OpenAI Hardware| చాట్‌జిపిటిని తయారు చేసిన OpenAI కంపెనీ టెక్ మార్కెట్‌లో పెద్ద మార్పు చేస్తోంది. 2022లో జనరేటివ్ AI చాట్‌బాట్ రేస్ మొదలుపెట్టిన ఈ కంపెనీ ఇప్పుడు హార్డ్‌వేర్ రంగంలోకి అడుగుపెడుతోంది. OpenAI తన మొదటి హార్డ్‌వేర్ డివైస్‌ను ఈ ఏడాది లాంచ్ చేయాలని ప్లాన్ చేస్తోంది. ఈ నిర్ణయం AIతో యూజర్లు ఎలా ఇంటరాక్ట్ చేస్తారో మార్చేసే అవకాశం ఉంది.
ప్రస్తుతం మూడు భిన్నమైన హార్డ్‌వేర్ ప్రొడక్ట్‌లను డెవలప్ చేస్తోంది.
టెక్ రిపోర్ట్స్ ప్రకారం.. OpenAI 2026లోనే తన మొదటి స్మార్ట్ డివైస్ లాంచ్ చేయనుంది. ఇండస్ట్రీ నిపుణులు.. ఈ ఏడాది రెండో అర్ధభాగంలో లాంచ్ జరిగే అవకాశం ఉందని చెబుతున్నారు.
OpenAI చీఫ్ గ్లోబల్ అఫైర్స్ ఆఫీసర్ క్రిస్ లెహేన్ డెవలప్‌మెంట్ సరిగ్గా సాగుతోందని ధృవీకరించారు. ఈ ఏడాది ప్రొడక్ట్ లాంచ్ అవుతుందని చెప్పారు. కానీ సేల్స్ మాత్రం తర్వాత.. బహుశా 2027లో ప్రారంభంకావచ్చు. ఏ డివైస్ ముందుగా లాంచ్ అవుతుందో ఇంకా అధికారికంగా చెప్పలేదు.
ప్రాథమిక రిపోర్ట్స్ ప్రకారం.. ఓపెన్‌ఏఐ మొదటి ప్రొడక్ట్ ఆడియో డివైస్ అవుతుంది. ఇది వాయిస్ ఆధారిత ఇంటరాక్షన్‌పై దృష్టి పెడుతుంది. స్క్రీన్లు, కీబోర్డ్‌లపై ఆధారపడకుండా చేయాలని లక్ష్యం.
ChatGPT యొక్క అడ్వాన్స్‌డ్ వాయిస్ కెపాసిటీ చూపించే డివైస్ ఇది. సరళమైన వాయిస్ కమాండ్స్‌తో పర్సనల్ AI అసిస్టెంట్‌గా పనిచేస్తుంది.
ఓపెన్ ఏఐ కంపెనీ Sweetpea అనే స్పెషల్ ఆడియో గాడ్జెట్‌ను డెవలప్ చేస్తున్నట్లు సమాచారం. ఇది ఇయర్‌ఫోన్ల ఆకారంలో ఉండే మినీ కంప్యూటర్. డిస్‌ప్లే స్క్రీన్ ఉండదు. పూర్తిగా వాయిస్ కమాండ్స్‌పై ఆధారపడుతుంది. ChatGPT దీని మెయిన్ ఫంక్షన్లను నడిపిస్తుంది. సాధారణ వైర్‌లెస్ ఇయర్‌ఫోన్లుగా ధరించవచ్చు. చిన్న సైజు అయినా స్మార్ట్‌ఫోన్ లెవల్ కాంపోనెంట్లు ఉంటాయి.
దీంతో ధర కొంచెం ఎక్కువగా ఉండవచ్చు. హ్యాండ్స్-ఫ్రీ AI ఇంటరాక్షన్ ఇది లక్ష్యంగా పెట్టుకుంది.
OpenAI మూడు వేర్వేరు AI హార్డ్‌వేర్ ప్రొడక్ట్‌లపై పనిచేస్తోంది. మాజీ ఆపిల్ డిజైనర్ జోనీ ఐవ్‌తో కలిసి పనిచేస్తున్నారు. ఈ ప్రొడక్ట్ డిజైన్ క్వాలిటీకి బలమైన గుర్తింపు ఇస్తుంది. ఒక ప్రొడక్ట్ AI వేరబుల్ డివైస్ అవుతుంది. దీంతో ఎప్పుడూ AI అసిస్టెన్స్ అందుబాటులో ఉంటుంది. మరొకటి టేబుల్‌టాప్ AI డివైస్ కావచ్చు. ఇది పూర్తిగా వాయిస్ కమాండ్స్‌తో పనిచేస్తుంది. స్మార్ట్ హోమ్ లేదా ఆఫీస్ అసిస్టెంట్‌గా ఉపయోగపడుతుంది. మూడో రూమర్ ప్రకారం.. చివరిది AI పవర్డ్ పెన్ ఉండవచ్చు. రాయడం, డ్రాయింగ్, నోట్స్ తీసుకోవడంలో సహాయపడుతుంది.
Also Read: యూట్యూబ్‌లో అనవసర వీడియోలు మళ్లీ మళ్లీ కనిపిస్తున్నాయా? ఈ టిప్స్‌తో సమస్యకు చెక్
ప్రొడక్ట్ పేర్లు, డిజైన్ల గురించి ఇంకా అధికారిక ప్రకటన రాలేదు. కంపెనీ వివరాలను రహస్యంగా ఉంచుతోంది. ఇది టెక్ ఔత్సాహికుల్లో ఆసక్తిని పెంచుతోంది. త్వరలో మరిన్ని అనౌన్స్‌మెంట్లు రావచ్చని ఇండస్ట్రీ వాళ్లు భావిస్తున్నారు. లీక్స్, రిపోర్ట్స్ ఎక్సైట్‌మెంట్ సృష్టిస్తున్నాయి.
OpenAI సాఫ్ట్‌వేర్, హార్డ్‌వేర్ రెండింటినీ కంట్రోల్ చేయాలనుకుంటోంది. ఇది AI పర్‌ఫామెన్స్, యూజబిలిటీని మెరుగుపరుస్తుంది. హార్డ్‌వేర్‌తో ChatGPT మరింత లోతుగా ఇంటిగ్రేట్ అవుతుంది.
ఇది కంపెనీ లాంగ్-టర్మ్ అంబిషన్లను చూపిస్తుంది. సాఫ్ట్‌వేర్ ప్లాట్‌ఫామ్‌లకు అతీతంగా విస్తరించాలని లక్ష్యం.
OpenAI మొదటి హార్డ్‌వేర్ లాంచ్ AI రంగాన్ని మార్చేసే అవకాశం ఉంది. మూడు ప్రొడక్ట్‌లు బ్రాడ్ ఎకోసిస్టమ్ స్ట్రాటజీని సూచిస్తున్నాయి. రాబోయే నెలల్లో ఏ డివైస్ మొదట వస్తుందో తెలుస్తుంది.
ఈ అడుగు టెక్ ఇండస్ట్రీలో కొత్త ట్రెండ్ సృష్టించవచ్చు.
Share
Visakha Railway Station: విశాఖ రైల్వేస్టేషన్లో ‘రోబో పోలీస్’.. దేశంలో తొలిసారి, డ్యూటీ మాటేంటి?
Crime Thriller Series OTT : పట్టుకొచ్చిన కొద్దీ పారిపోయే కూతురు... అండర్ వరల్డ్ ట్విస్ట్ తో సాగే సీట్ ఎడ్జ్ క్రైమ్ థ్రిల్లర్
