BSNL: ప్రభుత్వ రంగ టెలికాం సంస్థ బీఎస్ఎన్ఎల్ బంఫర్ ఆఫర్ ప్రకటించింది. తమ బ్రాడ్ బ్యాండ్ కనెక్షన్ తీసుకున్నవారికి ఇంటర్నెట్ ప్రోటోకాల్ సర్వీస్ లను ప్రారంభిస్తున్నట్లు తెలిపింది. సిటీ ఆన్ లైన్ మీడియా సంస్థతో కలిసి ఈ సేవలను అందుబాటులోకి తీసుకొచ్చింది.
ఉల్కా టీవీ పేరుతో తీసుకొస్తున్న ఈ సర్వీసులు ఇప్పటికే విజయవాడలో ప్రారంభమయ్యాయి. త్వరలోనే ఏపీ సర్కిల్ పరిధిలో ఉన్న బీఎస్ఎన్ఎల్ బ్రాడ్ బ్యాండ్ కస్టమర్లకు ఈ సేవలు అందుబాటులోకి రానున్నాయి. ఉల్కా టీవీ సర్వీసులు అందుబాటులోకి వస్తే వెయ్యికి పైగా టీవీ ఛానళ్లను వీక్షించే సదుపాయం పొందుతారు. టీవీతో పాటు స్మార్ట్ ఫోన్లలో సైతం ఈ సేవలు పొందే అవకాశం కల్పిస్తున్నారు.
ఇన్నాళ్లు టీవీ కోసం ఓ కనెక్షన్.. బ్రాడ్ బ్యాండ్ కోసం మరో కనెక్షన్ తీసుకోవాల్సి ఉండేది. ఇకపై ఈ రెండు సేవలు ఒకే కనెక్షన్ తో పొందవచ్చు. బీఎస్ఎన్ఎల్ ఐపీ టీవీ సర్వీస్ ద్వారా హై క్వాలిటీ వీడియో ప్రసారాలను వీక్షించవచ్చు.
బీఎస్ఎన్ఎల్ బ్రాడ్ బ్యాండ్ ప్యాకేజీలు రూ.399తో ప్రారంభమవుతాయి. ఈ ప్లాన్ లో 30 ఎంబీపీఎస్ స్పీడ్ ఉంటుంది. త్వరలో ఇతర ఇంటర్నెట్ సర్వీస్ ప్రొవైడర్లు కూడా ఐపీటీవీ సేవల రంగంలో అడుగు పెట్టే అవకాశాలు కనిపిస్తున్నాయి.
Share
Pak woman: గేమింగ్ యాప్లో ప్రేమాయణం.. దేశం దాటి వచ్చిన యువతి.. చివరికి..
USA: మరోసారి కాల్పుల కలకలం.. ఏడుగురు దుర్మరణం
