skill Development Scam : ఏపీ స్కిల్ డెవలప్మెంట్ కార్పొరేషన్ కేసుపై ఈడీ విచారణ చేపట్టింది. విచారణకు మాజీ ఐఏఎస్ లక్ష్మీనారాయణ హాజరయ్యారు. గతంలో స్కిల్ డెవలప్మెంట్ డైరెక్టర్గా ఆయన పనిచేశారు. చంద్రబాబు హయాంలో స్కిల్ డెవలప్మెంట్ కార్పొరేషన్లో భారీ కుంభకోణం జరిగిందని ఆరోపణలున్నాయి.
ఏపీ స్కిల్ డెవలప్మెంట్ కార్పొరేషన్తో సీమెన్స్ సంస్థ రూ.3,350 కోట్లతో ఒప్పందం కుదుర్చుకుంది. అందులో రాష్ట్ర ప్రభుత్వం వాటా రూ.370 కోట్లుగా ఉంది. ప్రభుత్వ వాటాలోని రూ. 370 కోట్లలో రూ.241 కోట్లు దారి మళ్లించారని ఆరోపణలు వచ్చాయి. స్కిల్ డెవలప్మెంట్ కార్పొరేషన్ లో నిర్వహించిన ఫోరెనిక్స్ ఆడిట్లో ఈ విషయం నిర్థారణ అయ్యింది.
నకిలీ బిల్లులు, ఇన్వాయిస్ ద్వారా జీఎస్టీకి గండికొట్టారనే ఆరోపణలు ఉన్నాయి. స్కిల్ డెవలప్మెంట్ కార్పొరేషన్ ఛైర్మన్, డైరెక్టర్లు సహా పలువురిపై సీఐడీ కేసులు నమోదు చేసింది. స్కిల్ డెవలప్ మెంట్ కార్పొరేషన్ మాజీ ఛైర్మన్ ఘంటా సుబ్బారావు, లక్ష్మీనారాయణ సహా 26 మందికి నోటీసులు జారీ చేసింది.
ఇన్వెబ్ సర్వీసు నుంచి సీమెన్స్ కంపెనీలకు నిధులు మళ్లించినట్లు గుర్తించారు. షెల్ కంపెనీలు క్రియేట్ చేసి నిధులు దారి మళ్లించినట్లు అనుమానాలున్నాయి.
Share
Mallareddy : మల్లారెడ్డికి కొత్త టెన్షన్.. మంత్రికి ఆ ఎమ్మెల్యేలు షాక్..
Death Case : వీడిన మిస్టరీ.. దమ్మాయిగూడ బాలిక మృతికి కారణమిదే..!
