Door Color: డోర్ కలర్ సైకాలజీ.. ఇల్లు మీ గురించి ఏం చెబుతుందో తెలుసా ?

Door Color: ఇంటి ప్రధాన ద్వారం కేవలం భద్రతకు మాత్రమే కాదు.. మీ ఇంటికి వచ్చే అతిథులకు ఇచ్చే మొదటి స్వాగతం కూడా. ఫెంగ్ షూయ్ కలర్ సైకాలజీ ప్రకారం.. మీ ఇంటి ద్వారం రంగు మీ వ్యక్తిత్వాన్ని, మానసిక స్థితిని, ప్రపంచానికి మీరు అందించే సందేశాన్ని సూచిస్తుంది. మీరు ఎంచుకున్న రంగు మీ గురించి ఏం చెబుతుందో ఇప్పుడు తెలుసుకుందాం.

రంగుల వెనక దాగి ఉన్న వ్యక్తిత్వాలు:
1. ఎరుపు : ఆకర్షణ- శక్తి
ఎరుపు రంగు అంటే ఆపకుండా ముందుకు సాగే శక్తి, ఉత్సాహం, అంకిత భావం ఉన్న వ్యక్తిత్వాన్ని సూచిస్తుంది. ఎరుపు ద్వారం ఉన్న ఇంటివ్యక్తులు దైర్యం, ఆకర్షణ, నమ్మకంతో ఉంటారు. వారు ఎప్పుడూ దృష్టి కేంద్రంగా ఉండాలని కోరుకుంటారు. అంతే కాకుండా జీవితాన్ని పూర్తిస్థాయిలో అనుభవిస్తారు.

2. నీలం: ప్రశాంతత, స్థిరత్వం
నీలం రంగు విశ్వాసం, స్థిరత్వం, ప్రశాంతత, భద్రతకు చిహ్నం. ఈ రంగు ద్వారం ఉన్న యజమానులు సాధారణంగా నమ్మకమైన, నిశ్శబ్దంగా ఉండే , ప్రశాంతమైన వ్యక్తులు. వారు తమ జీవితంలో శాంతి .. సామరస్యాన్ని కోరుకుంటారు. వృత్తిపరంగా , వ్యక్తిగతంగా స్థిరత్వాన్ని కొనసాగిస్తారు.

3. నలుపు : సొగసు, అధికారం
నలుపు రంగు అనేది నాణ్యత, అధునాతనత, అధికారానికి సంకేతం. నలుపు ద్వారం ఉన్న ఇంట్లోని వ్యక్తులు తరచుగా విలువైన, శక్తివంతమైన , సొగసైన వ్యక్తిత్వాన్ని కలిగి ఉంటారు. వారు గోప్యతను ఇష్టపడతారు. సంప్రదాయాలను గౌరవిస్తారు. అంతే కాకుండా ఉన్నత స్థాయిని , నియంత్రణను సూచిస్తారు.

4. ఆకుపచ్చ: సంప్రదాయం, శ్రేయస్సు:
ఆకుపచ్చ రంగు వృద్ధి, ఆరోగ్యం, శాంతి , ధనాన్ని సూచిస్తుంది. ఆకుపచ్చ ద్వారం ఎంచుకునేవారు సాధారణంగా సాంప్రదాయ విలువలను గౌరవించే, కమ్యూనిటీ ఆధారిత , సమతుల్యమైన వ్యక్తులు. వారు తమ పొరుగువారు , సమాజంతో బలమైన సంబంధాలను కలిగి ఉండాలని కోరుకుంటారు.

5. తెలుపు : స్వచ్ఛత, సరళత
తెలుపు రంగు స్వచ్ఛత, స్పష్టత, సరళత , శాంతిని సూచిస్తుంది. తెలుపు ద్వారం ఉన్న యజమానులు క్రమబద్ధమైన, వ్యవస్థీకృత , ప్రశాంతమైన వ్యక్తిత్వాన్ని కలిగి ఉంటారు. అంతే కాకుండా నిరాడంబరమైన, శుభ్రమైన వాతావరణాన్ని ఇష్టపడతారు.

Also Read: మహిళల్లో మధుమేహం.. తరచూ నిర్లక్ష్యం చేసే లక్షణాలు ఇవేనట !

6. పసుపు : ఆనందం , సృజనాత్మకత
పసుపు రంగు సంతోషం, ఆశావాదం, శక్తి , సృజనాత్మకతను వెల్లడిస్తుంది. ఇంటికి పసుపు ద్వారం ఉన్న ఇంటి వ్యక్తులు చాలా సానుకూల దృక్పథం, ఉల్లాసమైన, తెలివైన వ్యక్తిత్వాన్ని కలిగి ఉంటారు. వారు ఇతరులతో సులభంగా కలిసిపోతారు. తమ ఇంటిని ఆనందకరమైన కేంద్రంగా ఉంచుకోవాలని చూస్తారు.

7. బ్రౌన్/వుడ్ టోన్ : సహజత్వం, దృఢత్వం
సహజమైన బ్రౌన్ లేదా చెక్క రంగు భూమికి, స్థిరత్వానికి , విశ్వసనీయతకు సంకేతం. ఈ ద్వారం ఉన్న ఇంటి వ్యక్తులు సాధారణ, విశ్వసనీయ, స్థిరమైన , సహజ సిద్ధమైన వ్యక్తిత్వాన్ని కలిగి ఉంటారు. వారు అలంకరణల కన్నా సౌకర్యానికి ప్రాధాన్యత ఇస్తారు.