Washing Machine Tips: ప్రస్తుత రోజుల్లో ప్రతీ ఇంట్లో వాషింగ్ మిషన్ తప్పనిసరిగా మారిపోయింది. పేద, ధనిక అన్న తారతమ్యం లేకుండా ప్రతీ ఒక్కరు తమ బడ్జెట్ కు తగ్గట్లు వాషింగ్ మిషన్ కొనుగోలు చేసి వినియోగిస్తున్నారు. అయితే బట్టలు ఉతికిన తర్వాత వాషింగ్ మిషన్ డోర్ ను తెరిచి ఉంచాలా? లేదంటే మూసివేయాలా? అన్న సందేహం చాలా మందికి కలుగుతుంది. దానిని ఈ కథనం ద్వారా నివృత్తి చేసే ప్రయత్నం చేద్దాం.
సాధారణంగా చాలా మంది చేసే తప్పు ఏంటంటే బట్టలు ఉతకడం అయిపోగానే వాషింగ్ మిషన్ డోర్ మూసివేస్తుంటారు. అయితే ఇది సరైన పని కాదని నిపుణులు సూచిస్తున్నారు. వాష్ తర్వాత కనీసం 1-2 గంటల పాటు డోర్ ను తెరిచే ఉంచాలని స్పష్టం చేస్తున్నారు. దాని వల్ల చాలా ప్రయోజనాలు ఉన్నాయని పేర్కొంటున్నారు. ఇంతకీ అవి ఏంటో చూద్దాం.
బట్టలు ఉతికిన తర్వాత వాషింగ్ మిషన్ లోపల ముఖ్యంగా.. రబ్బర్ సీల్స్ వెనుక తేమ లేదా నీటి చెమ్మ నిలిచిపోతుంది. ఒకవేళ మీరు తలుపు మూసివేస్తే ఆ లోపల తేమ అలాగే ఉండిపోతుంది. ఫలితంగా మిషన్ లోపల దుర్వాసన, బ్యాక్టీరియా పెరగడం, బూజు రావడం వంటి సమస్యలు తలెత్తవత్తు. తర్వాతి ట్రిప్ లో మీరు వేసే బట్టలపై దాని ప్రభావం పడే అవకాశముంది. కాబట్టి డోర్ ఓపెన్ గా ఉంచడం వల్ల ఈ సమస్యల నుంచి బయటపడవచ్చు.
వాషింగ్ మిషన్ లో తేమ ఉంటే లోపలి భాగాల్లో తుప్పు పట్టే అవకాశం ఎక్కువ ఉంటుంది. ముఖ్యంగా ఫ్రంట్ లోడ్ మిషన్లలో ఉండే రబ్బర్ గ్యాస్కెట్ త్వరగా పాడైపోతుంది. దీని నుంచి తప్పించుకోవాలంటే.. ఎల్లప్పుడు మిషన్ లోపలి భాగాన్ని పొడిగా ఉంచడం చాలా అవసరం. ఫలితంగా మిషన్ ఎక్కువ కాలం ఎలాంటి సమస్యలు లేకుండా మన్నికగా ఉంటుంది.
ఫ్రంట్ లోడ్ వాషర్లకు తలుపు తెరిచి ఉంచడం అత్యంత చాలా ముఖ్యమని నిపుణులు సూచిస్తున్నారు. ఎందుకంటే వీటి తలుపులకు గాలి చొరబడకుండా ఉండేలా గట్టి రబ్బర్ సీల్ ఉంటుందని.. తలుపులు మూసివేస్తే తేమ వల్ల లోపలి భాగాలు దెబ్బతినొచ్చు. టాప్ లోడ్ విషయానికి వస్తే గాలి ప్రసరణకు కాస్త అవకాశం ఉన్నప్పటికీ.. ఉతికిన వెంటనే డోర్ తెరవడం ఉత్తమమని నిపుణులు చెబుతున్నారు. లోపలి డ్రమ్ త్వరగా ఆరిపోతుందని స్పష్టం చేస్తున్నారు.
వాషింగ్ మిషన్ డోర్ ను తెరవడమే కాకుండా కొన్ని చిట్కాలు పాటిస్తే భవిష్యత్తులో ఎలాంటి సమస్యలు రాకుండా చెక్ పెట్టేందుకు వీలు ఉంటుంది. ఇందులో భాగంగా ఫ్రంట్ లోడ్ మిషన్ అయితే ఉతకడం పూర్తయ్యాక ఒక పొడి గుడ్డతో రబ్బర్ సీల్ చుట్టూ ఉన్న నీటిని తుడవండి. అలాగే సర్ఫ్ లేదా లిక్విడ్ వేసే డ్రాయర్ను కూడా బయటకు తేమ ఆరిపోయేలా చేయండి. ఒకవేళ ఇంట్లో చిన్న పిల్లలు లేదా పెంపుడు జంతువులు ఉంటే తలుపు మరీ ఎక్కువగా తెరవకుండా గాలి ఆడేంత వరకూ తెరిచి ఉంచితే బెటర్.
Also Read: Automatic Roti Maker: హేయ్, ఇదేదో భలే ఉందే.. అలా పిండి వేస్తే.. ఇలా రోటీలు వచ్చేస్తున్నాయ్!
Share
రామ్ చరణ్ పహిల్వాన్ లుక్.. తెర వెనుక కఠోర శ్రమ!
కరీంనర్లో ఓ కవికి దక్కిన జాతీయ స్థాయి అరుదైన గౌరవం..?
