Wi-Fi Smart Air Conditioner: నేటి ఆధునిక యుగంలో మన రోజూవారీ దినచర్యలో వాడే ప్రతి చిన్న వస్తువు అయినా చాలా స్మార్ట్గా మారిపోతున్నాయి. ఒకప్పుడు ఏసీ అంటే గదిని చల్లబరిచే యంత్రంలా మాత్రమే చూసేవాళ్లం. కానీ ఇప్పుడు టెక్నాలజీ పుణ్యమా అని ఏసీలు కూడా మన మాట వింటున్నాయి. ముఖ్యంగా వైఫై ఉన్న ఏసీలు ఇప్పుడు బాగా పాపులర్ అవుతున్నాయి. ఇది కేవలం లగ్జరీ కోసం కాదు.. మన లైఫ్స్టైల్ని సులభంగా మార్చే అధునాతన టెక్నాలజీ. ఈ నేపథ్యంలో వైఫై ఏసీ వలన కలిగే ప్రయోజనాలు ఏమిటి? ఫీచర్లు ఎలా పనిచేస్తాయి? కరెంటు బిల్లు నిజంగానే తగ్గుందా.. వంటి విషయాలు తెలుసుకుందాం.
సాధారణ ఏసీ ఉన్నవాళ్లు ఇంటికి వచ్చాక స్విచ్ వేసి గది చల్లబడే వరకు చెమటలు కక్కుతూ ఎదురుచూడాలి. కానీ వైఫై ఏసీ ఉంటే ఆ కష్టం ఉండదు. ఆఫీసు నుంచి లేదా మార్కెట్ నుంచి బయలుదేరే ముందే స్మార్ట్ఫోన్ ద్వారా ఏసీ ఆన్ చేసుకోవచ్చు. మీరు ఇంటి తలుపు తీసి లోపలికి అడుగు పెట్టేసరికి గది కశ్మీర్లా చల్లగా మారిపోతుంది. అలాగే, పొరపాటున బయటకు వెళ్లేటప్పుడు ఏసీ ఆపడం మర్చిపోతే మళ్లీ ఇంటికి రావాల్సిన పనిలేదు. ఎక్కడున్నా ఫోన్ నుంచే ఆఫ్ చేసుకోవచ్చు.
రాత్రి పడుకునేటప్పుడు 20 డిగ్రీల్లో ఏసీ పెట్టుకుంటే.. తెల్లవారుజామున బాగా చలి వేసి నిద్రలో కూడా దుప్పటి కోసం వెతుక్కుంటాం. అయితే వైఫై ఏసీలతో అలాంటి ఇబ్బంది ఉండదు. ఏ సమయంలో ఉష్ణోగ్రత ఎంత ఉండాలో మనం ముందే సెట్ చేసుకోవచ్చు. ఉదా: రాత్రి చల్లగా ఉండాలని, తెల్లవారుజామున కొంచెం టెంపరేచర్ పెరగాలని షెడ్యూల్ చేస్తే దానంతట అదే మారుతుంది. దీనివల్ల నిద్రకు ఎలాంటి డిస్టబెన్స్ ఉండదు.
Also Read: టెక్ ప్రియులు ఎంతగానో వెయిట్ చేసిన డీల్ ఇదే.. Galaxy S25 Ultraపై అద్భుతమైన ధర తగ్గింపు!
ఇంట్లో గూగుల్ హోమ్ లేదా అలెక్సా వాడుతుంటే ఇక రిమోట్తో పనే లేదు. టీవీ చూస్తున్నప్పుడో లేక వంట చేస్తున్నప్పుడో ‘అలెక్సా.. ఏసీ టెంపరేచర్ పెంచు’ అంటే చాలు.. టక్కున ఇది పనిచేస్తుంది. ముఖ్యంగా వయసు పైబడిన వాళ్లకు ఇది చాలా పెద్ద రిలీఫ్. అలాగే ప్రతిసారీ రిమోట్ కోసం వెతుక్కునే శ్రమ లేకుండానే చల్లదనాన్ని మనకు నచ్చినట్టు మార్చుకోవచ్చు.
సాధారణంగా ఇంట్లో ఏసీ వాడితే నెలాఖరున బిల్లు చూసి షాక్ అవ్వడం మనందరికీ అలవాటే. కానీ ఈ వైఫై ఏసీ ఉంటే ఫోన్ యాప్లోనే రోజూ ఎంత కరెంటు ఖర్చవుతుందో చూడొచ్చు. నిన్న ఎంత వాడాం? గత వారంతో పోలిస్తే ఈ వారం బిల్లు ఎంత పెరిగింది? ఇలాంటివన్నీ ఎప్పటికప్పుడు చెక్ చేసుకోవచ్చు. దీనివల్ల ఎక్కడ పొదుపు చేయాలో మనకు ఒక ఐడియా వస్తుంది. బడ్జెట్ ప్రకారం ఏసీని వాడుకోవడానికి ఇది బాగా ఉపయోగపడుతుంది.
మనలో చాలామందికి ఏసీలో ఫిల్టర్లను ఎప్పుడు క్లీన్ చేయాలో అస్సలు గుర్తుండదు. దానివల్ల ఏసీ పాడయ్యే అవకాశం ఉంటుంది. అదే స్మార్ట్ ఏసీ అయితే, ‘ఫిల్టర్ క్లీన్ చేసే టైం అయ్యింది’ అని డైరెక్ట్ మన ఫోన్కు మెసేజ్ పంపిస్తుంది. అలాగే లోపల ఏదైనా టెక్నికల్ ప్రాబ్లం వచ్చినా అది ఏంటో కూడా యాప్ లోనే చూపిస్తుంది. దీనివల్ల చిన్న సమస్య ఉన్నప్పుడే రిపేర్ చేయించుకోవచ్చు. పెద్ద ఖర్చుల నుండి తప్పించుకోవచ్చు.
Also Read: షాకింగ్ అప్డేట్.. వాట్సప్లో ఇక పెయిడ్ సర్వీస్, ఆ 6 ఫీచర్లు కావాలంటే డబ్బులు కట్టాల్సిందే!
Share
సీఎం విజయ్ నిర్ణయంపై హైకోర్టు సీరియస్.. జ్యోతిష్యుడికి OSD పదవిపై న్యాయపోరాటం!
Wearable AC: సోనీ సంచలనం.. షర్ట్ లోపలే ఏసీ.. ఇక ఎండ ఎంత ఉన్నా డోంట్ కేర్!
