Washing Machine: ఈ రోజుల్లో వాషింగ్ మెషిన్ లేని ఇల్లు లేదంటే అతిశయోక్తి కాదు. ఇంట్లో అమ్మకు సాయంగా.. గంటల కొద్దీ పట్టే బట్టలు ఉతికే పనిని కొన్ని నిమిషాల్లోనే చేసేస్తుంది. అయితే, మెషిన్ మన పనిని తేలిక చేస్తుంది కదా అని మనం చేసే కొన్ని చిన్న చిన్న పొరపాట్లు చివరకు వేల రూపాయల రిపేర్లకు దారితీస్తాయి. అందుకే మీ వాషింగ్ మెషిన్ ఎక్కువ కాలం మన్నిక రావాలంటే ఈ తప్పులు చేయొద్దు.
చాలామంది పని త్వరగా అయిపోవాలనో, లేక నీళ్లు ఆదా అవుతాయని మెషిన్ నిండా బట్టలు కుక్కేస్తుంటారు. మెషిన్ కెపాసిటీకి మించి లోడ్ వేస్తే, లోపల డ్రమ్ తిరగడానికి చాలా కష్టపడుతుంది. దీనివల్ల మోటార్ మీద విపరీతమైన లోడ్ పడి అది కాలిపోయే ఛాన్స్ ఉంటుంది. పైగా బట్టల్లో కూడా సరిగ్గా మురికి పోవు. అందుకే ఎప్పుడూ డ్రమ్లో కనీసం నాలుగో వంతు ఖాళీ ఉండేలా చూసుకోండి. అప్పుడే అది ఫ్రీగా తిరుగుతుంది.
Also Read: ఈ దుస్తులను పొరపాటున కూడా వాషింగ్ మెషీన్లో వేయకండి, ఎందుకంటే?
చేత్తో ఉతికే బట్టల కోసం వాడే సర్ఫ్ను మెషిన్లో అస్సలు వాడకూడదు. అది విపరీతమైన నురగను ఇస్తుంది. ఆ నురగ వల్ల మెషిన్ సెన్సార్లు, పైపులు పాడైపోతాయి. ముఖ్యంగా ఫ్రంట్ లోడ్ వాడేవారు దానికి తగ్గ లిక్విడ్స్ వాడితేనే మంచిది. ఇక బట్టలు బాగా మురికిగా ఉన్నాయని ఎక్కువ సర్ఫ్ వేయొద్దు. అలా చేస్తే ఆ పొడి మెషిన్ లోపల పేరుకుపోయి, బ్యాక్టీరియా చేరి కంపు కొడుతుంది.
దుస్తులను వాషింగ్ మెషిన్లో వేసే ముందు ఒక్కసారి జేబుల్లో కాయిన్స్, పిన్నీసులు, తాళాలు ఏవైనా ఉన్నాయోమో చెక్ చేసుకోవాలి. ఇలాంటివి లోపలికి వెళ్తే డ్రమ్కు గీతలు పడతాయి. ఒక్కోసారి ఆ చిన్న వస్తువులు డ్రైనేజీ పైపుల్లో ఇరుక్కుపోయి నీళ్లు బయటకు వెళ్లకుండా ఆపేస్తాయి. మెషిన్ నుంచి వింత వింత శబ్దాలు వస్తున్నాయంటే ఇలాంటివి లోపల ఇరుక్కున్నాయనే అర్థం. ఇది చివరకు పెద్ద రిపేర్కు దారితీస్తుంది.
వంట అయ్యాక పొయ్యిని ఎలా తుడుచుకుంటామో.. మెషిన్ను కూడా అలాగే చూసుకోవాలి. దుస్తులను మెషిన్ నుంచి తీసిన వెంటనే మూత పెట్టేయొద్దు. అలా చేస్తే లోపల ఉన్న తేమ వల్ల బూజుతో పాటు వాసన కూడా వస్తుంది. బట్టలు వాషింగ్ అయ్యాక కనీసం ఓ అరగంట పాటు మూత తెరిచి ఉంచితే గాలి ఆడి లోపల ఆరిపోతుంది. అలాగే నెలకు ఒక్కసారైనా టబ్ క్లీన్ ఆప్షన్ వాడటం లేదా వెనిగర్తో క్లీన్ చేసుకోవడం చేస్తే మీ మెషిన్ ఎక్కువ రోజులు మన్నిక వస్తుంది.
Also Read: మార్కెట్లోకి అదిరిపోయే పోర్టబుల్ ఏసీలు.. ఏ గదిలోకి కావాలంటే ఆ గదిలో పెట్టుకోవచ్చు!
Share
IND vs PAK: ఫ్యాన్స్ కు పండగలాంటి న్యూస్..ఇండియా, పాక్ మధ్య మరో మ్యాచ్..ఎప్పుడంటే
Prakash Raj: వారణాసిలో ప్రకాష్ రాజ్ పాత్ర అదేనా.. రీవీల్ చేసిన నటుడు!
