Snake Bite: నెల్లూరు జిల్లాలో ఓ వింత సంఘటన చోటుచేసుకుంది. సాధారణంగా పాము కనిపిస్తేనే భయంతో పరుగులు తీసే ఈ రోజుల్లో.. తనను కాటేసిన పామునే వెంటబెట్టుకుని ఒక వ్యక్తి ఆసుపత్రికి రావడం అందరినీ ఆశ్చర్యానికి గురిచేసింది.
కోవూరు పట్టణంలోని ఒక స్థానిక హోటల్లో ఓ వ్యక్తి భోజనం చేస్తున్న సమయంలో ఈ ఘటన జరిగింది. అతను ఆహారం తింటుండగా ఎక్కడి నుండి వచ్చిందో తెలియదు కానీ ఒక రక్తపింజరి పాము అకస్మాత్తుగా అతనిపై దాడి చేసి కాటేసింది. రక్తపింజరి అత్యంత విషపూరితమైన పాము కావడంతో అక్కడ ఉన్నవారు ఒక్కసారిగా భయాందోళనకు గురయ్యారు.
పాము కాటేయగానే భయపడిపోకుండా, ఆ వ్యక్తి వెంటనే స్పందించాడు. తనను కాటేసిన ఆ పామును అక్కడికక్కడే కొట్టి చంపేశాడు. అంతటితో ఆగకుండా, వైద్యులకు ఏ పాము కుట్టిందో చూపిస్తే చికిత్స సులభమవుతుందని భావించిన ఆ వ్యక్తి.. చనిపోయిన ఆ పామును చేత్తో పట్టుకుని నేరుగా కోవూరు ప్రభుత్వ ఆసుపత్రికి చేరుకున్నాడు.
వ్యక్తి చేతిలో పామును పట్టుకుని ఆసుపత్రి లోపలికి రావడం చూసి అక్కడి రోగులు, సిబ్బంది ఒక్కసారిగా షాక్కు గురయ్యారు. కొందరు భయంతో అటు ఇటు పరుగులు తీశారు. అయితే.. అతను జరిగిన విషయాన్ని వివరించడంతో వైద్యులు వెంటనే అతనికి అత్యవసర చికిత్స ప్రారంభించారు. పామును గుర్తించడం వల్ల సరైన యాంటీ వీనమ్ అందించడం వైద్యులకు సులభమైంది. ప్రస్తుతం బాధితుడు వైద్యుల పర్యవేక్షణలో ఉన్నాడు.
Also Read: మౌనం వీడండి! ఇజ్రాయెల్ – ఇరాన్ యుద్ధంపై కేంద్రానికి సోనియా గాంధీ సీరియస్ వార్నింగ్!
Share
ACs Buying Tips: కొత్త ఏసీ కొనాలంటే.. ఈ నాలెడ్జ్ తప్పనిసరి.. లేదంటే ఈజీగా మోసపోతారు!
Ahmed Shehzad: పాకిస్తాన్ ప్లేయర్లకు సిగ్గు, శరం లేదు..ఏదో ఒక రోజు రాళ్లతో ప్రజలే కొడతారు !
