Instagram 100 Million Followers| ఈ రోజుల్లో సోషల్ మీడియా కేవలం వినోదం, స్నేహితులతో చాటింగ్ కోసమే కాదు. సోషల్ మీడియా ద్వారా గుర్తింపు (ఫేమ్), ఆదాయం కూడా పొందవచ్చు. అందుకే చాలా మంది కంటెంట్ క్రియేటర్లు.. సోషల్ మీడియాని పూర్తి స్థాయి వృత్తిగా ఎంచుకుంటున్నారు. ఇన్స్టాగ్రామ్, యుట్యూబ్ లాంటి ప్లాట్ఫామ్స్ ఇప్పుడు అతిపెద్ద ఆదాయ మార్గాలుగా మారాయి.
ఈ క్రమంలో యుట్యూబ్లో ఎంత మంది సబ్స్క్రైబర్లు ఉంటే ఎంత సంపాదించవచ్చు?, ఇన్స్టాగ్రామ్లో ఎంత మంది ఫాలోవర్స్ ఉంటే సంపాదన ఎంత వస్తుంది? అనే ప్రశ్నలు అందరికీ కలుగుతాయి. ఇప్పుడు 100 మిలియన్ (10 కోట్లు) ఫాలోవర్స్ ఉంటే ఇన్స్టాగ్రామ్ ద్వారా ఎంత సంపాదించవచ్చనేది చూద్దాం. ఒక్క పోస్ట్తో కోట్ల రూపాయలు నిజంగానే వస్తాయా? అనేది చూద్దాం. దీనికి సమాధానం చాలా అంశాలపై ఆధారపడి ఉంటుంది.
ఫాలోవర్ల సంఖ్య మాత్రమే ఆదాయాన్ని నిర్ణయించదు. బ్రాండ్లు ఎంగేజ్మెంట్ను బాగా చూస్తాయి. లైక్స్, కామెంట్స్, షేర్లు, వ్యూస్ ఎంత ఉన్నాయో చూస్తాయి. ఆడియన్స్ ఎంత యాక్టివ్గా, లాయల్గా ఉందో తెలుస్తుంది. ఎంగేజ్మెంట్ బలంగా ఉంటే ఆదాయం ఎక్కువ అవుతుంది. ఎంగేజ్మెంట్ తక్కువ ఉంటే బ్రాండ్లు తక్కువ చెల్లిస్తాయి. నిజమైన ఇంటరాక్షన్ ఉన్న ఖాతాలకు ప్రీమియం బ్రాండ్లు ఆకర్షితులవుతాయి. 100 మిలియన్ ఎంగేజ్డ్ ఫాలోవర్లు ఉంటే ఒక స్పాన్సర్డ్ పోస్ట్కు రూ.5 కోట్ల నుంచి రూ.20 కోట్ల వరకు వసూలు చేయవచ్చు. ఆడియన్స్ లొకేషన్, బ్రాండ్ విలువ ఆధారంగా ఈ ఫీజు మారుతుంది.
ఫాలోవర్స్ భారీ సంఖ్యలో ఉన్న పెద్ద అకౌంట్లు.. స్పాన్సర్డ్ పోస్ట్ల ద్వారానే కాకుండా ఆదాయాన్ని వివిధ మార్గాల్లో పొందుతాయి.
ప్రపంచవ్యాప్తంగా 100 మిలియన్ ఫాలోవర్స్ ఉంటే సంవత్సరానికి వందల కోట్ల రూపాయలు సంపాదించవచ్చు. అంతర్జాతీయ ఆడియన్స్ ఉంటే బ్రాండ్ డీల్స్, కరెన్సీ విలువతో కలిపి ఆదాయం భారీగానే ఉంటుంది.
ఇన్స్టాగ్రామ్లో సాధారణ క్రియేటర్ల కంటే సెలబ్రిటీలు ఎక్కువ సంపాదిస్తారు. నటులు, క్రీడాకారులు, గ్లోబల్ ఐకాన్లు (పాంప్ సింగర్స్, పాపులర్ నటలు) యాడ్స్ చేయడానికి ఒక్కో కంపెనీ నుంచి ప్రీమియం రేట్లు వసూలు చేస్తారు. ఉదాహరణకు క్రిస్టియానో రొనాల్డో ఒక్క పోస్ట్కు మిలియన్ల డాలర్లు సంపాదిస్తాడు. ఇండియాలో సినిమా స్టార్లు, క్రికెటర్లు కూడా భారీగా సంపాదిస్తారు. వారి పాపులారిటీ, బ్రాండ్ ట్రస్ట్ ఎక్కువ. సాధారణ క్రియేటర్లు కూడా భారీగా సంపాదించవచ్చు. కానీ కంటెంట్ క్వాలిటీ, ఆథెంటిసిటీ మెయింటైన్ చేయాలి.
Also Read: టెక్ రంగంలో గేమ్ ఛేంజర్ .. పేకముక్క లాంటి సన్నని బ్యాటరీ.. భారీ కెపాసిటీ
100 మిలియన్ ఫాలోవర్లు రీచ్ చేయడం పెద్ద విజయమే.. కానీ ఆదాయం క్రెడిబిలిటీ, కంటెంట్ క్వాలిటీపై ఆధారపడి ఉంటుంది. ఫేక్ ఫాలోవర్లు ఉంటే దీర్ఘకాలిక ఆదాయం తగ్గుతుంది. బ్రాండెడ్ కంపెనీలు ఇన్స్టాగ్రామ్లో రియల్ ఫాలోవర్స్, ఆథెంటిసిటీని పరిశీలిస్తాయి. దీర్ఘకాలిక విజయానికి నమ్మకం చాలా ముఖ్యం. నిజమైన విలువ ఇచ్చే క్రియేటర్లకు ఆడియన్స్ సపోర్ట్ చేస్తుంది. మంచి స్టోరీటెల్లింగ్, క్రియేటివిటీ రిపీట్ కొలాబరేషన్స్ తెచ్చిపెడతాయి. సరైన స్ట్రాటజీతో ఇన్స్టాగ్రామ్ సంపాదన కోసం ఒక బంగారు గని లాంటిది.
Share
Upcoming JioHotstar releases : ఈ నెలలో జియోహాట్స్టార్లో వస్తున్న సరికొత్త సిరీస్ లు ఇవే
Rahul Gandhi: జిల్లా అధ్యక్షులే కీలకం? డీసీసీలకు ఏఐసీసీ అగ్రనేత రాహుల్ గాంధీ సూచన
