Phone Battery Replacement: స్మార్ట్ఫోన్ కొన్న కొత్తలో బ్యాటరీ లైఫ్ అద్భుతంగా ఉంటుంది. కానీ రెండేళ్లు దాటాక పరిస్థితి పూర్తిగా మారిపోతుంది. ఈ క్రమంలో పదే పదే ఛార్జింగ్ పెట్టడం, ఎక్కడికి వెళ్లినా వెంట పవర్ బ్యాంక్ తీసుకెళ్లడం వంటివి విసుగు తెప్పిస్తుంటుంది. అలా అని ఫోన్ పాతదైపోయిందని పక్కన పడేయాల్సిన అవసరం లేదు. కేవలం బ్యాటరీ మార్చుకుని దానిని మళ్లీ కొత్త ఫోన్లా వాడుకోవచ్చు. మరి బ్యాటరీ ఎప్పుడు మార్చాలో తెలిపే సంకేతాలేవో తెలుసుకుందామా..
ఫోన్ ఫుల్ ఛార్జింగ్లో ఉన్నా సరే.. యాప్స్ ఓపెన్ అవ్వడానికి ఎక్కువ సమయం తీసుకుంటుంటే, స్క్రీన్ యానిమేషన్లు సరిగ్గా పనిచేయకపోతే.. మీ బ్యాటరీ ఫోన్ ప్రాసెసర్కు అవసరమైన వోల్టేజీని సరిగ్గా అందించలేకపోతోందని అర్థం. ఇది బ్యాటరీ బలహీనపడిందనడానికి మొదటి సంకేతం.
Also Read: కరెంటు బిల్లును 33% తగ్గించే కొత్త ఏసీ టెక్నాలజీ.. ఐఐటీ ఢిల్లీ పరిశోధకుల ముందడుగు!
ఫోన్కు 100% ఛార్జింగ్ పెట్టుకున్న కొద్దిసేపటికే అది 50%కి పడిపోతుంటే, కనీసం బేసిక్ పనులు కూడా చేయకముందే బ్యాటరీ డ్రైన్ అవుతుంటే.. ఫోన్ బ్యాటరీ పని అయిపోయిందని అర్థం. ఇలాంటి స్థితిలో బ్యాటరీని మార్చడమే మీ ముందు ఉన్న ఏకైక మార్గం.
ఫోన్లో ఇంకా 20% లేదా 30% ఛార్జింగ్ చూపిస్తున్నా.. ఒక్కసారిగా ఫోన్ స్విచ్ ఆఫ్ అయితే దాని బ్యాటరీ వోల్టేజ్ స్థిరంగా లేదని గుర్తించాలి. ఈ కారణంగానే ఫోన్ సడన్గా షట్డౌన్ అవుతుంది. ఇలాంటి పరిస్థితి ఎదురైనప్పుడు వెంటనే కొత్త బ్యాటరీని అమర్చుకోవడం మంచిది.
ఫోన్ వాడుతున్నప్పుడు లేదా ఛార్జింగ్ పెట్టినప్పుడు విపరీతంగా వేడెక్కుతున్నా, ఒకవేళ బ్యాటరీ ఉబ్బినట్లు అనిపించినా అస్సలు నిర్లక్ష్యం చేయొద్దు. ఉబ్బిన బ్యాటరీ పేలే ప్రమాదం ఉంది కాబట్టి.. ఇలాంటి సందర్భాల్లో వెంటనే సర్వీస్ సెంటర్కు వెళ్లి బ్యాటరీని మార్చుకోవాలి.
Also Read: వాయిస్ కంట్రోల్ ఫీచర్లతో బెస్ట్ ఏసీలు.. ‘హే గూగుల్.. ఏసీ ఆన్ చెయ్’ అంటే చాలు!
Share
GHMC Officer Arrest: సికింద్రాబాద్ GHMCలో ఏసీబీ 'ట్రాప్'.. లంచం తీసుకుంటూ ఆఫీసర్ అరెస్ట్!
Ind vs Eng 2nd Semi-Final: సంజుకు లైఫ్ ఇచ్చిన బ్రూక్, ఆ ఒక్క క్యాచే ముంచేసింది..ఇంగ్లాండ్ ముందు భారీ లక్ష్యం
