Phone Location Hackers: మీ ఫోన్ లొకేషన్ ట్రాక్ చేస్తున్న హ్యాకర్లు.. ఎలా తెలుసుకోవాలంటే?

Phone Location Hackers| స్మార్ట్ ఫోన్ల కోసం ఈ రోజుల్లో లక్షల సంఖ్య యాప్స్ అందుబాటులో ఉన్నాయి. అయితే అన్ని యాప్స్ సురక్షితమైనవి కావు. మీ ఫోన్‌లోని అనేక యాప్స్ మీ అనుమతి లేకుండానే ఇన్‌స్టాల్ అయి ఉంటాయి. అవి మీ ఫోన్ లొకేషన్ ట్రాక్ చేస్తుంటాయి. ఇది మీ ప్రైవెసీకి తీవ్రమైన ప్రమాదం. ఇవన్నీ సైబర్ మోసగాళ్లు రూపొంచిన యాప్స్. అయితే వీటి గురించి ఆందోళన చెందాల్సిన అవసరం లేదు. ఈ యాప్‌లను సులువుగా గుర్తించవచ్చు. ఆండ్రాయిడ్, ఐఓఎస్ రెండింటిలోనూ బిల్ట్ ఇన్ కంట్రోల్స్ ఉన్నాయి. ఈ టూల్స్‌తో మీ లొకేషన్ సెట్టింగ్‌లను సమర్థవంతంగా నిర్వహించవచ్చు. తద్వారా మీ పర్సనల్ డేటాను రక్షించుకోవచ్చు.

ఫోన్‌లో లొకేషన్ సెట్టింగ్స్ ఎలా కనుగొనాలి?

ఫోన్ ప్రధాన సెట్టింగ్‌ల యాప్‌ను తెరవండి. సెర్చ్ బార్‌లో “లొకేషన్” అని టైప్ చేయండి. ఐఓఎస్ వినియోగదారులు ముందుగా “ప్రైవసీ & సెక్యూరిటీ”కి వెళ్లి, ఆ తర్వాత “లొకేషన్ సర్వీసెస్” సెలెక్ట్ చేయండి. ఈ విభాగంలో మీ లొకేషన్ పరిమిషన్స్ అన్నీ కనిపిస్తాయి.

యాప్ పరిమిషన్స్ పరిశీలించండి

అనుమతి పొందిన అన్ని యాప్‌ల జాబితా కనిపిస్తుంది. ఏ యాప్‌కు లొకేషన్ యాక్సెస్ ఉంది. దానికి ఏ లెవెల్ యాక్సెస్ ఉందనేది స్పష్టంగా తెలుస్తుంది. ప్రతి యాప్ సెట్టింగ్‌ను జాగ్రత్తగా పరిశీలించండి – ఆశ్చర్యపోయే విషయాలు బయటపడవచ్చు.

పర్మిషన్స్ లెవెల్స్ ఇలా ఉంటాయి

నాలుగు ప్రధాన ఆప్షన్స్ కనిపిస్తాయి:

• Allow All the Time (ఎల్లప్పుడూ అనుమతించు) – రోజంతా ట్రాకింగ్.
• Allow While Using the App (యాప్ ఉపయోగిస్తున్నప్పుడు మాత్రమే) – యాప్ తెరిచినప్పుడు మాత్రమే.
• Ask Every Time (ప్రతిసారీ అనుమతి తప్పనిసరి) – ప్రతి యాక్సెస్‌కు అనుమతి కోరుతుంది.
• Don’t Allow (అనుమతించవద్దు) – పూర్తి స్థాయి నిరాకరణ.

ప్రైవెసీ కోసం అనుమతులను మార్చండి

ఏ యాప్ సెట్టింగ్‌నైనా హైలైట్ చేసి, కఠినమైన ఎంపికకు మార్చండి. ఉదాహరణకు, “ఎల్లప్పుడూ అనుమతించు”ను “యాప్ ఉపయోగిస్తున్నప్పుడు మాత్రమే” లేదా “అనుమతించవద్దు”కు మార్చండి. ఈ మార్పులు బ్యాక్‌గ్రౌండ్ ట్రాకింగ్‌ను తగ్గిస్తాయి – మీ ప్రైవెసీలో తక్షణ మెరుగుదల కనిపిస్తుంది.

అప్రాక్సిమేట్ లొకేషన్ ఉపయోగించండి

చాలా యాప్‌లకు మీ కచ్చితమైన స్థానం అవసరం లేదు. అందుకే “ప్రెసైజ్ లొకేషన్” ఆఫ్ చేయండి. వాతావరణ యాప్‌లు, వార్తా యాప్‌లు వంటివి సాధారణ ప్రాంతం తెలిస్తే చాలు. ఇలా చేయడం వల్ల లొకేషన్ సమాచారం వారికి అందినా మీ ప్రైవెసీ భద్రంగా ఉంటుంది.

పూర్తిగా అనుమతులు తొలగించండి

కొన్ని యాప్‌లకు లొకేషన్ అనుమతి అసలు అవసరం లేకపోవచ్చు. వాటి కోసం “అనుమతించవద్దు” అనే ఆప్షన్ సెలెక్ట్ చేయండి. ఆ యాప్ మీ కదలికలను పూర్తిగా ట్రాక్ చేయలేదు. ఇది అత్యంత సురక్షితమైన ఎంపిక.

లొకేషన్ అవసరమైన యాప్‌లు

మ్యాప్స్, ఫుడ్ డెలివరీ యాప్‌లు వంటివి కచ్చితమైన స్థానం లేకుండా పనిచేయవు. మార్గదర్శకం లేదా డెలివరీ కోసం ఈ అనుమతి తప్పనిసరిగా ఉండాలి.

క్రమం తప్పకుండా చెక్ చేయండి

ప్రతి కొన్ని నెలలకోసారి లొకేషన్ అనుమతులను సమీక్షించండి. కొత్త యాప్‌లు యాక్సెస్ పొంది ఉండవచ్చు; మీ అవసరాలు కూడా మారవచ్చు. దీన్ని డిజిటల్ హైజీన్ అలవాటుగా మార్చుకోండి.

మీ ప్రైవెసీ మీ చేతుల్లోనే ఉంది

మీ డేటాను నియంత్రించే శక్తి మీకే ఉంది. ఈ సాధారణ స్టెప్స్ కేవలం కొన్ని నిమిషాల్లో పూర్తవుతాయి – మీ డిజిటల్ భద్రత గణనీయంగా పెరుగుతుంది. ఇప్పుడే యాప్ పెర్మిషన్స్ నిర్వహణ ప్రారంభించండి.

Also Read: ఫేస్‌బుక్, ఇన్‌స్టాగ్రామ్‌లో ఎక్కువ సమయం గడిపే వారికి వార్నింగ్.. సైబర్ దొంగల టార్గెట్ మీరే

Join WhatsApp Channel

Share

• 
• 
• 
• 
• 
•