Telangana ITI Admissions 2026: పదో తరగతి పూర్తి చేసి, త్వరగా సెటిల్ అవ్వాలని చూసే.. విద్యార్థులకు ఐటీఐ ఒక బెస్ట్ ఆప్షన్. టెక్నికల్ కోర్సులపై ఆసక్తి ఉండి, ఇంకా ఐటీఐ అడ్మిషన్ల కోసం అప్లై చేసుకోని వారికి తెలంగాణ ప్రభుత్వం ఒక గుడ్ న్యూస్ చెప్పింది. రాష్ట్రంలోని ప్రభుత్వ, ప్రైవేట్ ఐటీఐ కాలేజీల్లో.. అడ్మిషన్ల కోసం గడువును జులై 10 వరకు పొడిగిస్తూ అధికారులు నిర్ణయం తీసుకున్నారు.
పదో తరగతి రిజల్ట్స్ వచ్చాక చాలా మంది ఇంటర్ వైపు వెళ్తుంటారు. కానీ తక్కువ టైమ్‌లోనే చేతి నిండా పని దొరకాలి అనుకునే వాళ్లు మాత్రం ఐటీఐ కోర్సులను ఎంచుకుంటారు. తెలంగాణలో.. ఈ ఏడాది ఐటీఐ అడ్మిషన్లకు భారీ డిమాండ్ ఏర్పడింది. మీరు కూడా ఐటీఐలో చేరాలనుకుంటూ, ఇప్పటివరకు అప్లై చేయడం మర్చిపోయుంటే.. అప్లికేషన్ డేట్‌ను జులై 10 వరకు పొడిగించారు. ఈ అవకాశం సద్వినియోగం చేసుకోండి.
ఐటీఐ అనగానే కేవలం ఒకటో రెండో కోర్సులు అనుకుంటే పొరపాటే. ప్రస్తుతం ఇండస్ట్రీ నీడ్స్‌కు తగ్గట్టుగా చాలా క్రేజీ ట్రేడ్స్ అందుబాటులో ఉన్నాయి.
ఎలక్ట్రీషియన్
ఫిట్టర్
మోటార్ మెకానిక్
కంప్యూటర్ ఆపరేటర్ అండ్ ప్రోగ్రామింగ్ అసిస్టెంట్
వెల్డర్, టర్నర్ వంటి ఎన్నో టెక్నికల్ కోర్సులు ఉన్నాయి.
ఈ కోర్సులు పూర్తి చేస్తే అటు ప్రభుత్వ రంగ సంస్థలైన రైల్వేస్, బీహెచ్‌ఈఎల్, ఆర్టీసీతో పాటు ప్రైవేట్ రంగంలోనూ ఈజీగా జాబ్స్ సంపాదించవచ్చు.
అప్లికేషన్ ప్రాసెస్ చాలా ఈజీ!
పాత రోజుల్లా కాలేజీల చుట్టూ తిరిగి ఫారాలు సబ్మిట్ చేయాల్సిన అవసరం లేదు. అంతా ఆన్‌లైన్ ప్రాసెస్.
ముందుగా తెలంగాణ ఐటీఐ అధికారిక వెబ్‌సైట్ iti.telangana.gov.in ఓపెన్ చేయాలి.
అక్కడ మీ టెన్త్ క్లాస్ మార్క్స్, క్యాస్ట్, ఆధార్ వివరాలతో రిజిస్ట్రేషన్ చేసుకోవాలి.
మీ సర్టిఫికెట్లను అప్‌లోడ్ చేసి, మీకు నచ్చిన కాలేజీలు, ట్రేడ్స్‌కు ‘వెబ్ ఆప్షన్స్’ ఇచ్చుకోవాలి.
జులై 10 సాయంత్రం లోపు అప్లికేషన్ సబ్మిట్ చేయడం ముఖ్యం.
Share
బిగ్ బాస్ దశావతారంలో కొత్త రూల్స్.. అలా చేస్తే భారీ జరిమానా!
డిజైన్ చూస్తే ఐఫోన్ అనుకుంటారు.. రూ.12,499కే అడ్వాన్స్డ్ ఏఐ ఫీచర్లు.. Infinix కొత్త స్కెచ్!
