100MP Selfie Camera: 100MP సెల్ఫీ, వెనుకభాగంలో 400 MP కెమెరాలు.. మొబైల్ ఫొటోగ్రఫీలో రాబోతున్న అతిపెద్ద మార్పు

100MP Selfie Camera| స్మార్ట్‌ఫోన్ కెమెరాలు రోజురోజుకూ మెరుగవుతున్నాయి. చాలా బ్రాండ్లు ఇటీవల ఫోన్ భాగంలో 108MP నుంచి 200MP కెమెరాలు ఆఫర్ చేస్తున్నాయి. అయితే ఇప్పుడు యూజర్ల దృష్టి ఫోన్ ముందు భాగంలో (సెల్ఫీ) కెమెరాలపైకి మళ్లింది. చాలా సంవత్సరాలుగా సెల్ఫీ కెమెరాలు 16MP నుంచి 50MP మధ్యే ఉన్నాయి. రియర్ (వెనుక భాగంలో) కెమెరాలతో పోలిస్తే వీటికి చాలా తక్కువ అప్‌గ్రేడ్స్ వచ్చాయి. కానీ ఇప్పుడు పెద్ద మార్పు రాబోతోంది.

సెల్ఫీ కెమెరాలకు పెద్ద అప్‌గ్రేడ్ వస్తోంది

కొత్త లీక్ ప్రకారం.. ప్రముఖ బ్రాండ్లు ఇప్పుడు సెల్ఫీ కెమెరాలను మెరుగుపరచడంపై దృష్టి పెట్టాయి. త్వరలో సెల్ఫీ కెమెరాలు రియర్ కెమెరాలతో సమానమైన ఇమేజ్ క్వాలిటీ రావొచ్చు. ఇది మొబైల్ ఫోటోగ్రఫీని పూర్తిగా మార్చేస్తుంది. సెల్ఫీలు ప్రొఫెషనల్ ఫోటోల స్థాయికి చేరుకుంటాయి. వీడియో కాల్స్, సోషల్ మీడియా కంటెంట్ కూడా చాలా మెరుగవుతాయి.

లీక్ అయిన 200MP + 100MP కెమెరా సెటప్

చైనీస్ టిప్‌స్టర్ ITHomeలో ఒక కొత్త ప్రోటోటైప్ ఫోన్ గురించి సమాచారం షేర్ చేశారు. ఈ ఫోన్‌లో 200MP మెయిన్ రియర్ కెమెరా ఉంది. అంతేకాదు 200MP టెలిఫోటో కెమెరా కూడా వెనుకభాగంలో ఉంది. అంటే మొత్తంగా వెనుకభాగంలో 400MP కెమెరా. మరో ఆశ్చర్యకరమైన విషయం ఏంటంటే 100MP సెల్ఫీ కెమెరా ఉండవచ్చు. ఇది ప్రపంచంలోనే మొదటి 100MP సెల్ఫీ కెమెరా ఫోన్ అవుతుంది.

ఇంకా టెస్టింగ్ స్టేజ్‌లో ఫోన్

ఈ ఫోన్ ప్రస్తుతం టెస్టింగ్ దశలోనే ఉంది. ఇంజినీర్లు చిన్న పిక్సెల్ కెమెరా సెన్సార్లను ఉపయోగిస్తున్నారు. ఫైనల్ హార్డ్‌వేర్ పబ్లిక్ రిలీజ్ ముందు మారవచ్చు. కాబట్టి ప్రస్తుత స్పెసిఫికేషన్స్ పూర్తిగా నిర్ధారణ కాలేదు. ఈ ప్రోటోటైప్ ఏ బ్రాండ్‌దో ఇంకా తెలియలేదు.

ఓప్పో, వివో బ్రాండ్లు బలమైన అభ్యర్థులు

ఇండస్ట్రీ నిపుణులు ఈ ఫోన్ ఓప్పో లేదా వివో బ్రాండ్‌గా ఉండవచ్చని భావిస్తున్నారు. ఈ రెండు కంపెనీలు కెమెరా టెక్నాలజీలో ఎక్స్‌పెరిమెంటల్ ఫీచర్లు మొదట తీసుకొస్తాయి. ఫోటోగ్రఫీ ఇన్నోవేషన్‌పై ఎక్కువ దృష్టి పెడతాయి. కాబట్టి ఇలాంటి ఎక్స్‌ట్రీమ్ సెటప్ వీళ్ల నుంచే రావచ్చు.

డ్యుయల్ 200MP కెమెరాలు సాధారణం

రిపోర్ట్స్ ప్రకారం.. డ్యుయల్ 200MP రియర్ కెమెరాలు త్వరలో స్టాండర్డ్ అవుతాయి. అల్ట్రా-ప్రీమియం స్మార్ట్‌ఫోన్లలో ఈ ట్రెండ్ కనిపిస్తుంది. భవిష్యత్ ఫ్లాగ్‌షిప్ ఫోన్లలో అల్ట్రా-హై రిజల్యూషన్ సెన్సార్లు ఎక్కువగా ఉంటాయి. ఇమేజ్ క్రాపింగ్, డిజిటల్ జూమ్ చాలా మెరుగవుతాయి. లో-లైట్ పర్‌ఫామెన్స్ కూడా గణనీయంగా పెరుగుతుంది.

ఓప్పో Find X10 Pro లో ఉండే అవకాశం

మరో లీక్ ప్రకారం Oppo Find X10 Proలో రెండు 200MP రియర్ కెమెరాలు ఉండవచ్చు. మునుపటి మోడల్‌లో ఇప్పటికే 200MP టెలిఫోటో లెన్స్ ఉంది. కొత్త మోడల్‌లో మెయిన్, టెలిఫోటో రెండూ 200MP అవుతాయి. ఈ ఫోన్ త్వరలోనే లాంచ్ అవుతుంది.

Also Read: ఆండ్రాయిడ్ యూజర్లకు గూగుల్ తరపున గుడ్ న్యూస్.. చిటికెలో ఐఫోన్‌కు ఫైల్ షేరింగ్ సాధ్యం

సిద్ధమవుతున్న ఇతర బ్రాండ్లు

Xiaomi 17 Ultraలో ఒక 200MP రియర్ కెమెరా ఉండవచ్చు. Oppo Find N6 కూడా ఇలాంటి హార్డ్‌వేర్ తీసుకొస్తుంది. ఈ ఫోన్లలో డ్యుయల్ 200MP లేకపోయినా కెమెరా అప్‌గ్రేడ్స్ పెద్దవిగా ఉంటాయి.

ఎక్కువ మెగాపిక్సెల్స్ వల్ల ఇమేజ్ డీటెయిల్స్, జూమ్ క్వాలిటీ మెరుగవుతాయి. AI ప్రాసెసింగ్‌తో కెమెరా పర్‌ఫామెన్స్ మరింత బాగుంటుంది. స్మార్ట్‌ఫోన్‌లతో ప్రొఫెషనల్ స్థాయి ఫోటోలు తీయవచ్చు. సెల్ఫీ కెమెరాలు రియర్ కెమెరాలతో సమానంగా మారుతాయి. మొబైల్ ఫోటోగ్రఫీ ఎంట్రీ-లెవల్ ప్రొఫెషనల్ కెమెరాల స్థానాన్ని తీసుకోవచ్చు.

Join WhatsApp Channel

Share

• 
• 
• 
• 
• 
•