Humanoid Robots: వైద్య సాంకేతిక పరిజ్ఞానంలో మరో చారిత్రాత్మక ఘట్టం ఆవిష్కృతమైంది. చరిత్రలోనే తొలిసారిగా రెండు హ్యూమనాయిడ్ (మనుషులను పోలిన) రోబోల సాయంతో పరిశోధకులు రెండు శస్త్రచికిత్సలను విజయవంతంగా పూర్తి చేశారు. యూనివర్సిటీ ఆఫ్ కాలిఫోర్నియా శాన్ డియాగో (UCSD) కి చెందిన ఇంజనీర్లు, సర్జన్ల బృందం సంయుక్తంగా ఈ అద్భుతాన్ని ఆవిష్కరించింది. ‘నేచర్’ జర్నల్లో జులై 8న ప్రచురితమైన ఈ ప్రయోగం.. భవిష్యత్తులో వైద్య రంగంలో రాబోయే పెను మార్పులకు నాంది పలికింది.
అయితే ఈ శస్త్ర చికిత్సలను క్లినికల్ ట్రయల్స్ లో భాగంగా రెండు వేర్వేరు పెద్ద జంతువులపై నిర్వహించారు. తొలి సర్జరీలో ఒక హ్యూమనాయిడ్ రోబో, ఒక మానవ సర్జన్ కలిసి ‘పిత్తాశయం తొలగింపు’ (Gallbladder removal) చికిత్సను విజయవంతంగా పూర్తి చేశారు. ఇక రెండవ సర్జరీలో ఏకంగా రెండు హ్యూమనాయిడ్ రోబోలు పక్కపక్కనే నిలబడి ఒకదానికొకటి సహకరించుకుంటూ ఆపరేషన్ను పూర్తి చేయడం విశేషం.
Omg.. Unitree G1 Enters the Operating Room 🤯!
World's First Teleoperated Humanoid Robot Surgery
"Researchers from the University of California San Diego demonstrated the world's first teleoperated humanoid robot assisting in surgery using the Unitree G1."
"The 29-DoF humanoid… pic.twitter.com/aIh9fiFmPn
— SciTech Era (@SciTechera) July 9, 2026
ప్రస్తుతం ప్రపంచవ్యాప్తంగా సర్జన్ల కొరత తీవ్రంగా ఉంది. దీనివల్ల రోగులు శస్త్రచికిత్సల కోసం ఎక్కువ కాలం వేచి ఉండాల్సి వస్తోంది. ఈ సమస్యకు హ్యూమనాయిడ్ రోబోలు చక్కని పరిష్కారం కానున్నాయని పరిశోధకులు చెబుతున్నారు. ‘సుదూర ప్రాంతాల నుండి ఆపరేట్ చేయగల ఈ రోబోల వల్ల ప్రపంచవ్యాప్తంగా ఎంతోమంది రోగులకు సకాలంలో నాణ్యమైన వైద్యం అందుతుంది’ అని ఈ పరిశోధనలో కీలక పాత్ర పోషించిన ప్రొఫెసర్ మైఖేల్ యిప్ తెలిపారు.
అయితే ఈ ట్రయల్స్ లో వినియోగించిన హ్యుమనాయిడ్ రోబోలు.. ఇతర శస్త్రచికిత్సలకు వాడే రోబోల కంటే ఎంతో భిన్నమైనవని పరిశోధకులు చెబుతున్నారు. ప్రస్తుతం ఆసుపత్రుల్లో ఉన్న శస్త్రచికిత్స రోబోలు సుమారు 1,800 పౌండ్ల బరువు ఉండి భారీ స్థలాన్ని ఆక్రమిస్తాయి. వాటిని నిర్వహించడానికి పెద్ద బృందం అవసరం. కానీ ఈ ప్రయోగంలో వాడిన ‘సర్గీ’ (Surgie) అనే హ్యూమనాయిడ్ రోబో కేవలం 5 అడుగుల ఎత్తు, 60 కేజీల బరువు మాత్రమే ఉంటుంది. ఇది చాలా తక్కువ స్థలాన్ని ఆక్రమించడమే కాకుండా అచ్చం మనిషి లెక్కనే ఆపరేషన్ థియేటర్లలో సులభంగా ఇమిడిపోతుంది. గ్రామీణ ప్రాంతాలు, యుద్ధ రంగాలు, చివరికి అంతరిక్షంలో కూడా వీటిని సులభంగా ఉపయోగించవచ్చు.
అయితే ట్రయల్స్ సమయంలో ఈ రోబోల్లో కొన్ని సాంకేతిక సవాళ్లను పరిశోధకులు గుర్తించారు. వీటిని పదే పదే రీ-కాలిబ్రేట్ చేయాల్సి రావడం వల్ల సర్జరీకి సాధారణం కంటే ఎక్కువ సమయం పట్టింది. అలాగే సర్జన్ కదలికలకు, రోబో స్పందనకు మధ్య కొంత గ్యాప్ ను గుర్తించారు. రాబోయే రోజుల్లో ఈ లోపాలను అధిగమిస్తామని వైద్యులు ధీమా వ్యక్తం చేస్తున్నారు. భవిష్యత్తులో ఈ రోబోలు కేవలం సర్జరీలే కాకుండా ఆపరేషన్ థియేటర్ను శుభ్రం చేయడం, సర్జన్లకు అవసరమైన పరికరాలను అందించడం వంటి పనులను కూడా స్వయంగా చేసుకోగలవని పరిశోధక బృందం స్పష్టం చేసింది.
Also Read: Intinti Ramayanam Today Episode: పల్లవికి కమల్ ఝలక్.. సత్యనారాయణ పూజ సక్సెస్.. ఊహించని ట్విస్ట్..
Share
Gundeninda GudiGantalu Today episode: ప్రభా బుద్ధిపోనిచ్చుకోలేదు.. హమ్మమ్మ మనోజ్ సేఫ్.. బాలు దెబ్బకు ఫ్యూజుల్ అవుట్..
గ్రాండ్ విటారాపై బంపర్ ఆఫర్.. వామ్మో.. అన్ని వేల డిస్కౌంటా!?
