ISRO: భారత అంతరిక్ష పరిశోధన సంస్థ-ఇస్రో చేపట్టిన పీఎస్ఎల్వీ-సీ62 రాకెట్ ప్రయోగం విఫలమైంది. మూడో దశ వరకు రాకెట్ ప్రయోగం సాఫీగా సాగింది. నాలుగో దశలో సమస్య మొదలైంది. ఈ సమస్యకు గల కారణాలను విశ్లేషిస్తున్నట్లు ఇస్రో ఛైర్మన్ నారాయణన్ పేర్కొన్నారు. దీంతో డేటాను విశ్లేషించే పనిలో పడ్డారు శాస్త్రవేత్తలు.
పీఎస్ఎల్వీ-సీ62 రాకెట్ ప్రయోగం విఫలం
ఇస్రోకు తురుపు ముక్క పీఎస్ఎల్వీ రాకెట్. ఇప్పటివరకు 63 ప్రయోగాల్లో 60 విజయవంతం సక్సెస్ అయ్యాయి. ఒక విధంగా చెప్పాలంటే పీఎస్ఎల్వీ రాకెట్ సక్సెస్ 99.9 శాతం అన్నమాట. తాజాగా కొత్త ఏడాది 2026, జనవరి 12న ఉదయం 10.18 నిమిషాలకు నెల్లూరు జిల్లా శ్రీహరికోటలోని సతీశ్ ధావన్ స్పేస్ సెంటర్ నుంచిపీఎస్ఎల్వీ-సీ62 రాకెట్ నింగిలోకి దూసుకెళ్లింది.
రాకెట్ ప్రయోగం మూడు దశల వరకు సాఫీగా సాగింది. నాలుగో దశలోకి ఎంట్రీ ఇస్తున్న సమయంలో అంతరాయం ఏర్పడినట్టు ఇస్రో ఛైర్మన్ నారాయణన్ తెలిపారు. పరిస్థితి విశ్లేషణ చేస్తున్నట్లు వెల్లడించారు. 4వ దశ ప్రారంభంలో శాటిలైట్తో సంబంధాలు తెగిపోయాయి. సాంకేతిక లోపం తలెత్తినట్టు అధికారులు భావిస్తున్నారు.
నాలుగో దశలో సమస్య, ఇస్రో ఛైర్మన్ ప్రకటన
భారత్కి చెందిన ఈఓఎస్-ఎన్1 ఉపగ్రహంతోపాటు యూకె, థాయ్లాండ్, బ్రెజిల్, స్పెయిన్, నేపాల్ వంటి దేశాలకు చెందిన 14 ఉపగ్రహాలు మోసుకెళ్లింది పీఎస్ఎల్వీ రాకెట్. ఉపగ్రహాలను కక్ష్యలోకి ప్రవేశపెట్టే సమయంలో అంతరాయం ఏర్పడింది. కొత్త ఏడాదిలో ఇస్రో చేపట్టిన తొలి ప్రయోగం ఫెయిల్ కావడంతో శాస్త్రవేత్తలకు అంతుబట్టడం లేదు.
దేశ రక్షణ రంగానికి సంబంధించి అత్యంత కీలకమైన ఈఓఎస్-ఎన్1 అన్వేష ఉపగ్రహం. న్యూ స్పేస్ ఇండియా లిమిటెడ్ చేపట్టిన తొమ్మిదవ వాణిజ్య మిషన్. ఈఓఎస్-ఎన్1 ఉపగ్రహం దేశంలో వ్యవసాయం, సిటీ మ్యాపింగ్, పర్యావరణ పర్యవేక్షణ, సరిహద్దుల్లో నిఘా వంటి వాటి కోసం ప్రత్యేకంగా రూపొందించారు.
ALSO READ: మీ యూట్యూబ్ ఛానెల్ వ్యూస్ పెరగడం లేదా? ఈ టిప్స్ తప్పనిసరిగా పాటించండి?
PSLV ఇటీవలకాలంలో రెండో వైఫల్యం ఇది. గతేడాది మే 18న శ్రీహరికోట నుండి ప్రయోగించిన కొన్ని నిమిషాల తర్వాత PSLV రాకెట్లో సమస్యలు తలెత్తడంతో ఉపగ్రహాన్ని కక్ష్యలోకి ప్రవేశపెట్టడంలో విఫలమైంది. ఆ మిషన్ ఇస్రోకు 101వది. ప్రయోగం తర్వాత 12వ నిమిషంలో అసాధారణ పరిస్థితి మొదలైంది. ఫలితంగా ఆ ప్రయోగం విఫలమైంది. దాదాపు ఏడు నెలల వ్యవధిలో ఇది రెండోది. PSLV రాకెట్ చరిత్రలో ఇది నాలుగో రాకెట్ ప్రయోగం విఫలమైంది.
నింగిలోకి దూసుకెళ్లిన #PSLVC62 రాకెట్
అంతరిక్షంలోకి 8 విదేశీ ఉపగ్రహాలు మోసుకెళ్లిన రాకెట్
రాకెట్ ప్రయోగం 4వ దశపై ఉత్కంఠ
18.9 నిమిషాలకే పూర్తి కావాల్సిన ప్రయోగం
4వ దశ ప్రారంభంలోనే శాటిలైట్ తో తెగిపోయిన సంబంధాలు
3వ దిశ చివరలో సాంకేతిక లోపం తలెత్తిందని అధికారులు వెల్లడి… pic.twitter.com/45aHOfeBZS
— BIG TV Breaking News (@bigtvtelugu) January 12, 2026
Share
Hyderabad Crime: బోరబండలో ఘోరం.. మాట్లాడటం లేదన్న కోపంతో యువతి దారుణ హత్య!
Kalyani Priyadarshan: హిందీ అరంగేట్రంపై చంద్ర క్లారిటీ.. ఆసక్తి ఉన్నా అవకాశం లేదంటూ!
