స‌వాల్ విస‌ర‌నేలా.. మాదే గెలుప‌ని దొంగ‌ స‌ర్వేలతో చంక‌లు గుద్దుకోనేలా?

క‌విత ఎన్నో సార్లు స‌వాలు విస‌రింది హ‌రీశ్‌పై. తుక్కు తుక్కుగా తిట్టిన తిట్టు తిట్ట‌కుండా తిడుతూనే ఉన్న‌ది రోజు. సిద్దిపేట నుంచి పోటీ చేస్తాన‌ని ప‌లుమార్లు ప్ర‌క‌టించింది కూడా. గుంట‌న‌క్క కాస్కో అని నేరుగా డేర్‌గానే తిట్ల దండ‌కం అందుకున్నా.. హ‌రీశుడు ఆయ‌న టీము కిమ్మ‌న‌లేదు ఇప్ప‌టి వ‌ర‌కు. తేలు కుట్టిన దొంగ‌ల్లా గ‌ప్‌చుప్‌గానే ఉన్నారు. క‌విత‌కు కౌంట‌ర్‌గా ప‌ల్లెత్తు మాట అన‌డానికి, ఆమెను తిట్ట‌డానికి జంకుతున్నారు. కానీ తాజాగా హ‌రీశుడు కొత్త జ‌పం అందుకున్నాడు.

సీఎం రేవంత్‌రెడ్డిని సిద్దిపేట నుంచి పోటీ చేస్తావా..? రా …! ద‌మ్ముందే అని అసంద‌ర్భ ప్రేలాప‌నొక‌టి అందుకున్నాడు. పనిలో ప‌నిగా త‌న‌కు ఇప్ప‌టి వ‌ర‌కు జ‌నం ఇచ్చిన మెజారిటీని కూడా త‌నే గుర్తు చేసుకున్నాడు కూడా. ఇప్ప‌డ‌ది జ‌నానికీ అవ‌స‌రం లేదు. హ‌రీశ్ స‌వాలుకూ అర్థం లేదు. కానీ ఇంకా దీన్ని హైప్ చేసేక్ర‌మంలో గుమ్మ‌డికాయ దొంగ‌ల్లా … ఇద్ద‌రు పోటీ చేస్తే ఎవ‌రు గెలుస్తారు.. ఎవ‌రు ఓడుతారు అనే ఓ ఫేక్ స‌ర్వేను కూడా ఒక‌టి ర‌న్ చేస్తున్నారు హ‌రీశ్ సోష‌ల్ మీడియా. ఆ స‌ర్వేలో తామె గెలిచిన‌ట్టు త‌మ‌కు తామే స‌ర్టిఫికెట్ ఇచ్చుకుని త‌మ జ‌బ్బ‌లు తామే చ‌రుచుకుని… గుమ్మ‌డి కాయ దొంగ‌ల్లా భుజాలు కూడా త‌డుముకొని చంక‌లు గుద్దుకుంటున్నారు.

ఇప్పుడు ఈ పోటీ గోల మాకెందుక‌ని ఆ నియోజ‌క‌వ‌ర్గ ప్ర‌జ‌లే విస్తుపోయేలా చేసుకుంటున్నారు. క‌విత .. హ‌రీశ్‌రావుపై చేసిన ఆరోప‌ణ‌ల‌కు స‌మాధానాల్లేవు… గుంట‌న‌క్క అని ఎడాపెడా తిట్టి.. కేసీఆర్ ద‌గ్గ‌ర‌ నెంబ‌ర్ వ‌న్ దెయ్యం నువ్వేన‌ని కితాబునిచ్చినా కుయ్యులేదు.. క‌య్యులేదు. సిద్దిపేట నుంచి పోటీ చేస్తాన‌ని ప్ర‌క‌టించినా.. రా చూసుకుందామ‌నే ద‌మ్ము తెగువా లేదు.. కానీ ఉట్టికెక్క‌లేన‌మ్మా.. స్వ‌ర్గానికి ఎగిరింద‌న్న‌ట్టు.. రేవంత్‌రెడ్డిని సిద్దిపేట‌కు ర‌మ్మంటున్నాడీ హ‌రీశుడు.