iPhone-vs-Android Privacy: ప్రస్తుతం స్మార్ట్ఫోన్ అనేది మనందరి జీవితాల్లో ముఖ్య భాగమైపోయింది. అయితే ఫోన్ వాడుతున్నప్పుడు మన వ్యక్తిగత సమాచారం (ప్రైవసీ) ఎంతవరకు సురక్షితంగా ఉందనేది అందరినీ వేధించే ప్రశ్న. ముఖ్యంగా ఐఫోన్, ఆండ్రాయిడ్ ఫోన్ల మధ్య ప్రైవసీ పరంగా ఎప్పుడూ పెద్ద చర్చ నడుస్తూనే ఉంటుంది. మరి ఈ రెండింటిలో ఏది మనకు మెరుగైన రక్షణ ఇస్తుందో ఇప్పుడు తెలుసుకుందామా..
మనం ఫోన్లలో వాడే రకరకాల యాప్స్ మన అనుమతి లేకుండా మన డేటాను ట్రాక్ చేస్తుంటాయి. ఈ విషయంలో యాపిల్ తమ ఐఫోన్లలోApp Tracking Transparency అనే అద్భుతమైన ఫీచర్ను తెచ్చింది. దీనివల్ల ఏదైనా యాప్ మనల్ని ట్రాక్ చేయాలంటే కచ్చితంగా మన పర్మిషన్ అడగాల్సిందే. ఆండ్రాయిడ్లో కూడా ఇలాంటి కంట్రోల్స్ ఉన్నప్పటికీ.. ఐఫోన్లో ఉన్నంత కఠినంగా ఇవి పనిచేయవు. సాధారణ వినియోగదారులకు కూడా అర్థమయ్యేలా ఐఫోన్ దీన్ని చాలా సింపుల్గా మార్చేసింది.
ఈ రెండు కంపెనీల బిజినెస్ మోడల్స్ పూర్తిగా భిన్నమైనవి. యాపిల్ సంస్థ ప్రైవసీని ఒక ప్రధాన వస్తువుగా అమ్ముకుంటుంది. అందువల్ల మన సమాచారాన్ని క్లౌడ్లోకి పంపకుండా, ఫోన్ లోపలే ప్రాసెస్ చేయడానికి ప్రయత్నిస్తుంది. కానీ గూగుల్ (ఆండ్రాయిడ్) ప్రధానంగా ప్రకటనల ద్వారా ఆదాయం సంపాదిస్తుంది. దీంతో ఆండ్రాయిడ్లో డేటా షేరింగ్ కొంచెం ఎక్కువగా ఉంటుంది. ఆండ్రాయిడ్లో సెట్టింగ్స్ మార్చుకునే వీలున్నా, ఐఫోన్ బై డిఫాల్ట్గానే తక్కువ డేటాను సేకరిస్తుంది.
Also Read: Galaxy S25 సిరీస్ ఫోన్లలో అండ్రాయిడ్ 17, One UI 9 టెస్టింగ్ షురూ చేసిన శాంసంగ్!
సాఫ్ట్వేర్, హార్డ్వేర్ రెండూ యాపిల్ చేతిలోనే ఉండటం వల్ల ఐఫోన్లకు సెక్యూరిటీ అప్డేట్స్ చాలా వేగంగా, ఒకేసారి వస్తాయి. దాదాపు ఐదేళ్ల పాటు ఫోన్లకు సపోర్ట్ లభిస్తుంది. ఇక ఆండ్రాయిడ్ విషయానికి వస్తే.. వేర్వేరు కంపెనీలు ఫోన్లను తయారు చేయడం వల్ల అప్డేట్స్ రావడం కొంచెం ఆలస్యమవుతుంది. అయితే ఈ మధ్య కాలంలో కొన్ని ప్రముఖ ఆండ్రాయిడ్ బ్రాండ్లు కూడా లాంగ్ టర్మ్ అప్డేట్స్ ఇస్తూ తమను తాము మెరుగుపరుచుకుంటున్నాయి.
ఐఫోన్ యాప్ స్టోర్లో ఒక యాప్ను అనుమతించే ముందు యాపిల్ చాలా కఠినమైన పరీక్షలు చేస్తుంది. డెవలపర్లు ఏ డేటా తీసుకుంటున్నారో ముందే చెప్పాల్సి ఉంటుంది. ఆండ్రాయిడ్ ప్లే స్టోర్ కూడా రూల్స్ పాటిస్తున్నప్పటికీ, ఐఫోన్తో పోలిస్తే అక్కడ కాస్త లూజ్ ప్రైవసీ పాలసీలు ఉంటాయి. ఐఫోన్ ఇచ్చే కఠినమైన భద్రత వల్ల వైరస్లు లేదా డేటా చోరీ జరిగే ప్రమాదం చాలా వరకు తగ్గుతుంది.
ఎలాంటి సెట్టింగ్స్ మార్చుకోకుండా, ఫోన్ ఆన్ చేయగానే పూర్తి ప్రైవసీ కావాలనుకుంటే ఐఫోన్ బెస్ట్ ఛాయిస్ అవుతుంది. అలా కాకుండా.. ఫోన్ సెట్టింగ్స్ను మనకు నచ్చినట్టు మార్చుకుంటూ, డేటా పర్మిషన్లపై పూర్తి కంట్రోల్ సాధించాలనుకునే టెక్ ప్రియులకు ఆండ్రాయిడ్ నచ్చుతుంది. మొత్తానికి స్ట్రాంగ్ ప్రైవసీ అనుభవం కోసం ఐఫోన్ ఒక అడుగు ముందే ఉందని చెప్పవచ్చు.
Also Read: WhatsAppలో ఈ ఒక్క సెట్టింగ్ OFFలో ఉంటే.. మీ పర్సనల్ చాట్స్ హాకర్ల చేతికి చిక్కినట్టే!
Share
‘పెద్ది’ వివాదంపై అనసూయ భరద్వాజ్ సెన్సేషన్ కామెంట్స్.... నెట్టింట వైరల్ అవుతున్న పోస్ట్!
విద్యార్థులకు గుడ్ న్యూస్.. వేసవి సెలవులు పొడగింపు.. ఎప్పటివరకు అంటే?
