Noida International Airport Launching: ఆసియాలోనే అతిపెద్ద ఎయిర్ పోర్టుగా నిర్మాణం అయిన, జేవార్ లోని నోయిడా అంతర్జాతీయ విమానాశ్రయం మార్చి 28న ప్రారంభం కానుంది. కేంద్రం తుది అధికారిక ఆమోదం కోసం అధికారులు ఎదరు చూస్తున్నారు. అయితే, ఈ విమానాశ్రయ ప్రారంభోత్సవానికి ప్రధానమంత్రి నరేంద్ర మోడీని ఆహ్వానించినట్లు ఉత్తర ప్రదేశ్ ముఖ్యమంత్రి యోగి ఆదిత్యనాథ్ కన్ఫార్మ్ చేశారు. డీజీసీఏ ఏరోడ్రోమ్ లైసెన్స్ ఇప్పటికే లభించడంతో, ప్రారంభోత్సవ సన్నాహాలు శరవేగంగా జరుగుతున్నాయి. ఈ నేపథ్యంలో కొత్త జేవార్ విమానాశ్రయం గురించి 5 ఆసక్తికర విషయాలను ఇప్పుడు తెలుసుకుందాం..
నోయిడా అంతర్జాతీయ విమానాశ్రయం దేశంలోని అత్యంత ప్రతిష్టాత్మక విమానాశ్రయాలలో ఒకటిగా కొనసాగనుంది. ప్రారంభమైన తొలి రోజు నుంచే, ఒకే టెర్మినల్, రన్ వేను ఉపయోగించి సంవత్సరానికి 22 లక్షల మంది ప్రయాణికులను నిర్వహిస్తుంది. ఫలితంగా ప్రాంతీయ విమానయాన నెట్ వర్క్ కు భారీ ప్రోత్సాహం కానుంది.
నోయిడా, గ్రేటర్ నోయిడాతో పాటు మిగిలిన పశ్చిమ ఉత్తర ప్రదేశ్ లో కనెక్టివిటీకి ఈ విమానాశ్రయం ఒక గొప్ప ముందడుగు కాబోతోంది. ఈ విమానాశ్రయం కొత్త పెట్టుబడులను ఆకర్షిస్తుందని, స్థానిక పరిశ్రమలకు మద్దతు ఇస్తుందని భావిస్తున్నారు. జాతీయ రాజధాని ప్రాంతంలో వ్యాపారాలను మరింత సులభతరం చేస్తుందని భావిస్తున్నారు.
ప్రారంభోత్సవం జరిగిన కొద్ది రోజుల్లోనే ఇండిగో, అకాసా ఎయిర్, ఎయిర్ ఇండియా ఎక్స్ ప్రెస్ లాంటి ప్రముఖ విమానయాన సంస్థలు జేవార్ నుంచి విమానాలను నడపనున్నాయి. అంతా అనుకున్నట్లు జరిగితే, కార్యక్రమం జరిగిన సుమారు 45 రోజుల తర్వాత వాణిజ్య విమాన సర్వీసులు ప్రారంభం కావాలి. ప్రారంభ మార్గాలు ఎన్సిఆర్ను ముంబై, బెంగళూరు, హైదరాబాద్ లాంటి పెద్ద నగరాలకు అనుసంధానించే అవకాశం ఉంది.
జేవార్ విమానాశ్రయం కేవలం ప్రయాణీకులకు మాత్రమే పరిమితం కాదు. వాణిజ్యం వృద్ధి చెందడానికి సహాయపడేలా పటిష్టమైన కార్గో సదుపాయంతో నిర్మించారు. ప్రత్యేకమైన నిర్వహణ, మరమ్మత్తు, ఓవర్ హాల్ కేంద్రాన్ని ఏర్పాటు చేయడానికి అకాసా ఎయిర్ ఈ విమానాశ్రయంతో భాగస్వామ్యం కుదుర్చుకుంది. ముఖ్యంగా, దీనిని పూర్తిస్థాయి లాజిస్టిక్స్, ఏవియేషన్ కేంద్రంగా రూపొందిస్తున్నారు.
ఈ విమానాశ్రయం ప్రారంభంతో స్థానిక ఆర్థిక వ్యవస్థకు బూస్టింగ్ కలగనుంది. ఈ ప్రాజెక్ట్ యమునా ఎక్స్ ప్రెస్ వే వెంబడి రియల్ ఎస్టేట్, గిడ్డంగులు, ఉద్యోగాలలో ఒక పురోగతి రానుంది. అయితే, దీనికి కొన్ని అడ్డంకులు ఉన్నాయి. ఈ విమానాశ్రయంలో భూములు కోల్పోయిన వారికి ఉద్యోగాల కోసం స్థానిక కుటుంబాలు ఇప్పటికీ పోరాడుతున్నాయి. ఈ ఎయిర్ పోర్ట్ గొప్ప ముందడుగు అయినప్పటికీ, ఈ ప్రాజెక్ట్ పెద్ద అవకాశాలతో పాటు ముఖ్యమైన సామాజిక బాధ్యతలను గుర్తు చేస్తుంది.
Read Also: ప్రభుత్వానికే వార్నింగ్ ఇస్తున్న ఎయిర్ లైన్స్ సంస్థలు.. ముదిరిన సీట్ సెలక్షన్ లొల్లి!
Share
Galaxy S25 Ultra Price Cut: బిగ్గెస్ట్ ప్రైస్ డ్రాప్.. శాంసంగ్ ప్రీమియం ఫోన్పై ఏకంగా రూ.20,000 తగ్గింపు!
Telangana Govt: రైతులకు గుడ్ న్యూస్.. ఈ పంటలపై బ్యాంకు రుణాలు పెంచుతూ ప్రభుత్వం కీలక నిర్ణయం
