Salt Size Micro Robot| ఉప్పు రేణువు కంటే చిన్నదైన ఒక రోబోను శాస్త్రవేత్తలు సృష్టించారు. ఈ అద్భుతం చూస్తుంటే ఒకప్పుడు కేవలం సైన్స్ ఫిక్షన్ కథల్లో మాత్రమే కనిపించేది. కానీ నిజజీవితంలో సాధ్యమైంది. అమెరికాలోని యూనివర్సిటీ ఆఫ్ మిచిగాన్, యూనివర్సిటీ ఆఫ్ పెన్సిల్వేనియా పరిశోధకులు సంయుక్తంగా ఈ సూక్ష్మ యంత్రాన్ని అభివృద్ధి చేశారు. దీని పరిమాణం చాలా చిన్నదైనా, ఈ రోబో మనుషుల కమాండ్స్ని అర్థం చేసుకోగలదు, స్వయంగా నిర్ణయాలు తీసుకోగలదు, పనిచేయగలదు.
ఇంత చిన్న ఆకారంలో కంప్యూటర్లు, సెన్సార్లు, మోటార్లను అమర్చడానికి నిపుణులు చాలా సంవత్సరాలు కష్టపడ్డారు.
ఈ రోబో ఒక మిల్లీమీటర్ కంటే తక్కువ పరిమాణంలో ఉంది. కేవలం 55-నానోమీటర్ల సైజులో ఉండే అతిచిన్న కంప్యూటర్ను ఉపయోగిస్తుంది. ఈ చిన్న కంప్యూటర్ అవసరమైన అన్ని తెలివితేటలను తనలో ఇముడ్చుకుంది. తన పరిసరాలను గుర్తించి, స్వతంత్రంగా నిర్ణయాలు తీసుకుంటుంది.
ఈ మైక్రో-రోబో ఛార్జింగ్ నేరుగా లైట్ (సూర్యరశ్మి లేదా ఇతర కాంతి) నుండి తీసుకుంటుంది. ఇందులో అంతర్గత బ్యాటరీ అవసరం లేదు. ఈ ప్రత్యేకత దీనిని చాలా సమర్థవంతంగా పనిచేయడానికి వీలు కల్పిస్తుంది. ఈ రోబో చుట్టూ ఒక ప్రత్యేక రక్షణ పూత (Protective Coating) ఉంటుంది. ఈ లేయర్ సెక్యూరిటీని, పవర్ని ఆదా చేయడాన్ని నిర్ధారిస్తుంది.
ఈ బుల్లి రోబో సెన్సార్లు చాలా చిన్న మార్పులను కూడా గుర్తించగలవు. కేవలం 0.3 డిగ్రీల ఉష్ణోగ్రత మార్పులను కూడా అవి పసిగట్టగలవు. రోబో తన చుట్టూ ఉన్న వాతావరణాన్ని బాగా అర్థం చేసుకొని, ఆ తర్వాత తగిన చర్యను స్వయంగా ఎంచుకుంటుంది. ఇలాంటి అధునాతనమైన, అంతర్నిర్మిత తెలివితేటలు పాత మైక్రోరోబోలలో లేవు.
ఈ టెక్నాలజీ వైద్య శాస్త్రాన్ని సమూలంగా మార్చగలదు. ఈ రోబోను నియంత్రించడం చాలా సులభం. దీనిని ఒక సాధారణ మైక్రోస్కోప్ ఉపయోగించి ఆపరేట్ చేయవచ్చు. ఈ రోబోలు మనిషి రక్తనాళాలలో ప్రయాణించగలుగుతాయి. అవి మందులను కచ్చితమైన ప్రదేశాలకు అందించగలవు. సూక్ష్మ స్థాయిలో శస్త్ర చికిత్స నిపుణులు వీటిని ఉపయోగించి రక్తనాళాలలోని అడ్డంకులను తొలగించవచ్చు. ఉదాహరణకు గుండె కవటాల్లో, మెదడు నాళాల్లో రక్తం గడ్డ కడితే ఆపరేషన్ సమర్థవంతంగా, సులభంగా చేయగలరు. శస్త్ర చికిత్స చేసే అవసరం భవిష్యత్తులో తగ్గిపోతుంది.
Also Read: స్వయంగా పనులన్నీ చేసే ఫోన్ లాంచ్.. టచ్ చేయాల్సిన అవసరం లేదు
ఈ రోబోలను వాస్తవ ప్రపంచంలో ఉపయోగించడానికి మరో 10 సంవత్సరాలు పట్టవచ్చని శాస్త్రవేత్తలు అంచనా వేస్తున్నారు. ప్రస్తుతానికి, ప్రొటోటైప్లు కేవలం ప్రయోగశాలల్లోని మంచి నీటిలో మాత్రమే పనిచేస్తున్నాయి. వీటిని ఉప్పుతో కూడిన ద్రవాలకు (రక్తం వంటివి) అనుగుణంగా మార్చవలసిన అవసరం ఉంది.
Share
Bondi Beach Attack: ఆస్ట్రేలియా బోండీ బీచ్లో ‘ఉగ్ర’ఘాతుకం.. నిందితులు ఎవరో తెలుసా?
Podarillu Today Episode : మహా పెళ్లి ఫిక్స్.. పెళ్లి పనులు మొదలెట్టిన ప్రతాప్.. చక్రీతో గొడవ..?
