Oppo F33 Series: సాధారణంగా ఒప్పో ఫోన్లు అంటేనే టెక్ ప్రియుల్లో ఒక రకమైన క్రేజ్ ఉంటుంది. ముఖ్యంగా తక్కువ ధరలో మంచి లుక్, పవర్ఫుల్ బ్యాటరీ కావాలి అనుకునే వారికి ఒప్పో ఎప్పుడూ ఫస్ట్ ఆప్షనే. గతేడాది సెప్టెంబర్లో వచ్చిన F31 సిరీస్కు మంచి రెస్పాన్స్ రావడంతో.. ఇప్పుడు దానికి కొనసాగింపుగా ‘Oppo F33’ సిరీస్ను మార్కెట్లోకి తీసుకురావడానికి కంపెనీ రెడీ అయిపోయింది. ఈ నెలాఖరుకల్లా ఈ కొత్త ఫోన్లు ఇండియన్ మార్కెట్లోకి వచ్చే అవకాశం ఉందని టెక్ నిపుణుల అంచనా.
టెక్ వర్గాల సమాచారం ప్రకారం.. Oppo F33, Oppo F33 Pro మోడల్స్ ఏప్రిల్ మూడో వారంలోనే భారత్లోకి ఎంట్రీ ఇవ్వనున్నాయి. ఈసారి కంపెనీ కేవలం ఫీచర్ల మీద మాత్రమే కాకుండా.. ఫోన్ మన్నిక మీద కూడా బాగా ఫోకస్ పెట్టినట్లు తెలుస్తోంది. గతంలో వచ్చిన ఫోన్ల కంటే ఇవి చాలా స్ట్రాంగ్గా ఉంటాయట. అంతేకాదు.. నీళ్లు, దుమ్ము నుంచి రక్షణ కల్పించే మెరుగైన రేటింగ్తో వస్తున్నాయని సమాచారం.
Also Read: బాబోయ్.. ఇంత పెద్ద టీవీనా? LG 115 అంగుళాల స్మార్ట్ టీవీ లాంచ్.. గేమర్లకు ఇక పండగే!
ఈ సిరీస్లో అందరినీ ఆశ్చర్యపరిచే విషయం దీని బ్యాటరీనే. ఇందులో ఏకంగా 7,000mAh కంటే పెద్ద బ్యాటరీని ఇచ్చే అవకాశం ఉంది. దీంతో ఒక్కసారి ఛార్జ్ చేస్తే రెండు రోజుల వరకు తిరుగుండదు. ఇక పర్ఫార్మెన్స్ విషయానికొస్తే.. Pro మోడల్లో మంచి గేమింగ్ చిప్సెట్, ఎక్కువ RAM, ఇంకా అదిరిపోయే కెమెరా సెటప్ ఉండబోతున్నాయి.
ప్రస్తుతం మార్కెట్లో అన్ని ఫోన్ల ధరలు కాస్త పెరుగుతున్నాయి కాబట్టి.. Oppo F33 సిరీస్ కూడా మునుపటి కంటే కొంచెం ఎక్కువే ఉండొచ్చు. ఈ ఫోన్ల ధర సుమారుగా రూ.25,000 నుండి రూ.35,000 మధ్యలో ఉండొచ్చని అంచనా. అయితే దీనిలో Plus వెర్షన్ ఉంటుందా లేదా అనే దానిపై ఇంకా స్పష్టత లేదు. మీరు గనుక వపర్ఫుల్ బ్యాటరీ, ఎక్కువ కాలం మన్నిక వచ్చే మంచి ఫోన్ కోసం చూస్తుంటే.. మరికొన్ని రోజులు ఆగితే ఈ ఒప్పో కొత్త ఫోన్లపై ఓ లుక్కేయొచ్చు.
Also Read: ఫోన్ తీయాల్సిన పనిలేదు.. నథింగ్ ఏఐ గ్లాసెస్ వచ్చేస్తున్నాయి, అన్నీ కళ్లద్దాలతోనే ఇక!
Share
ఓలా రీ ఎంట్రీ, టీవీఎస్ డామినేషన్.. అమ్మకాల్లో దుమ్మురేపిన టాప్ 5 బ్రాండ్స్ ఇవే!
ఎయిర్టెల్ రూ. 355 Vs జియో రూ. 339 ప్లాన్.. ఏది బెటర్ ఆప్షన్?
