Monsoon smartphone care tips: బయట చల్లటి జల్లులు పడుతుంటే.. వేడి వేడి పకోడీలు తింటూ మొబైల్లో రీల్స్ చూడటం ఎవరికి ఇష్టం ఉండదు చెప్పండి? కానీ.. అదే వర్షం మీ స్మార్ట్ఫోన్ మీదకు తెస్తేనే అసలు సమస్య. వర్షాకాలం వచ్చిందంటే చాలు.. మొబైల్స్ తడిసిపోవడం, లోపలికి తేమ చేరి పాడైపోవడం కామన్ అయిపోయింది. మీ విలువైన ఫోన్ వాన దెబ్బకు తడవకుండా, ఎల్లప్పుడూ సేఫ్గా ఉండాలంటే ఎలాంటి జాగ్రత్తలు తీసుకోవాలో అదిరిపోయే చిట్కాలు ఇప్పుడు తెలుసుకుందాం.
1. వాటర్ప్రూఫ్ పౌచ్ :
మీరు బైక్పై వెళ్లేవారైనా, నడుచుకుంటూ వెళ్లేవారైనా.. వర్షాకాలంలో మీ బ్యాగ్లో ఒక జిప్లాక్ కవర్ లేదా వాటర్ప్రూఫ్ పౌచ్ ఉంచుకోవడం చాలా ముఖ్యం. వాన పడగానే ఫోన్ను అందులో పెడితే ఒక్క చుక్క నీరు కూడా లోపలికి వెళ్లదు.
2. మంచి బ్యాక్ కేస్ :
ఫోన్ చేతి నుంచి జారి కింద పడితే స్క్రీన్ పగలడం ఒకెత్తయితే, అది వర్షపు నీటి గుంటలో పడితే కథ వేరేలా ఉంటుంది. అందుకే వర్షాకాలంలో ఫోన్ గ్రిప్ బాగుండేలా, పోర్టులను కవర్ చేసే రగ్గడ్ లేదా సిలికాన్ కేస్లను వాడండి.
3. తడి చేతులతో ఫోన్ ముట్టుకోవద్దు:
వర్షంలో తడిసి ఇంటికి రాగానే చాలామంది చేసే తప్పు.. తడి చేతులతోనే ఫోన్ ఆపరేట్ చేయడం. వేలి రంధ్రాల ద్వారా లేదా బటన్స్ సందుల నుంచి తేమ ఫోన్ లోపలికి చేరి మదర్బోర్డ్ షార్ట్ సర్క్యూట్ అయ్యే ప్రమాదం ఉంది.
4. బ్లూటూత్ ఇయర్బడ్స్ :
వానలో నడుస్తున్నప్పుడు లేదా బైక్ నడుపుతున్నప్పుడు కాల్స్ వస్తే నేరుగా ఫోన్ చెవి దగ్గర పెట్టకండి. వాన చినుకులు స్పీకర్ గ్రిల్లోకి వెళ్తాయి. దానికి బదులు వాటర్ప్రూఫ్ ఇయర్బడ్స్ వాడడం మంచిది.
5. ఛార్జింగ్ :
ఇది అత్యంత ప్రమాదకరమైన తప్పు. మీ ఫోన్ వర్షంలో కొద్దిగా తడిసినా లేదా వాతావరణంలోని తేమ వల్ల ఛార్జింగ్ పోర్ట్ పచ్చిగా ఉన్నా.. వెంటనే ఛార్జర్ కనెక్ట్ చేయొద్దు. ఫోన్ పూర్తిగా ఆరిపోయే వరకు కనీసం 2-3 గంటలు ఛార్జింగ్ పెట్టకుండా ఆగండి.
6. సిలికా జెల్ :
ఫోన్ తడిస్తే బియ్యం డబ్బాలో పెట్టడం పాత పద్ధతి. దీనివల్ల బియ్యపు పిండి పోర్టుల్లోకి చేరి ఫోన్ ఇంకా పాడవుతుంది. దానికి బదులు కొత్త బూట్లు, బ్యాగుల్లో వచ్చే ‘సిలికా జెల్ పౌచ్లు’ ఫోన్ చుట్టూ ఉంచితే అవి తేమను త్వరగా పీల్చేస్తాయి.
7. హెయిర్ డ్రైయర్ :
ఫోన్ తడిసిందని కంగారులో హెయిర్ డ్రైయర్ పెట్టి వేడి గాలి ఊదకండి. ఆ వేడికి ఫోన్ లోపల ఉండే గ్లూ కరిగిపోవచ్చు లేదా స్క్రీన్ దెబ్బతినవచ్చు. ఫ్యాన్ గాలి కింద మాత్రమే ఆరబెట్టండి.
8. వాయిస్ అసిస్టెంట్లు:
వర్షంలో రోడ్డుపై వెళ్లేటప్పుడు టైప్ చేయడం కంటే గూగుల్ అసిస్టెంట్ లేదా సిరి (Siri) వంటి వాయిస్ కమాండ్స్ వాడండి. దీనివల్ల ఫోన్ను పౌచ్లో ఉంచే స్క్రీన్ను తాకకుండా ఆపరేట్ చేయవచ్చు.
9. వాటర్ రెసిస్టెంట్:
మీ ఫోన్కు IP67 లేదా IP68 రేటింగ్ ఉన్నప్పటికీ, అది కేవలం మంచి నీటికి మాత్రమే వర్తిస్తుంది. వర్షపు నీటిలో ఉండే కెమికల్స్, యాసిడ్స్ ఫోన్ గ్లూను లూజ్ చేస్తాయి. కాబట్టి వాటర్ప్రూఫ్ ఫోన్ కదా అని వానలో ప్రయోగాలు చేయకండి.
10.టెంపర్డ్ గ్లాస్ :
మంచి క్వాలిటీ టెంపర్డ్ గ్లాస్ కేవలం స్క్రీన్ పగలకుండానే కాకుండా.. స్క్రీన్ అంచుల గుండా నీరు లోపలికి వెళ్లకుండా కొంతవరకు అడ్డుకుంటుంది.
11. ఫోన్ సాఫ్ట్వేర్:
చాలా ఫోన్లలో ‘లిక్విడ్ డిటెక్షన్’ఫీచర్ ఉంటోంది. ఛార్జింగ్ పోర్టులో తేమ ఉంటే ఫోన్ అలర్ట్ ఇస్తుంది. సాఫ్ట్వేర్ అప్డేట్ చేయడం వల్ల ఈ ఫీచర్స్ బాగా పనిచేస్తాయి.
12. బ్యాగ్ కవర్స్ :
మీరు ఆఫీస్ లేదా కాలేజ్ బ్యాగ్ వాడుతుంటే.. బ్యాగ్కు ఉండే రెయిన్ కవర్ కచ్చితంగా వేయండి.బ్యాగ్ లోపల ఉన్న ఫోన్కు అదనపు రక్షణ దొరుకుతుంది.
13. ఫోన్ స్పీకర్ క్లీనింగ్ యాప్స్:
ఒకవేళ ఫోన్ స్పీకర్లోకి నీరు వెళ్తే.. యూట్యూబ్లో ‘Fix my speakers’ సౌండ్స్ ప్లే చేయండి లేదా ప్లే స్టోర్ లోని స్పీకర్ క్లీనర్ యాప్స్ వాడండి. ఆ వైబ్రేషన్స్కి నీటి చుక్కలు బయటకు వచ్చేస్తాయి.
14. తేమ ప్రదేశాలు:
బాత్రూమ్స్, తడి కిటికీల దగ్గర లేదా ఏసీ గాలి నేరుగా తగిలే చోట ఫోన్ పెట్టొద్దు. ఇవి ఫోన్ లోపల కండెన్సేషన్ ప్రక్రియకు కారణమవుతాయి.
15. స్విచ్ ఆఫ్:
మీ ఫోన్ వానలో బాగా తడిసిపోయిందనిపిస్తే.. ఏ మాత్రం ఆలస్యం చేయకుండా వెంటనే ఫోన్ ‘స్విచ్ ఆఫ్’ చేయండి. ఆ తర్వాత సర్వీస్ సెంటర్కు తీసుకెళ్లడం బెస్ట్.
Share
పొద్దున్నే వెళ్లి సాయంత్రానికి రావచ్చు.. హైదరాబాద్ దగ్గర్లోని టాప్ 4 టూరిస్ట్ స్పాట్స్!
బండి భగీరథ్కు బెయిల్.. కానీ హైకోర్టు పెట్టిన ఆ కఠినమైన షరతులు ఇవే!
