Induction Cooktop Buying Tips| గత కొంత కాలంగా దేశంలో ఇండక్షన్ కుక్టాప్ల (స్టవ్లు) ఉపయోగించేవారి సంఖ్య క్రమంగా పెరుగుతోంది. తాజాగా వంట గ్యాస్ (LPG) సిలిండర్ల పంపిణీ ఆలస్యం, ధరల పెరుగుదల వల్ల చాలా మంది ఎలక్ట్రిక్ కుకింగ్ పరికరాల వైపు మొగ్గుచూపుతున్నారు. పైగా ఇండక్షన్ కుక్టాప్లు వేగంగా వంట చేస్తాయి, కిచెన్ అందాన్ని పెంచుతాయి. కానీ ఇండక్షన్ స్టవ్లు కొనేముందు కొన్ని ముఖ్యమైన విషయాలు తెలుసుకోకపోతే విద్యుత్ బిల్లు ఎక్కువ వచ్చే అవకాశం ఉంది. అందుకే కొనుగోలు సమయంలో ఏ విషయాలు గమనించాలనేది కీలకం.
ఇండక్షన్ కుక్టాప్ కొనే సమయంలో దాని పవర్ రేటింగ్ చాలా ముఖ్యం. చాలా మంది ఈ విషయం పట్టించుకోకుండా కొనేస్తున్నారు. తర్వాత విద్యుత్ బిల్లు ఎక్కువ వచ్చినప్పుడు బాధపడాల్సి వస్తుంది. సాధారణంగా 1200 వాట్స్ నుంచి 2000 వాట్స్ వరకు పవర్ రేటింగ్ ఉంటుంది. తక్కువ వాట్స్ ఉంటే విద్యుత్ తక్కువ వినియోగమవుతుంది. కానీ వంట కాస్త ఆలస్యమవుతుంది. ఎక్కువ వాట్స్ ఉంటే స్టవ్ వేగంగా వేడెక్కుతుంది. కానీ విద్యుత్ ఖర్చు ఎక్కువ అవుతుంది. మీరు రోజూ ఎంత వంట చేస్తారో దాని ఆధారంగా ఎంచుకోవాలి.
కిచెన్లో ఎంత స్థలం ఉందో కొలిచి చూడకుండా ఇండక్షన్ కుక్టాప్ కొంటే తర్వాత ఇబ్బంది పడవచ్చు. చాలా మోడల్స్ సింగిల్ బర్నర్ డిజైన్లో ఉంటాయి. కొన్ని డ్యూయల్ బర్నర్ ఆప్షన్ కూడా ఇస్తాయి. మీ కిచెన్ కౌంటర్ స్థలం ప్రకారం సరైన సైజు ఎంచుకోవాలి. సరైన సైజు ఉంటే కిచెన్లో సౌకర్యవంతంగా ఉపయోగించవచ్చు.
మంచి ఇండక్షన్ కుక్టాప్లో టెంపరేచర్, పవర్ కంట్రోల్స్ ఉండాలి. ఇవన్నీ బాగుంటే వివిధ కుకింగ్ మోడ్స్ ఉపయోగించవచ్చు. బాయిల్ చేయడం, ఫ్రై చేయడం, సిమ్మర్ చేయడం సులభంగా చేయవచ్చు. వంట కాలిపోకుండా లేదా ఎక్కువ ఉడికిపోకుండా కంట్రోల్ సెట్ చేయవచ్చు. ఈ ఫీచర్ ఉంటే వంట చేసే సమయంలో ఏ మాత్రం ఆందోళన చెందాల్సిన అవసరం ఉండదు.
ఎలక్ట్రిక్ ఉపకరణాల్లో భద్రతా ఫీచర్లు చాలా ముఖ్యం. ఓవర్హీటింగ్ అయితే ఆటోమేటిక్గా ఆఫ్ అయ్యే ఫీచర్ ఉండాలి. చైల్డ్ లాక్ ఉంటే పిల్లలు యాక్సిడెంటల్గా ఆన్ చేయలేరు. పాన్ డిటెక్షన్ టెక్నాలజీ ఉంటే సరైన పాత్ర ఉంటేనే వేడి అవుతుంది. ఈ సేఫ్టీ ఫీచర్లు యూజర్లను రక్షిస్తాయి, పరికరం ఎక్కువ కాలం మన్నిక ఇస్తుంది.
Also Read: గ్యాస్, కరెంట్ ఏదీ అవసరం లేకుండానే వంట చేసేయండి.. కొత్త స్టవ్ చూశారా?
ఇండక్షన్ కుక్టాప్ కొనేటప్పుడు అది నమ్మకమైన బ్రాండ్ అని చూసి కొనాలి. నమ్మకమైన బ్రాండ్లు మంచి క్వాలిటీ, డ్యూరబిలిటీ ఇస్తాయి. వారంటీ, సర్వీస్ సపోర్ట్ బాగుంటాయి. సమస్య వచ్చినప్పుడు త్వరగా సరిచేస్తారు. వారంటీ కండీషన్స్ ముందుగా పరిశీలించాలి. కస్టమర్ రివ్యూలు కూడా మంచి బ్రాండ్ ఎంచుకోవడానికి సహాయపడతాయి.
Share
Romantic Comedy Drama : 30 సంవత్సరాల తరువాత ఓటీటీలోకి హాలీవుడ్ హిట్ మూవీ సీక్వెల్... ఫ్యామిలీ ఎమోషన్స్ తో
Javed Miandad: అబ్రార్ లాంటి వాళ్లు ఇండియాలో మగాళ్లు లేరా? కావ్యపై పాక్ మాజీ క్రికెటర్ సంచలనం !
