Solar AC| వేసవిలో ఎండల తీవ్రతకు చాలామంది ఎయిర్ కండీషనర్ (ఏసీ) కొనాలని ఆలోచిస్తారు. కానీ మధ్య తరగతి ప్రజలకు ఏసీ వల్ల వచ్చే కరెంట్ బిల్లు పెద్ద భూతంలా కనిపిస్తుంది. ఈ సమస్యకు సరైన పరిష్కారంగా ఇప్పుడు సౌర శక్తితో నడిచే సోలార్ ఏసీ వచ్చింది. ఈ ఏసీ సిస్టమ్ సోలార్ ప్యానెల్స్ నుంచి వచ్చే విద్యుత్ శక్తితో పనిచేస్తుంది. ఈ సిస్టమ్ నేరుగా ఎండ (సూర్యరశ్మి) నుంచి లేదా బ్యాటరీల్లో నిల్వ చేసిన కరెంట్తో ఎసిని నడుపుతుంది. దీనివల్ల కరెంట్ బిల్లులు తగ్గుతాయి, గ్రిడ్ పవర్ మీద ఆధారపడకుండా ఉంటుంది.
సోలార్ ఏసీలో మూడు రకాల సిస్టమ్స్ ఉన్నాయి: ఆన్-గ్రిడ్ (గ్రిడ్తో కనెక్ట్ అయ్యేది), ఆఫ్-గ్రిడ్ (బ్యాటరీలతో పవర్ కట్లలో కూడా పనిచేస్తుంది), హైబ్రిడ్ (కరెంట్, సోలార్ రెండింటి మిక్స్.. బ్యాకప్, ఫ్లెక్సిబిలిటీ ఎక్కువ).
భారతదేశంలో సోలార్ ఏసి ధర ఎంత?
సోలార్ ఏసీ సైజు.. ఏసి కెపాసిటీ ఆధారంగా ధర మారుతుంది. 1kW సోలార్ సిస్టమ్ ధర సుమారు రూ.55,000 నుంచి రూ.1.2 లక్షల వరకు ఉంటుంది. ఒక ఏసీని నడిపేందుకు సరిపడే 3kW సిస్టమ్ ధర రూ.1.6 లక్షల నుంచి రూ.2.15 లక్షల వరకు ఉంటుంది. సబ్సిడీ తర్వాత ధర చాలా తగ్గుతుంది. 3kW సిస్టమ్ సబ్సిడీ తర్వాత రూ.82,000 నుంచి రూ.1.07 లక్షల మధ్య ఉంటుంది. పెద్ద సిస్టమ్స్ ఎక్కువ ఖర్చు అవుతాయి కానీ ఎసి, గీజర్ వంటి ఎక్కువ ఉపకరణాలు నడుపుతాయి.
ప్రభుత్వం రూఫ్టాప్ సోలార్ సిస్టమ్స్ ఇన్స్టాల్ చేయడానికి ఆర్థిక సహాయం ఇస్తుంది. సబ్సిడీ సిస్టమ్ కెపాసిటీ ఆధారంగా ఉంటుంది. 1kWకి రూ.30,000, 2kWకి రూ.60,000 వస్తుంది. 3kW లేదా అంతకంటే ఎక్కువ కెపాసిటీ ఏసీకి గరిష్టంగా రూ.78,000 సబ్సిడీ ఉంటుంది. ఇది మొత్తం ఖర్చులో సుమారు 40% వరకు కవర్ చేస్తుంది. ఇలా మధ్య తరగతి కుటుంబాలకు సోలార్ ఎసి సిస్టమ్స్ చవకగా అందుబాటులో ఉంటాయి.
సోలార్ ఏసిల వినియోగం వల్ల కరెంట్ బిల్లు చాలావరకు తగ్గుతుంది, దీర్ఘకాలంలో ఎక్కువ ఆదా చేస్తుంది. ఇవి ఫాసిల్ ఇంధనాలపై (పెట్రోల్, డీజిల్) ఆధారపడకుండా చేసి, సహజ శక్తిని ప్రోత్సహిస్తాయి. యోజన ద్వారా నెలకు 300 యూనిట్ల వరకు ఉచిత విద్యుత్ వస్తుంది.
భారతదేశ పౌరులు, సరైన రూఫ్టాప్ ఉన్నవారు అప్లై చేయవచ్చు. వాలిడ్ ఎలక్ట్రిసిటీ కనెక్షన్, అవసరమైన డాక్యుమెంట్లు ఉండాలి. గతంలో సోలార్ సబ్సిడీ తీసుకోకుండా ఉండాలి. అధికారిక పోర్టల్ ద్వారా సులభంగా అప్లై చేయవచ్చు.
Also Read: మీ ఇంట్లోనే ఏఐ డాక్టర్.. పర్ప్లెక్సిటీలో కొత్త ఏఐ హెల్త్ ఫీచర్.. ఎలా ఉపయోగించాలంటే?
ప్రారంభ ఇన్వెస్ట్మెంట్ ఎక్కువ అయినా, సబ్సిడీతో ఖర్చు తక్కువ అవుతుంది. కొన్నేళ్లలో ఆదా ద్వారా డబ్బు తిరిగి వస్తుంది. భవిష్యత్ కరెంట్ అవసరాలకు ఇది మంచి ఆప్షన్.
విద్యుత్ ధరలు పెరగడంతో సోలార్ ఎయిర్ కండీషనర్లు జనాదరణ పొందుతున్నాయి. ప్రధానమంత్రి సూర్య ఘర్ యోజన ద్వారా సబ్సిడీతో అవి చవకగా, ఆచరణీయంగా మారాయి. ఇంటి ఖర్చులు తగ్గి, నమ్మకమైన విద్యుత్ లభిస్తుంది.
Share
Dhurandhar 2: ధురంధర్2కి తమిళనాడులో భారీ షాక్.. కోర్టులో కేసు!
Bandla Ganesh: బండ్ల గణేష్ ‘భజన’ మేళం: మళ్ళీ హీరోల డేట్స్ కోసమేనా ఈ ‘డబ్బా’?
