Oppo Reno 15 Pro Price Cut: తక్కువ ధరలో మంచి ప్రీమియం స్మార్ట్ఫోన్ కొనాలని ప్లాన్ చేస్తున్నారా? అయితే మీకు ఇది నిజంగా సూపర్ ఛాన్స్. ఒప్పో కంపెనీకి చెందిన లేటెస్ట్ ఫ్లాగ్షిప్ ఫోన్ ‘ఒప్పో రెనో 15 ప్రో’పై ప్రస్తుతం విజయ్ సేల్స్లో కళ్లు చెదిరే ఆఫర్లు నడుస్తున్నాయి. అసలు ధరపై భారీ తగ్గింపుతో పాటు బ్యాంక్ ఆఫర్లను కూడా కలిపి వాడుకుంటే.. ఈ ఫోన్ను చాలా తక్కువ ధరకే సొంతం చేసుకోవచ్చు.
ఈ ఫోన్ అసలు ధర రూ.74,999గా ఉంది. అయితే విజయ్ సేల్స్ ప్రస్తుత సేల్లో భాగంగా దీనిపై నేరుగా డిస్కౌంట్ ఇస్తూ రూ.67,999కే లిస్ట్ చేసింది. దీంతోపాటు అమెరికన్ ఎక్స్ప్రెస్ కార్డ్ ద్వారా EMI లావాదేవీ జరిపితే మరో రూ.7,500 అదనపు తగ్గింపు లభిస్తుంది. దీంతో మొత్తంగా చూసుకుంటే అసలు ధర కంటే సుమారు రూ.14,500 వరకు లాభం పొందే అవకాశం ఉంది.
ఈ ఫోన్ ధర మాత్రమే కాదు.. ఫీచర్లు కూడా నెక్స్ట్ లెవెల్లో ఉన్నాయి. ఫొటోగ్రఫీని ఇష్టపడే వారి కోసం దీనిలో వెనుక వైపు మూడు కెమెరాలను ఇచ్చారు. అందులో ప్రధాన కెమెరా ఏకంగా 200MP కావడం విశేషం. దీంతో పాటు మరో రెండు 50MP కెమెరాలు ఉన్నాయి. ఇక సెల్ఫీల కోసం ముందు భాగంలో కూడా 50MP కెమెరాను అమర్చారు. దీనివల్ల ఫొటోలు, వీడియో కాల్స్ చాలా స్పష్టంగా వస్తాయి.
Also Read: ల్యాప్టాప్ను మించిన పెర్ఫార్మెన్స్.. 185Hz డిస్ప్లేతో వస్తున్న Red Magic 5 Pro Tablet!
ఈ ఫోన్లో 6.78 ఇంచుల ఫుల్ హెచ్డీ ప్లస్ డిస్ప్లేను అందించారు. ఇది 120Hz రిఫ్రెష్ రేట్తో పనిచేస్తుంది కాబట్టి.. గేమ్స్ ఆడేటప్పుడు, వీడియోలు చూసేటప్పుడు స్క్రీన్ చాలా స్మూత్గా సాగుతుంది. ఇక పనితీరు విషయానికి వస్తే.. డియాటెక్ డైమెన్సిటీ 8450 ప్రాసెసర్ను వాడారు. 12GB RAM 256GB స్టోరేజ్తో వస్తున్న ఈ ఫోన్, లేటెస్ట్ ఆండ్రాయిడ్ 16 ఆపరేటింగ్ సిస్టమ్తో పనిచేస్తుంది.
ఈ ఫోన్ బ్యాటరీ లైఫ్ కూడా చాలా అద్భుతంగా ఉంటుంది. దీనిలో ఏకంగా 6500mAh భారీ బ్యాటరీని ఇచ్చారు. దీనికి తోడు 80W సూపర్ ఊక్ (SUPERVOOC) ఫాస్ట్ చార్జింగ్ సపోర్ట్ ఉండటం వల్ల ఫోన్ చాలా వేగంగా ఛార్జ్ అవుతుంది. అలాగే ఫోన్ ఎక్కువ కాలం మన్నికగా ఉండటం కోసం దీనికి ఐపీ69 (IP69) రేటింగ్ ఇచ్చారు. అంటే నీళ్లు, దుమ్ము పడినా ఫోన్కు ఏమీ కాదు. ప్రీమియం ఫీచర్లు ఉన్న ఈ ఫోన్ను తక్కువ ధరకే సొంతం చేసుకోవడానికి ఇది ఒక మంచి అవకాశం.
Share
Saikrishna lock-up death case: సాయికృష్ణ లాకప్ డెత్ కేసు.. దర్యాప్తు స్పీడ్ పెంచిన సిట్, కానిస్టేబుల్ అరెస్ట్
బోర్డింగ్ పాస్ ఉన్నా విమానం ఎక్కనివ్వలే.. సీన్ కట్ చేస్తే స్పైస్ జెట్ కు షాక్!
