Fraud Apps| స్మార్ట్ఫోన్లు ప్రపంచవ్యాప్తంగా ప్రజల జీవితాల్లో భాగమై పోయాయి. ఒక రోజులో కనీసం కొన్ని గంటల పాటు కూడా ఫోన్ లేకుండా ఉండలేరు. ఈ ఫోన్లలో వ్యక్తిగత, వృత్తిపరమైన, ఆర్థిక సమాచారం అంతా ఒకే చోట ఉంటుంది. ఈ అంశాల కారణంగానే ఫోన్ చాలా విలువైనదిగా చేస్తుంది. ఇలాంటి సమయంలో ఫోన్ హ్యాక్ అయితే మాత్రం పెద్ద ప్రమాదం. ఒకవేళ ఫోన్ దొంగిలించబడితే లేదా హ్యాక్ అయితే ఆర్థిక, వ్యక్తిగత నష్టం జరుగుతుంది. అందుకే ఈ మోసపూరిత యాప్స్ని వెంటనే ఫోన్ నుంచి తొలగించాలని ప్రభుత్వ హెచ్చరిక జారీ చేసింది.
యాప్లు రోజూ బ్యాంకింగ్, షాపింగ్, ఎంటర్టైన్మెంట్, ఫిట్నెస్, కమ్యూనికేషన్ వంటి పనులను సులభతరం చేస్తాయి. కానీ ప్లే స్టోర్లో ఉన్న ప్రతి యాప్ సురక్షితమైనది కాదు. కొన్ని యాప్లు రహస్యంగా వ్యక్తిగత సమాచారాన్ని దొంగిలిస్తాయి. ఫోటోలు, వీడియోలు, మెసేజ్లు, బ్యాంక్ వివరాలు కూడా ఈ యాప్లు యాక్సెస్ చేస్తాయి.
ఇటీవల ప్రభుత్వం ఆండ్రాయిడ్ యూజర్లకు పెద్ద హెచ్చరిక జారీ చేసింది. సైబర్ సెక్యూరిటీ నిపుణులు గూగుల్ ప్లే స్టోర్లో ఫేక్ యాప్లను కనుగొన్నారు. ఈ యాప్లు వినియోగదారుల సున్నితమైన డేటా, ఆర్థిక సమాచారాన్ని దొంగిలించడానికి రూపొందించబడ్డాయి. సైబర్ నేరస్థులు ఈ యాప్ల ద్వారా ఫోన్లలో అనధికారిక యాక్సెస్ పొందుతున్నారు. సైబర్ సెక్యూరిటీ సంస్థ CIRIL ఈ హెచ్చరిక జారీ చేసింది.
హ్యాకర్లు పాపులర్ గేమింగ్, వీడియో టూల్స్ డెవలపర్ అకౌంట్లను ఉపయోగించి ఫేక్ యాప్లను లిస్ట్ చేశారు. ఈ యాప్స్ ఒరిజినల్ లాగానే కనిపించి ప్లే స్టోర్ సెక్యూరిటీని పాస్ అయ్యాయి. ప్రైవసీ పాలసీలలో రహస్య ఫిషింగ్ లింక్లు ఉంచారు. యూజర్లు అనుమతులు ఇచ్చిన తర్వాత డేటాను దొంగిలిస్తారు. యాప్ ఇన్స్టాల్ అయ్యాక నిశ్శబ్దంగా యాక్టివిటీ, క్రెడెన్షియల్స్ మానిటర్ చేస్తాయి.
మీ ఫోన్లో ఈ యాప్స్ ఉంటే వెంటనే తొలగించండి. సుఇట్ వాలెట్ (Suiet Wallet), బుల్ఎక్స్ క్రిప్టో (BullX Crypto) ప్రమాదకరం.
సుషీస్వాప్ (SushiSwap), రేడియమ్ ఎక్స్చేంజ్ (Raydium Exchange) యాప్స్, హైపర్లిక్విడ్ (Hyperliquid), ఓపెన్ఓషన్ ఎక్స్చేంజ్ (OpenOcean Exchange), పాన్కేక్ స్వాప్ (Pancake Swap), మెటియోరా ఎక్స్చేంజ్ (Meteora Exchange), హార్వెస్ట్ ఫైనాన్స్ బ్లాగ్ (Harvest Finance Blog) యాప్స్ కూడా ప్రమాదకరం.
ఈ యాప్లు వ్యక్తిగత ఫోటోలు, ప్రైవేట్ వీడియోలను లీక్ చేస్తాయి. బ్యాంక్ వివరాలు, పాస్వర్డ్లు, ఆథెంటికేషన్ డేటాను దొంగిలిస్తాయి. మాల్వేర్ కోడ్ ద్వారా డివైస్ను రిమోట్గా నియంత్రిస్తాయి. ఆర్థిక నష్టం, ఐడెంటిటీ థెఫ్ట్ జరిగే అవకాశం ఉంది. దొంగిలించబడిన డేటాను తిరిగి పొందడం చాలా కష్టం.
Also Read: ప్రకృతి నాశనం.. మనుషుల కంటే ఎక్కువ నీరు తాగేస్తున్న ఏఐ టెక్నాలజీ
బ్యాంక్, ఈమెయిల్ అకౌంట్లకు టూ-ఫ్యాక్టర్ ఆథెంటికేషన్ వెంటనే ఆన్ చేయండి. యాప్ ఇన్స్టాల్ చేసే ముందు డెవలపర్ను, రివ్యూలను చెక్ చేయండి. అనవసరమైన అనుమతులు ఇవ్వకండి. నమ్మకమైన డెవలపర్ల నుంచి మాత్రమే యాప్లు డౌన్లోడ్ చేయండి. ఫోన్ను ఎప్పుడూ లేటెస్ట్ సెక్యూరిటీ అప్డేట్స్తో నిత్యం చెక్ చేస్తూ ఉండండి.
సైబర్ దొంగలు రోజురోజుకూ మరింత అడ్వాన్స్ టెక్నాలజీతో ఫోన్లను హ్యాక్ చేస్తున్నారు. యాప్లు డౌన్లోడ్ చేసేటప్పుడు ఎప్పుడూ జాగ్రత్తగా ఉండాలి. సందేహాస్పద యాప్లను త్వరగా డిలీట్ చేయడం పెద్ద నష్టాన్ని అడ్డుకుంటుంది. అవగాహనే సైబర్ క్రైమ్కు బలమైన రక్షణ.
Share
Vemulawada Rajanna: LLB భర్త.. B.Com భార్య.. రాజన్న సన్నిధిలో భిక్షాటన.. వేములవాడలో వెలుగు చూసిన కన్నీటి గాథ!
IRCTC Menu Price List: ఐఆర్సీటీసీ ఫుడ్ ధరల లిస్ట్ ఇదే.. బ్రేక్ ఫాస్ట్, లంచ్, డిన్నర్ కాస్ట్ ఏంతో తెలుసా?
