పనిచేసే రోబో.. ప్రమోషనల్ డ్యాన్స్ పెర్ఫామెన్స్ చేయాల్సి ఉంది. కస్టమర్లను ఆకర్షించడానికే ఓనర్లు ఇదంతా ఏర్పాటు చేశారు. కానీ అదుపు తప్పి గందరగోళం సృష్టించింది.
రోబో చేసే గందరగోళం చూసి రెస్టారెంట్ సిబ్బంది త్వరగా స్పందించారు. జాగ్రత్తగా రోబో దగ్గరకు వెళ్లారు. ఒకరు రోబో మెడను పట్టుకుని ఆపే ప్రయత్నం చేశారు. మరొకరు మొబైల్ యాప్తో కంట్రోల్ చేయడానికి ప్రయత్నించారు. రోబో చేతులు కంట్రోల్ లేకుండా ఊగుతూనే ఉన్నాయి. ముగ్గురు సిబ్బంది కలిసి కష్టపడి రోబోను ఆపగలిగారు.
ఈ ఘటన పబ్లిక్ ప్లేస్లలో రోబో భద్రత గురించి ప్రశ్నలు లేవనెత్తింది. రోబో మాల్ఫంక్షన్ అయితే ప్రమాదం జరగవచ్చు. కంపెనీలు ముందుగా బాగా టెస్ట్ చేయాలి. భద్రతా చర్యలు తీసుకోవాలి. క్రౌడెడ్ ఏరియాల్లో మనుషుల సూపర్విజన్ చాలా ముఖ్యం.
Also Read: ఇక కోడింగ్ ఉద్యోగాలకు మనుషులు అవసరం లేదు.. ఏఐ చేసేస్తుంది.. శాం ఆల్ట్మ్యాన్ షాకింగ్ వ్యాఖ్యలు
రెస్టారెంట్లు, రిటైల్ షాపుల్లో హ్యూమనాయిడ్ రోబోలు ఎక్కువగా వినియోగిస్తున్నారు. కస్టమర్లను ఆకర్షించడానికి, యూనిక్ ఎక్స్పీరియన్స్ ఇవ్వడానికి ఉపయోగిస్తున్నారు. కానీ ఇలాంటి ఘటనలు రోబోలు ఇంకా పర్ఫెక్ట్ కావడం లేదని చూపిస్తున్నాయి.
ఈ రోబో ఘటన పని ప్రదేశాల్లో ఆటోమేషన్ లాభాలు, రిస్క్లు రెండూ చూపిస్తుంది. రోబోలు పని సులభం చేస్తాయి కానీ కఠినమైన కంట్రోల్ అవసరం. బిజినెస్లు భద్రత, మానిటరింగ్పై దృష్టి పెట్టాలి. టెక్నాలజీ మనుషులకు సహాయకరంగా ఉండాలి, సమస్యలు సృష్టించకూడదు.
Share
Rohith Reddy Drug Case: రోహిత్ రెడ్డి డ్రగ్స్ కేసులో బీఆర్ఎస్కు తలనొప్పి.. షోకాజ్తో సరిపెడతారా? లేక సస్పెండ్ చేస్తారా?
Shahid Afridi: ఆఫ్ఘానిస్తాన్ పై వేసిన బాంబులకు ఇండియా వణికిపోతోంది !
