Budget MacBook| ఆపిల్ చౌక ధరలో కొత్త ఎంట్రీ-లెవల్ మ్యాక్బుక్ లాంచ్ చేయనుంది. బడ్జెట్ ధరలో ల్యాప్టాప్ కొనాలనుకునే వారి కోసం ప్రత్యేకంగా ఈ మ్యాక్బుక్ తీసుకురాబోతోంది. ఇప్పటివరకు మ్యాక్బుక్లు ప్రీమియం ధరలో ఉండేవి. ఉదాహరణకు మ్యాక్బుక్ ఎయిర్ ధర $899 (భారత కరెన్సీలో సుమారు రూ.75,000) నుంచి ప్రారంభమవుతుంది. ఆపిల్ లైనప్లో ఉన్న గ్యాప్ను తక్కువ బడ్జెట్లో వచ్చే ఈ కొత్త మ్యాక్బుక్ పూర్తి చేస్తుంది. తక్కువ ధరలో ఆపిల్ టెక్నాలజీ ఎక్స్పీరియన్స్ కావాలనుకునే వారిని ఆకర్షించడమే లక్ష్యం.
టెక్ మీడియా రిపోర్ట్స్ ప్రకారం.. ఈ చౌక మ్యాక్బుక్లో ఆపిల్ A18 Pro చిప్సెట్ ఉండవచ్చు. ఇదే చిప్ iPhone 16 Pro సిరీస్లో ఉపయోగించారు. పర్ఫామెన్స్ మొదటి M1 ప్రాసెసర్ స్థాయిలో ఉంటుందని అంచనా. వర్డ్ ప్రాసెసింగ్, వెబ్ బ్రౌజింగ్, వీడియో స్ట్రీమింగ్, బేసిక్ ఫోటో-వీడియో ఎడిటింగ్ సులభంగా జరుగుతాయి. బ్యాటరీ లైఫ్ చాలా బాగుంటుంది. విండోస్ ల్యాప్టాప్ల కంటే ఎక్కువ సేపు ఉపయోగించవచ్చు. మొబైల్-క్లాస్ చిప్ అయినా పర్ఫామెన్స్, బ్యాటరీ ఎఫిషియెన్సీ ఆకట్టుకుంటాయి.
లీక్స్ ప్రకారం.. ఈ మ్యాక్బుక్ ధర.. 699 డాలర్ల నుంచి 799 డాలర్లు (సుమారు రూ.58,000–రూ.66,000) మధ్య లో విడుదల కావచ్చు. ప్రస్తుత మ్యాక్బుక్ ఎయిర్ ధర కంటే చాలా తక్కువ. ఆపిల్ ఈ మోడల్ను ఎక్కువ మొత్తంలో విక్రయించాలని భావిస్తోంది. మ్యాక్బుక్ మార్కెట్ షేర్ పెరుగుతుంది. తదుపరి సంవత్సరంలో 50 నుంచి 80 లక్షల యూనిట్లు ఆర్డర్ చేయవచ్చని అంచనా. గత సంవత్సరం ఆపిల్ సుమారు 2.2 కోట్ల ల్యాప్టాప్లు షిప్ చేసింది. అంటే 2024తో పోలిస్తే 25 శాతం పెరుగుదల. కొత్త మోడల్ మొత్తం సేల్స్లో 22 నుంచి 36 శాతం వరకు ఉండవచ్చు.
ఈ ఎంట్రీ-లెవల్ మ్యాక్బుక్లో 12.9 ఇంచ్ డిస్ప్లే ఉండవచ్చు. పోర్టబిలిటీకి అనువుగా ఉంటుంది. పింక్, పేల్ ఎల్లో వంటి బహుళ రంగుల్లో లభించవచ్చు. తక్కువ ధర అయినా ఆపిల్ ప్రీమియం డిజైన్ను కొనసాగిస్తుంది. హై-ఎండ్ మ్యాక్బుక్లలో ఉన్న క్లీన్, మోడరన్ లుక్ ఇక్కడ కూడా ఉంటుంది.
క్వాంటా కంప్యూటర్ ప్రధాన సప్లయర్గా ఉంటుంది. మొదటి దశలో సుమారు 23 లక్షల యూనిట్లు తయారు చేస్తుంది. ఫాక్స్కాన్ కూడా సహాయం చేస్తుంది. ఎక్కువ మొత్తంలో ఉత్పత్తి చేయడానికి సప్లై చైన్ను ఆపిల్ బలంగా సిద్ధం చేస్తోంది. దేశీయ, అంతర్జాతీయ డిమాండ్ను తీర్చేందుకు పెద్ద ఆర్డర్లు ఇస్తున్నారు.
ఆపిల్ బడ్జెట్ సెగ్మెంట్లోకి రావడంతో విండోస్ ఆధారంగా ల్యాప్టాప్ తయారు చేసే బ్రాండ్లపై ఒత్తిడి పెరుగుతుంది. బలమైన పనితీరు, ఎక్కువ బ్యాటరీ లైఫ్, బ్రాండ్ ఆకర్షణతో ఆపిల్ బలంగా పోటీ పడుతుంది. భారతదేశంలో గ్లోబల్గా బడ్జెట్ ల్యాప్టాప్ మార్కెట్ డైనమిక్స్ మారవచ్చు. విండోస్ బ్రాండ్లు ధరలు, ఫీచర్లలో మార్పులు చేయవలసి ఉంటుంది.
ఆపిల్ చౌక మ్యాక్బుక్ తక్కువ ధరలో ప్రీమియం ఎక్స్పీరియన్స్ ఇవ్వడానికి సిద్ధమవుతోంది
Share
RC 17: మెగా ఫ్యాన్స్ కు పూనకాలు తెప్పించే న్యూస్.. సుకుమార్ ప్లాన్ మాములుగా లేదుగా..
Belpatra: శివపూజలో బిల్వపత్రం ఎందుకు తప్పనిసరి? పురాణాలు ఏం చెబుతున్నాయి?
