Sankranti Festival: తెలుగు రాష్ట్రాల్లో సంక్రాంతి శోభ.. అర్ధరాత్రి నుంచే భోగి మంటలు.. సీఎంల శుభాకాంక్షలు

Sankranti Festival: తెలుగు రాష్ట్రాల్లో సంక్రాంతి సంబరాలు అంబరాన్నంటాయి. మూడు రోజుల పాటు జరిగే ఈ పెద్ద పండుగలో భాగంగా మొదటి రోజైన భోగి వేడుకలను ప్రజలు అత్యంత భక్తిశ్రద్ధలతో, ఉత్సాహంగా జరుపుకుంటున్నారు. పల్లెలు, పట్టణాలు అనే తేడా లేకుండా తెల్లవారుజామునే నిద్రలేచి, ఇంటి ముందు కళ్లాపి చల్లి, రంగురంగుల ముగ్గులు వేశారు. పాత సామాగ్రిని, పనికిరాని వస్తువులను మంటల్లో వేసి, చెడును వదిలించుకుని కొత్త వెలుగులకు ఆహ్వానం పలుకుతూ భోగి మంటలు వేయడంతో పండుగ సందడి మొదలైంది.

తెలుగు రాష్ట్రాల్లో ఘనంగా భోగి వేడుకలు..
పర్వదినం నేపథ్యంలో తెలుగు రాష్ట్రాల్లోని ఆలయాలన్నీ భక్తులతో కిటకిటలాడుతున్నాయి. తెల్లవారుజాము నుంచే భక్తులు స్థానిక ఆలయాలకు చేరుకుని ప్రత్యేక పూజలు నిర్వహిస్తున్నారు. ఇళ్లలో చిన్నారులకు భోగి పళ్లు పోసి ఆశీర్వదించడం, కొత్త బట్టలు ధరించి విందు భోజనాలు ఆరగించడంతో పండుగ వాతావరణం నెలకొంది. హరిదాసుల కీర్తనలు, గంగిరెద్దుల కోలాహలం గ్రామాల్లో సంప్రదాయ సంస్కృతిని ప్రతిబింబిస్తున్నాయి.

తెలుగు రాష్ట్రాల్లో ఘనంగా భోగి వేడుకలు

మూడు రోజుల పాటు జరిగే సంక్రాంతి వేడుకల్లో భాగంగా మొదటి రోజు భోగి పండుగ

పల్లెలు, పట్టణాల్లో తెల్లవారుజామునే లేచి భోగి మంటలు వేస్తున్న ప్రజలు

పర్వదినం నేపథ్యంలో స్థానిక ఆలయాల్లో ప్రత్యేక పూజలు#BhogiFestival #Bhogi2026 pic.twitter.com/Jb7i1Inm6w

— BIG TV Breaking News (@bigtvtelugu) January 14, 2026

మంచు వారి ఇంట భోగి సందడి
ప్రముఖ సినీ నటుడు మంచు మోహన్ బాబు నివాసంలో భోగి వేడుకలు ఎంతో సందడిగా సాగాయి. తిరుపతిలోని తమ నివాసంలో మోహన్ బాబు, మంచు విష్ణు కుటుంబ సభ్యులు కలిసి భోగి మంటలు వేసి సంప్రదాయబద్ధంగా పండుగను జరుపుకున్నారు. కుటుంబ సభ్యులందరూ ఒకచోట చేరి పండుగ జరుపుకోవడం మంచు వారి ఇంట్లో ప్రత్యేక ఆకర్షణగా నిలిచింది. ఈ సందర్భంగా వారు ఫోటోలు దిగుతూ పండుగ ఆనందాన్ని పంచుకున్నారు.

మంచు వారి ఇంట భోగి సందడి

తిరుపతిలోని నివాసంలో భోగి మంటలు వేసి వేడుకలు నిర్వహించిన మంచు మోహన్ బాబు, మంచు విష్ణు కుటుంబాలు#BhogiFestival #Bhogi2026 pic.twitter.com/YTyIgIfTxk

— BIG TV Breaking News (@bigtvtelugu) January 14, 2026

తిరుమల శ్రీవారి ఆలయం ముందు భోగి మంటలు
ఆధ్యాత్మిక క్షేత్రం తిరుమలలో కూడా భోగి సంబరాలు వైభవంగా జరిగాయి. తిరుమల తిరుపతి దేవస్థానం (టీటీడీ) ఆధ్వర్యంలో శ్రీవారి ఆలయ ప్రధాన ద్వారం వద్ద శాస్త్రోక్తంగా భోగి మంటలు వేశారు. ఈ వేడుకల్లో టీటీడీ ఉన్నతాధికారులు, అర్చకులు మరియు పెద్ద సంఖ్యలో భక్తులు పాల్గొన్నారు. కలియుగ వైకుంఠం శ్రీ వేంకటేశ్వర స్వామి సన్నిధిలో జరిగిన ఈ వేడుకలు భక్తులలో ఆధ్యాత్మిక చైతన్యాన్ని నింపాయి.

తిరుమల శ్రీవారి ఆలయం ముందు భోగి మంటలు

భోగి పర్వదినం సందర్భంగా టీటీడీ ఆధ్వర్యంలో తిరుమల వెంకటేశ్వర స్వామివారి ఆలయ ప్రధాన ద్వారం వద్ద వేడుకలు #BhogiFestival #Bhogi2026 pic.twitter.com/OFk4qrBgvE

— BIG TV Breaking News (@bigtvtelugu) January 14, 2026

ప్రజలకు భోగి, సంక్రాంతి, కనుమ పండగ శుభాకాంక్షలు తెలిపిన సీఎం
తెలంగాణ ముఖ్యమంత్రి రేవంత్ రెడ్డి తెలుగు ప్రజలకు భోగి, సంక్రాంతి, కనుమ పండుగల శుభాకాంక్షలు తెలిపారు. భోగ భాగ్యాలను అందించే భోగి, కొత్త కాంతులు తెచ్చే సంక్రాంతి పండుగలను అందరూ ఆనందంగా జరుపుకోవాలని ఆయన ఆకాంక్షించారు. ప్రజా ప్రభుత్వం అమలు చేస్తున్న సంక్షేమ, అభివృద్ధి పథకాలన్నీ రాష్ట్రంలోని ప్రతి కుటుంబానికి చేరాలనేది తమ సంకల్పమని, వ్యవసాయంతో పాటు పరిశ్రమలు, సేవారంగాల్లో తెలంగాణ తిరుగులేని పురోగతి సాధిస్తుందని సీఎం ధీమా వ్యక్తం చేశారు.

తెలుగు ప్రజలకు భోగి, సంక్రాంతి, కనుమ శుభాకాంక్షలు తెలిపిన సీఎం రేవంత్ రెడ్డి

భోగ భాగ్యాలను అందించే భోగి.. కొత్త కాంతులు తెచ్చే సంక్రాంతి.. కనుమ పండుగలను అందరూ ఆనందంగా జరుపుకోవాలని ఆకాంక్ష

ప్రజా ప్రభుత్వం అమలు చేస్తున్న సంక్షేమ, అభివృద్ధి పథకాలన్నీ రాష్ట్రంలోని ప్రతి కుటుంబానికి… pic.twitter.com/6DqpmyH3M8

— BIG TV Breaking News (@bigtvtelugu) January 13, 2026

Also Read: కొలిక్కివచ్చిన వివాదం.. బ్రహ్మంగారి మఠం పీఠాధిపతిగా వెంకటాద్రి స్వామి

తెలంగాణ రైజింగ్ 2047 విజన్‌ను సాకారం చేసేందుకు తమ ప్రభుత్వం కట్టుబడి ఉందని ముఖ్యమంత్రి స్పష్టం చేశారు. ప్రజలందరూ సంతోషంగా తెలుగు సంప్రదాయం ఉట్టిపడేలా పండుగ జరుపుకోవాలని కోరారు. ముఖ్యంగా పండుగ వేళ పతంగులు ఎగరేసేటప్పుడు ప్రమాదాలకు గురికాకుండా తగిన జాగ్రత్తలు తీసుకోవాలని సీఎం రేవంత్ రెడ్డి ప్రజలకు సూచించారు.

తెలుగు ప్రజలకు భోగి పండుగ శుభాకాంక్షలు తెలిపిన చంద్రబాబు

తెలుగు ప్రజలకు సీఎం నారా చంద్రబాబు భోగి శుభాకాంక్షలు తెలియజేశారు. సీఎం సంక్రాంతి ముగ్గులతో అలరారుతున్న తెలుగు లోగిళ్లలో భోగి పండుగ జరుపుకుంటున్న తెలుగు ప్రజలకు నా హృదయపూర్వక శుభాకాంక్షలు. దేదీప్యమానంగా వెలిగే భోగి మంటలు మీకు, మీ కుటుంబానికి కొత్త వెలుగులు తేవాలని మనసారా ఆకాంక్షిస్తున్నాను. ఆశావహ దృక్పథంతో సాగే మీ ఆలోచనలు సాకారం కావాలని… అందుకు మీకు అండగా ఉంటానని ఈ సందర్భంగా తెలియచేస్తున్నాను. మీ జీవితం భోగభాగ్యాలతో తులతూగాలని కోరుకుంటూ, మరొక్కమారు అందరికీ భోగి పండుగ శుభాకాంక్షలు తెలుపుకుంటున్నాని X వేదికగా తెలియజేశారు.

సంక్రాంతి ముగ్గులతో అలరారుతున్న తెలుగు లోగిళ్లలో భోగి పండుగ జరుపుకుంటున్న తెలుగు ప్రజలకు నా హృదయపూర్వక శుభాకాంక్షలు. దేదీప్యమానంగా వెలిగే భోగి మంటలు మీకు, మీ కుటుంబానికి కొత్త వెలుగులు తేవాలని మనసారా ఆకాంక్షిస్తున్నాను. ఆశావహ దృక్పథంతో సాగే మీ ఆలోచనలు సాకారం కావాలని… అందుకు… pic.twitter.com/MSwXoMOIdK

— N Chandrababu Naidu (@ncbn) January 13, 2026

పవన్ కళ్యాణ్ శుభాకాంక్షలు

అలాగే ఏపీ డిప్యూటి సీఎం పవన్ కళ్యాణ్ కూడా శుభాకాంక్షలు తెలియజేశారు. ఆయన ట్విట్టర్ వేదికగా తెలుగు ప్రజలందరికీ భోగి పండుగ శుభాకాంక్షలు. ఈ భోగి మంటల వెలుగులు మీ జీవితాల్లో సంతోషపు వెలుగులు నింపాలని, సిరిసంపదలు అందించాలని భగవంతుడిని ప్రార్థిస్తున్నాను అని తెలియజేశారు. అంతేకాకుండా భీమవరంలో జరిగిన భోగి వేడుకల్లో పాల్గొన్న కేంద్ర మంత్రి భూపతిరాజు శ్రీనివాస వర్మ.. ఇలా తెలుగు రాష్ట్రాల ప్రజలకు పలువురు నాయకులు పండుగ శుభాకాంక్షలు తెలియజేశారు.

తెలుగు ప్రజలందరికీ భోగి పండుగ శుభాకాంక్షలు. ఈ భోగి మంటల వెలుగులు మీ జీవితాల్లో సంతోషపు వెలుగులు నింపాలని, సిరిసంపదలు అందించాలని భగవంతుడిని ప్రార్థిస్తున్నాను – @PawanKalyan #HappyBhogi2026 pic.twitter.com/dzMHX1OsYN

— Deputy CMO, Andhra Pradesh (@APDeputyCMO) January 14, 2026

భీమవరంలో జరిగిన భోగి వేడుకల్లో పాల్గొన్న కేంద్ర మంత్రి భూపతిరాజు శ్రీనివాస వర్మ pic.twitter.com/5pRmDvU2Ar

— BIG TV Breaking News (@bigtvtelugu) January 14, 2026