Food for nerve weakness: ప్రస్తుత బిజీ లైఫ్స్టైల్, పోషకాహార లోపం, శారీరక శ్రమ లేకపోవడం వల్ల చాలా మంది ‘నరాల బలహీనత’ సమస్యతో బాధ పడుతున్నారు. కాళ్లు, చేతులు తరచూ తిమ్మిర్లు ఎక్కడం, సూదులతో గుచ్చినట్టు అనిపించడం, కొద్దిసేపు నిలబడితే కాళ్లు గుంజేయడం, విపరీతమైన నీరసం దీని ముఖ్య లక్షణాలు. నరాలు బలహీనపడితే శరీరంలోని అన్ని అవయవాల పని తీరు మందగిస్తుంది. మన డైట్లో కొన్ని.. మార్పులు చేసుకోవడం ద్వారా నరాలను ఎలా బలోపేతం చేయవచ్చో..ఇప్పుడు తెలుసుకుందాం.
నరాల బలహీనతకు అసలు కారణం ఏంటి?
మన శరీరంలో నరాల చుట్టూ ‘మైలిన్ షీత్’ అనే ఒక రక్షణ పొర ఉంటుంది. ఇది నరాల ద్వారా సిగ్నల్స్ వేగంగా ప్రయాణించడానికి సాయపడుతుంది. శరీరంలో విటమిన్ బి12 (Vitamin B12), మెగ్నీషియం, ఒమేగా-3 ఫ్యాటీ యాసిడ్స్ తగ్గినప్పుడు ఈ పొర దెబ్బతిని నరాల బలహీనత మొదలవుతుంది.
నరాలను బలంగా మార్చే 5 అద్భుతమైన ఆహారాలు:
మీ నరాల వ్యవస్థను రీఛార్జ్ చేయడానికి ప్రతి రోజూ మీ ఆహారంలో చేర్చుకోవాల్సిన బెస్ట్ ఫుడ్స్ ఇవే..
1. విటమిన్ బి12 ఉన్న ఆహారాలు (పాలు, పెరుగు, గుడ్లు):
నరాల ఆరోగ్యానికి అత్యంత కీలకమైనది విటమిన్ బి12. ఇది కేవలం జంతు సంబంధిత ఆహారాలు, పాల ఉత్పత్తులలోనే ఎక్కువగా లభిస్తుంది.
ఎలా తినాలి?: రోజూ ఉదయం ఒక ఉడకబెట్టిన గుడ్డు, మధ్యాహ్నం ఒక కప్పు గట్టి పెరుగు తినడం వల్ల నరాల తిమ్మిర్లు త్వరగా తగ్గుతాయి.
2. బాదం , వాల్నట్స్:
డ్రై ఫ్రూట్స్ నరాల నొప్పులను తగ్గించడంలో అద్భుతంగా పని చేస్తాయి. వీటిలో విటమిన్-ఇ, మెగ్నీషియం, యాంటీ ఆక్సిడెంట్లు పుష్కలంగా ఉంటాయి.
ఎలా తినాలి?: రాత్రి పూట 4 బాదం పప్పులు, 2 వాల్నట్స్ నీళ్లలో నానబెట్టి.. ఉదయాన్నే పరగడుపున తొక్కతీసి తినాలి.
3. ఆకుకూరలు (పాలకూర, తోటకూర):
ఆకుకూరల్లో ఉండే ఫోలేట్, మెగ్నీషియం నరాల కణాల పునరుత్పత్తికి సాయపడతాయి. నరాలు ఒత్తిడికి గురికాకుండా కాపాడతాయి.
ఎలా తినాలి?: వారంలో కనీసం రెండు లేదా మూడు సార్లు పాలకూర పప్పు లేదా కూర రూపంలో తీసుకోవాలి.
4. చేపలు:
చేపలలో ముఖ్యంగా సాల్మన్, ట్యూనా, లేదా మన ఊర్లలో దొరికే కొరమీను వంటి వాటిలో ఒమేగా-3 ఫ్యాటీ యాసిడ్స్ ఎక్కువగా ఉంటాయి.
ఎలా తినాలి?: నాన్-వెజ్ తినేవారు వారానికి ఒకసారి ఫ్రై కాకుండా ఫిష్ కర్రీ రూపంలో.. తీసుకుంటే నరాల మంటలు తగ్గుతాయి.
5. రాగులు, సజ్జలు:
చిరుధాన్యాలలో విటమిన్ బి-కాంప్లెక్స్ ఎక్కువగా ఉంటుంది. ఇది నరాలకు తక్షణ శక్తిని అందిస్తుంది.
ఎలా తినాలి?: ఉదయాన్నే.. రాగి జావ తాగడం వల్ల నరాల నీరసం తగ్గి రోజంతా యాక్టివ్గా ఉంటారు.
నరాల బలహీనత అనేది ఒక్క రోజులో వచ్చేది కాదు. అలాగని ఒక్క రోజులో తగ్గేది కాదు. దీనికోసం వేలకు వేలు పెట్టి కాస్ట్లీ మెడిసిన్స్ వాడటం కంటే.. పైన చెప్పిన గుడ్లు, పాలు, నానబెట్టిన బాదం, ఆకుకూరలను మీ రోజువారి ఆహారంలో భాగం చేసుకోండి. వీటితో పాటు రోజుకు కనీసం 20 నిమిషాల పాటు ఎండలో నిలబడితే లభించే విటమిన్-డి కూడా నరాలకు ఎంతో మేలు చేస్తుంది. సరైన తిండి, కొద్దిపాటి శారీరక శ్రమ ఉంటే మీ నరాలు ఇనుములా గట్టిపడటం ఖాయం.
Share
Stubble Burning: రైతు చేసిన చిన్న తప్పుకి.. లక్షల రూపాయల కష్టం నిమిషాల్లో బుగ్గిపాలు..!
చెరువులో చెట్ల దందా.. ప్రశ్నించిన మహిళా లీడర్పై దాడి.. ఫోన్లు లాక్కొని సర్పంచ్ భర్త రౌడీయిజం!
