Apple Indian Employee Salary| ప్రపంచంలోనే దిగ్గజ టెక్ కంపెనీలలో ఒకటి ఆపిల్. ఈ కంపెనీ తయారు చేసే ఐఫోన్స్, ఐప్యాడ్స్, మెక్ బుక్ లాప్టాప్స చాలా ఫేమస్. అయితే ఈ కంపెనీ తాజాగా 2025 ట్యాక్స్ ఫైలింగ్ సమయంలో తమ టాప్ ఉద్యోగుల వేతనాలు బహిర్గతమయ్యాయి. ఈ సాలరీ రిపోర్ట్ ప్రకారం.. ఇద్దరు భారతీయ ఉద్యోగులు రూ.200 పైగా వేతనం పొందుతున్నారు. వీరిలో టాప్ పొజిషన్లో ఉత్తర్ ప్రదేశ్కు చెందిన సబిహ్ ఖాన్ ఉన్నారు.
ఆపిల్ చీఫ్ ఆపరేటింగ్ ఆఫీసర్గా అంటే కంపెనీ COOగా సబిహ్ ఖాన్ 2025లో సుమారు 27 మిలియన్ డాలర్లు సంపాదించారు. ఇది దాదాపు 243 కోట్ల రూపాయలతో సమానం. ఖాన్ ఉత్తరప్రదేశ్ మొరాదాబాద్లో జన్మించారు. ఆపిల్ 2025 జులైలో అయనను చీఫ్ ఆపరేటింగ్ ఆఫీసర్గా నియమించింది. ఆయన పారితోషికంలో స్టాక్ అవార్డ్స్ అతి పెద్ద భాగం. బేస్ సాలరీ సుమారు 1 మిలియన్ డాలర్లు.
మరో భారతీయుడు.. ఆపిల్ (సీఎఫ్ఓ) చీఫ్ ఫైనాన్షియల్ ఆఫీసర్ కెవాన్ పరేఖ్ కూడా 2025లో మిలియన్లు సంపాదించారు. 2025 జనవరిలో ఆయన సంస్థలో ఈ ఉద్యోగంలో చేరారు. పరేఖ్ భారతీయ మూలాలు కలిగిన అమెరికన్ ఎగ్జిక్యూటివ్. ఆయన మొత్తం పారితోషికం దాదాపు 22.4 మిలియన్ డాలర్లు. అంటే దాదాపు రూ. 202 కోట్లు. ఈ ప్యాకేజీలో బేస్ సాలరీ, స్టాక్ అవార్డ్స్, అదనపు బెనిఫిట్స్ ఉన్నాయి.
ఆపిల్ సీఈఓ టిమ్ కుక్ 2025లో సుమారు 74.3 మిలియన్ డాలర్లు సంపాదించారు. ఇది భారత కరెన్సీలో దాదాపు రూ.668 కోట్ల రూపాయలు. ఆయన ఆదాయం ముఖ్యంగా స్టాక్ అవార్డ్స్, పర్ఫామెన్స్ ఆధారంగా లభించే ఇన్సెంటివ్స్ నుంచి వచ్చింది. కుక్ బేస్ సాలరీ సుమారు 3 మిలియన్ డాలర్లు. ఆపిల్ ఆయనకు దాదాపు 57.5 మిలియన్ డాలర్ల విలువైన స్టాక్ అవార్డ్స్ ఇచ్చింది. బోనస్లు, అదనపు బెనిఫిట్స్ ద్వారా సుమారు 12 మిలియన్ డాలర్లు వచ్చాయి. కంపెనీ అతని సెక్యూరిటీ, ట్రావెల్, సంబంధిత సౌకర్యాలపై భారీగా ఖర్చు చేసింది. ఆపిల్ ఎగ్జిక్యూటివ్ కంపెన్సేషన్ను కంపెనీ పర్ఫామెన్స్, షేర్హోల్డర్ వాల్యూకు డైరెక్ట్గా లింక్ చేస్తుంది.
Also Read: నిజ జీవితంలో జేమ్స్ బాండ్ గాడ్జెట్స్.. ఈ టెక్నాలజీ మీకూ కావాలా?
2025 కంటే టిమ్ కుక్ 2024లో కొంచెం ఎక్కువ సంపాదించారు. 2024లో ఆయన మొత్తం పారితోషికం సుమారు 74.6 మిలియన్ డాలర్లు. ఈ చిన్న తగ్గుదల పర్ఫామెన్స్ లింక్డ్ ఇన్సెంటివ్స్ మార్పులను ప్రతిబింబిస్తుంది. ఆపిల్ సీనియర్ లీడర్షిప్ పేమేంట్స్ని వార్షిక బిజినెస్ ఫలితాల ఆధారంగా సర్దుబాటు చేస్తుంది. ఈ విధానం అకౌంటబిలిటీ, లాంగ్ టర్మ్ కంపెనీ గ్రోత్ కోసం రూపొందించారు.
ఆపిల్ ఎగ్జిక్యూటివ్స్.. ఫిక్స్డ్ సాలరీలపై మాత్రమే ఆధారపడరు. స్టాక్ అవార్డ్స్ ఎగ్జిక్యూటివ్ కంపెన్సేషన్లో అతి పెద్ద భాగం. ఈ సిస్టమ్ లీడర్లను లాంగ్ టర్మ్ కంపెనీ సక్సెస్పై ఫోకస్ చేయడానికి ప్రోత్సహిస్తుంది. పనితీరు లింక్డ్ ఇన్సెంటివ్స్ బిజినెస్ గోల్స్ సాధించినందుకు రివార్డ్ ఇస్తాయి. ఆపిల్ ఈ మోడల్తో టాప్ లీడర్షిప్ టాలెంట్ను రిటైన్ చేస్తుంది.
జీతాల రిపోర్ట్ ఆపిల్ యాన్యువల్ షేర్హోల్డర్ మీటింగ్ ముందు వచ్చింది. ఇలాంటి మీటింగ్స్లో పనితీరు, స్ట్రాటజీ, లీడర్షిప్ కంపెన్సేషన్ రివ్యూ చేస్తారు. రిపోర్ట్ టిమ్ కుక్ భవిష్యత్ రోల్ మార్పులను కూడా సూచిస్తుంది. ఆపిల్ ఎటువంటి నాయకత్వ మార్పులను కన్ఫర్మ్ చేయలేదు. అయితే ఇన్వెస్టర్లు ఈ రిపోర్ట్స్ని ప్రతి సంవత్సరం సీరియస్గా పరిగణిస్తారు.
Share
Weapons on OTT : ఇండియన్ ఓటీటీలోకి 2000 కోట్ల హాలీవుడ్ హారర్-థ్రిల్లర్... కల్లోనూ వెంటాడే కథ
AP Flamingo Festival: నేటి నుంచి ఫ్లెమింగో ఫెస్టివల్.. వ్యూపాయింట్స్, బోటింగ్ ఇక్కడే.. ఉచిత బస్సులు కూడా
