Moto Pad 70 Groove: మొబైల్ మార్కెట్లో వరుస సంచలనాలు సృష్టిస్తున్న మోటరోలా సంస్థ.. భారతీయ వినియోగదారుల కోసం మరో సరికొత్త టాబ్లెట్ను అందుబాటులోకి తెచ్చింది. అదే Moto Pad 70 Groove. ఎంటర్టైన్మెంట్, ఆఫీస్ వర్క్, స్టడీస్.. ఇలా అన్ని అవసరాలకు సరిపోయేలా అధునాతన ఫీచర్లతో దీనిని రూపొందించారు. ప్రీమియం మిడ్రేంజ్ విభాగంలో రూ.33,999కు ఇది లభిస్తోంది. ఒకే ఒక్క వేరియంట్ 8GB ర్యామ్, 256GB స్టోరేజ్ వేరియంట్లో, స్టైలిష్ ప్యాంటోన్ బ్లూ సర్ఫ్ రంగులో అందుబాటులో ఉంది. ఫ్లిప్కార్ట్, మోటరోలా అధికారిక వెబ్సైట్లలో దీనిని సొంతం చేసుకోవచ్చు.
సినిమాలు చూడాలన్నా, ఆన్లైన్ క్లాసులు వినాలన్నా డిస్ప్లే చాలా ముఖ్యం. దీనిలో ఇచ్చిన 12.1 అంగుళాల పెద్ద స్క్రీన్ అద్భుతమైన విజువల్ ఎక్స్పీరియన్స్ను అందిస్తుంది. 120Hz రిఫ్రెష్ రేట్, డాల్బీ విజన్, HDR10 సపోర్ట్ ఉండటంతో కలర్స్ చాలా రిచ్గా కనిపిస్తాయి. స్క్రీన్ వెలుగు తగలకుండా కళ్లను కాపాడే సర్టిఫికేషన్లు కూవడా ఉన్నాయి. ఇక ఆడియో విషయానికొస్తే.. ఏకంగా 9 జేబీఎల్ (JBL) స్పీకర్లతో డాల్బీ అట్మాస్ సపోర్ట్ అందించారు. సినిమా థియేటర్ సౌండ్ క్వాలిటీని ఇంట్లోనే పొందవచ్చు.
Also Read: ఇంత తక్కువ ధరకే అలాంటి ఫీచర్లా? 144Hz OLED డిస్ప్లే, 9000mAh బ్యాటరీతో Asus Pad T3201!
ఈ టాబ్లెట్లో మీడియాటెక్ డైమెన్సిటీ 7400 ప్రాసెసర్ను వాడారు. దీంతో మల్టీటాస్కింగ్, గేమింగ్ చాలా స్మూత్గా సాగుతాయి. ల్యాగ్ అనేదే ఉండదు. అవసరమైతే మెమరీ కార్డ్ ద్వారా స్టోరేజ్ను 2TB వరకు పెంచుకోవచ్చు. రోజంతా టాబ్ వాడినా ఛార్జింగ్ అయిపోకుండా 10,200mAh భారీ బ్యాటరీని అమర్చారు. ఫాస్ట్ ఛార్జింగ్ సపోర్ట్ కూడా ఉండటంతో ప్రయాణాల్లో ఉన్నవారికి ఇది బాగా ఉపయోగపడుతుంది.
ఇది తాజా ఆండ్రాయిడ్ 16 ఆపరేటింగ్ సిస్టమ్పై పనిచేస్తుంది. ఇంటర్ఫేస్ చాలా సింపుల్గా, వాడుకకు అనువుగా ఉంటుంది. ఆన్లైన్ మీటింగ్లు, క్లాసుల కోసం 8MP ఫ్రంట్ కెమెరా, పత్రాలను స్కాన్ చేయడానికి, ఫొటోల కోసం 13MP రేర్ కెమెరా ఇచ్చారు. ధూళి, నీటి చుక్కల నుండి రక్షణ కోసం IP52 రేటింగ్ ఉంది. సన్నని డిజైన్తో చూసేందుకు చాలా ట్రెండీగా అనిపిస్తుంది. మంచి ఫీచర్లు ఉన్న టాబ్లెట్ కోసం చూస్తున్న వారికి ఇది బెస్ట్ ఆప్షన్ అని చెప్పొచ్చు.
Also Read: సోనీ నుంచి రెండు కొత్త ఆడియో డివైజెస్ లాంచ్.. ఏఐ ఫీచర్లతో అదిరిపోయే సౌండ్ క్వాలిటీ!
Share
ఎండలో కూడా హ్యాపీగా వెళ్లొచ్చు, క్రేజీ రెవో వైజర్ పరిచయం చేసిన యాక్సోర్!
ఇక ఆగేదే లేదు.. అభివృద్ధిలో తెలంగాణ సరికొత్త రికార్డు!
