Rechargeable LED Lights Benefits: వేసవి కాలం వచ్చిందంటే చాలు.. ఎండలతో పాటు పవర్ కట్ సమస్యలు కూడా మొదలవుతాయి. రాత్రి పూట సడన్గా కరెంట్ పోతే ఇల్లంతా చీకటిమయమై, వంటింట్లో పనులు చేసే మహిళలకు, పరీక్షల కోసం చదువుకునే పిల్లలకు తీవ్ర ఇబ్బందులు ఎదురవుతాయి. ఇలాంటి సమయంలో హోమ్ ఇన్వర్టర్లు లేని వారికి ‘చార్జింగ్ ఎల్ఈడీ లైట్లు’ఒక వరమనే చెప్పాలి. తక్కువ ధరలోనే లభిస్తూ.. చీకటిని పారద్రోలే ఈ స్మార్ట్ చార్జింగ్ లైట్ల వల్ల కలిగే అద్భుతమైన లాభాలు ఏంటో వివరంగా ఇప్పుడు తెలుసుకుందాం.
ప్రస్తుత టెక్నాలజీ యుగంలో సాధారణ చార్జింగ్ లైట్లతో పాటు ‘ఇన్వర్టర్ ఎల్ఈడీ బల్బులు’ (Inverter LED Bulbs) మార్కెట్లో బాగా ట్రెండ్ అవుతున్నాయి. ఇవి చూడటానికి మన ఇంట్లో ఉండే నార్మల్ బల్బుల లాగే ఉంటాయి. హోల్డర్కు బిగించినప్పుడు ఇవి కరెంట్ ఉన్నంతసేపు మామూలుగానే వెలుగుతూ.. లోపల ఉండే తమ ఇన్-బిల్ట్ బ్యాటరీని ఆటోమేటిక్గా చార్జ్ చేసుకుంటాయి. సడన్గా కరెంట్ పోయిన వెంటనే ఎలాంటి మాన్యువల్ స్విచ్ ఆన్ చేయాల్సిన అవసరం లేకుండానే ఇవి ఆటోమేటిక్గా వెలగడం స్టార్ట్ అవుతాయి.
చార్జింగ్ ఎల్ఈడీ లైట్ల వల్ల కలిగే ముఖ్యమైన లాభాలు:
1. అద్భుతమైన బ్యాటరీ బ్యాకప్ :
ఈ చార్జింగ్ ఎల్ఈడీ లైట్లలో లిథియం-అయాన్ బ్యాటరీలను వాడుతున్నారు. ఇవి ఒక్కసారి పూర్తిగా చార్జ్ అయితే.. కరెంట్ పోయినప్పుడు నిరంతరాయంగా 3 నుంచి 5 గంటల పాటు వెలుతురును ఇస్తాయి. లాంగ్ పవర్ కట్స్ ఉన్న ఏరియాల్లో నివసించే వారికి ఇవి చాలా ప్రాక్టికల్ సొల్యూషన్గా ఉపయోగపడతాయి.
2. తక్కువ కరెంట్ ఖర్చు:
ఎల్ఈడీ టెక్నాలజీ కావడం వల్ల ఇవి చాలా తక్కువ కరెంట్ను మాత్రమే వాడుకుంటాయి. సాధారణంగా ఇవి 9 వాట్స్ లేదా 12 వాట్స్ సామర్థ్యంతో వస్తాయి. ఇవి చార్జ్ అయ్యేటప్పుడు కూడా మీ కరెంట్ బిల్లుపై ఎలాంటి ప్రభావం చూపవు. తక్కువ కరెంట్ తో ఎక్కువ బ్రైట్నెస్ (వెలుతురు) ఇవ్వడం వీటి ప్రత్యేకత.
Also Read: ఏ కంపెనీ ఏసీ కొంటే.. సర్వీసింగ్ బాగుంది? కస్టమర్ల పక్కా రివ్యూస్ ఇవే!
3. పోర్టబిలిటీ, మల్టీపర్పస్ యూజ్:
మార్కెట్లో లభించే కొన్ని చార్జింగ్ లైట్లు హ్యాండిల్స్ , హుక్స్తో వస్తాయి. వీటిని వంటింట్లో వంట చేసేటప్పుడు, పిల్లలు చదువుకునే టేబుల్ దగ్గర, లేదా రాత్రిపూట బయటకు వెళ్లేటప్పుడు టార్చ్ లైట్లా సులభంగా పట్టుకెళ్లవచ్చు. అలాగే అత్యవసర పరిస్థితుల్లో ఫోన్ చార్జ్ చేసుకోవడానికి వీలుగా కొన్ని లైట్లలో యూఎస్బీ పోర్ట్ అవకాశం కూడా ఉంటుంది.
4. తక్కువ ధర, ఎక్కువ మన్నిక :
పెద్ద పెద్ద హోమ్ ఇన్వర్టర్లు కొనాలంటే.. వేలల్లో ఖర్చవుతుంది. కానీ ఈ చార్జింగ్ ఎల్ఈడీ బల్బులు లేదా పోర్టబుల్ లైట్లు కేవలం రూ. 300 నుంచి రూ. 1000 లోపు బడ్జెట్ ధరలోనే లభిస్తాయి. పైగా ఇవి దాదాపు 25,000 గంటల పాటు పనిచేసే లైఫ్ స్పాన్ కలిగి ఉంటాయి. అంటే ఒక్కసారి కొంటే చాలా సంవత్సరాల పాటు పాడవకుండా ఉంటాయి.
కొనేముందు గమనించాల్సిన చిన్న టిప్:
మీరు చార్జింగ్ ఎల్ఈడీ లైట్ లేదా ఇన్వర్టర్ బల్స్ కొనేటప్పుడు దాని బాక్స్ పైన “Overcharge Protection” ఫీచర్ ఉందో లేదో చూసుకోండి. ఈ ఫీచర్ ఉంటే బ్యాటరీ ఫుల్ అవ్వగానే చార్జింగ్ ఆటోమేటిక్గా కట్ అవుతుంది. దీనివల్ల బ్యాటరీ లైఫ్ పెరిగి పేలకుండా సేఫ్గా ఉంటుంది. ఈ ఎండాకాలంలో మీ ఇంట్లో చీకటి ఇబ్బందులు లేకుండా ఉండాలంటే ఒక మంచి బ్రాండెడ్ చార్జింగ్ లైట్ను తెచ్చుకోవడం బెస్ట్.
Share
కదిలే 'వాషింగ్ మిషన్'.. చేత్తో ఎక్కడికైనా తీసుకెళ్లొచ్చు.. 7 నిమిషాల్లో బట్టలు వాష్!
మొక్కలకు రోజుకు ఎన్నిసార్లు, ఏ సమయంలో నీళ్లు పోయాలి? అసలు నియమాలు ఇవే!
