WhatsApp Parental Control: ప్రపంచవ్యాప్తంగా చాలా దేశాలు.. పిల్లలు, టీనేజర్లు సోషల్ మీడియా ఉపయోగించడంపై భద్రతాపరంగా ఆందోళనలు వ్యక్తం చేస్తున్నాయి. చాలా దేశాలు టీనేజర్లు, పిల్లలు సోషల్ మీడియా ప్లాట్ఫామ్స్ వినియోగంపై కఠిన నియమాలు లేదా నిషేధాలు విధించాలని చర్చిస్తున్నాయి. ఈ సమస్యలను పరిష్కరించడానికి వాట్సాప్ కొత్త పేరెంటల్ కంట్రోల్ ఫీచర్ను త్వరలోనే తీసుకురాబోతోంది. ఈ ఫీచర్తో తల్లిదండ్రులు పిల్లల ఖాతాలను పర్యవేక్షించవచ్చు కానీ ప్రైవసీకి హాని జరగదు.
WABetaInfo అనే వెబ్సైట్ వాట్సాప్లో ఈ కొత్త ఫీచర్ టెస్టింగ్ గురించి తొలిసారిగా తెలిసింది. పిల్లల అకౌంట్ను తల్లిదండ్రుల లేదా సంరక్షకుల ఖాతాతో లింక్ చేయవచ్చు. అయితే తల్లిదండ్రులు మెసేజ్లు లేదా కాల్స్ చూడలేరు. ఎండ్-టు-ఎండ్ ఎన్క్రిప్షన్ పూర్తిగా అలాగే ఉంటుంది. ప్రైవసీ పూర్తిగా కాపాడబడుతుంది. కానీ కొన్ని సెట్టింగ్స్ మార్చే అధికారం తల్లిదండ్రులకు ఉంటుంది.
వాట్సాప్ మైనర్ల కోసం సెకండరీ ఖాతా సిస్టమ్ తీసుకొస్తోంది. ఈ ఖాతాలో కొన్ని లిమిటెడ్ ఫీచర్లు మాత్రమే ఉంటాయి. తల్లిదండ్రుల ఖాతాతో ఈ సెకండరీ ఖాతా డైరెక్ట్గా లింక్ అవుతుంది. తల్లిదండ్రులు కొన్ని ప్రైవసీ, సేఫ్టీ సెట్టింగ్స్ను మేనేజ్ చేయవచ్చు. చాట్స్, కాల్స్ పూర్తిగా ప్రైవేట్గా ఉంటాయి.
తల్లిదండ్రులు పిల్లల ఖాతాకు ఎవరు మెసేజ్ లేదా కాల్ చేయవచ్చో నియంత్రించవచ్చు. డిఫాల్ట్గా సేవ్ చేసిన కాంటాక్ట్స్ మాత్రమే మెసేజ్ లేదా కాల్ చేయగలరు. ఇది తెలియని వ్యక్తుల నుంచి పిల్లలకు వచ్చే రిస్క్ను చాలా తగ్గిస్తుంది. ప్రస్తుతం వాట్సాప్లో ఇలాంటి కాంటాక్ట్-ఓన్లీ రెస్ట్రిక్షన్ లేదు. ఈ ఫీచర్ ఈ గ్యాప్ను పూర్తి చేస్తుంది.
పిల్లల అకౌంట్ నుంచి తల్లిదండ్రులకు సాధారణ యాక్టివిటీ అప్డేట్స్ వస్తాయి. సెట్టింగ్స్ మార్పులు లేదా ఖాతాకు సంబంధించిన చర్యల గురించి మాత్రమే తెలుస్తుంది. మెసేజ్ కంటెంట్ లేదా కాల్ వివరాలను తల్లిదండ్రులు చూడలేరు. వాట్సాప్ ఇది స్పష్టంగా చెప్పింది.
Also Read: ఫోల్డెబుల్ ఫోన్ కొనాలనుకుంటున్నారా? 2026లో బెస్ట్ మోడల్స్ ఇవే
వాట్సాప్ ప్రైవసీని ఏమాత్రం రాజీ చేయదని స్పష్టం చేసింది. అన్ని చర్చలు ఎండ్-టు-ఎండ్ ఎన్క్రిప్షన్తో సురక్షితంగా ఉంటాయి. తల్లిదండ్రులు కేవలం సేఫ్టీ సెట్టింగ్స్ మేనేజ్ చేయగలరు. ఇది భద్రత, ప్రైవసీ మధ్య బ్యాలెన్స్ కాపాడుతుంది.
ఈ పేరెంటల్ కంట్రోల్ ఫీచర్ ఇంకా అభివృద్ధి దశలో ఉంది. పబ్లిక్గా ఎప్పుడు రిలీజ్ అవుతుందనే టైమ్లైన్ వాట్సాప్ ఇంకా ప్రకటించలేదు. భవిష్యత్ అప్డేట్లో ఈ ఫీచర్ రావచ్చు. పిల్లల భద్రతపై పెరుగుతున్న ఒత్తిడి వల్ల త్వరగా లాంచ్ అవ్వవచ్చు.
ఆన్లైన్ రిస్క్ల గురించి ఆందోళన చెందుతున్న కుటుంబాలకు ఈ ఫీచర్ చాలా ఉపయోగకరంగా ఉంటుంది. తెలియని వ్యక్తుల నుంచి, తప్పుదారి పట్టించే మెసేజ్ల నుంచి పిల్లలను కాపాడుతుంది. తల్లిదండ్రులు పిల్లలపై నిఘా పెట్టాల్సిన అవసరం లేకుండానే పర్యవేక్షణ చేయగలరు. ఇది వాట్సాప్ను సురక్షితంగా ఉపయోగించే విధానాన్ని మార్చే అవకాశం ఉంది.
Share
Disaster drama ott : సలసలా మరిగే సముద్రం... స్విమ్మింగ్ కెళ్ళి ఉడికిపోయే అమ్మాయి... గుండె గల్లంతయ్యే సీన్లు
Gundeninda GudiGantalu Today episode: గుణకు షాకిచ్చిన బాలు.. అడ్డంగా దొరికిపోయిన శివ.. భయపడుతున్న శృతి...
