Instagram Adds Turnoff| ఇన్స్టాగ్రామ్లో తరుచూ యాడ్స్ కనిపిస్తుంటాయి. దీంతో యూజర్లు విసిగిపోతుంటారు. మీ యాక్టివిటీ, సెర్చెస్, లైక్ల ఆధారంగా ఇన్స్టాగ్రామ్ ఈ యాడ్స్ కనిపిస్తాయి. ఇది బ్రాండ్లకు ఉపయోగకరమే కానీ చాలా మందికి అసౌకర్యంగా అనిపిస్తుంది. పూర్తిగా యాడ్స్ తీసేయలేం కానీ పర్సనలైజ్షన్ తగ్గించవచ్చు. అయితే మీ ప్రైవసీని కాపాడుకోవడానికి ఇన్స్టాగ్రామ్ ట్రాకింగ్ను లిమిట్ చేయవచ్చు. మొబైల్, డెస్క్టాప్ రెండింటిలోనూ ఈ స్టెప్స్ సులభంగా అమలు చేయవచ్చు.
పర్సనలైజ్డ్ యాడ్స్ మీ డేటా ఆధారంగా మీకు నచ్చే ప్రొడక్ట్లను చూపిస్తాయి. మీ లైక్లు, సెర్చెస్, వ్యూయింగ్, యాప్ యాక్టివిటీని ఇన్స్టాగ్రామ్ ట్రాక్ చేస్తుంది. మెటా కనెక్ట్ అయిన వెబ్సైట్లు, యాప్ల నుంచి కూడా సమాచారం తీసుకుంటుంది. ఇది మీ ఇంట్రెస్ట్లను అంచనా వేసి యాడ్స్ చూపిస్తుంది. కొందరికి ఇది ఉపయోగకరంగా అనిపిస్తుంది, మరికొందరికి ప్రైవసీ ఇష్యూ అవుతుంది.
సజెస్టెడ్ పోస్ట్లు మీరు ఫాలో చేయని అకౌంట్ల నుంచి కంటెంట్ సజెస్ట్ చేస్తాయి. ఇవి మీ ఇంట్రెస్ట్ల ఆధారంగానే వస్తాయి. ఏదైనా సజెస్టెడ్ పోస్ట్పై కనిపించే మూడు డాట్స్ ట్యాప్ చేసి “నాట్ ఇంటరెస్టెడ్” సెలెక్ట్ చేయండి. ఇలా చేస్తే ఇన్స్టాగ్రామ్ మీకు మెరుగైన సజెషన్స్ ఇస్తుంది.
స్టెప్ 1: ఇన్స్టాగ్రామ్ యాప్ ఓపెన్ చేయండి.
స్టెప్ 2: ప్రొఫైల్ పేజీలో మూడు లైన్స్ ట్యాప్ చేసి సెట్టింగ్స్ సెలెక్ట్ చేయండి.
స్టెప్ 3: అకౌంట్ సెంటర్కు వెళ్లండి.
స్టెప్ 4: అడ్ ప్రిఫరెన్సెస్ ఆప్షన్ సెలెక్ట్ చేయండి.
స్టెప్ 5: మేనేజ్ ఇన్ఫోలోకి వెళ్లి “యాక్టివిటీ ఇన్ఫర్మేషన్ ఫ్రమ్ యాడ్ పార్టనర్స్” సెలెక్ట్ చేయండి.
స్టెప్ 6: “నో, డోన్ట్ మేక్ మై యాడ్స్ మోర్ రెలెవెంట్” సెలెక్ట్ చేయండి.
ఇది బయటి వెబ్సైట్ల డేటా ఉపయోగించకుండా చేస్తుంది.
అకౌంట్ సెంటర్లో “యువర్ ఇన్ఫర్మేషన్ అండ్ పర్మిషన్స్” సెలెక్ట్ చేయండి.
“యువర్ యాక్టివిటీ ఆఫ్ మెటా టెక్నాలజీస్” ఆప్షన్కు వెళ్లండి.
“మేనేజ్ ఫ్యూచర్ యాక్టివిటీ” సెలెక్ట్ చేసి డిస్కనెక్ట్ చేయండి.
“క్లియర్ ప్రీవియస్ యాక్టివిటీ”తో పాత డేటా క్లియర్ చేయండి.
ఇది థర్డ్ పార్టీ యాప్ల నుంచి డేటా షేరింగ్ ఆపేస్తుంది.
సజెస్టెడ్ పోస్ట్లను పూర్తిగా తీసేయలేం. కానీ “నాట్ ఇంటరెస్టెడ్” ఆప్షన్ను రెగ్యులర్గా ఉపయోగిస్తే తగ్గుతాయి. రెలెవెంట్ అకౌంట్లను మాత్రమే ఫాలో చేయండి. అనవసర కంటెంట్తో ఇంటరాక్ట్ చేయకండి. ఇన్స్టాగ్రామ్ మీ యాక్షన్స్ నుంచి నేర్చుకుంటుంది.
Also Read: ఇంటర్నెట్లో ఫ్రీగా సినిమాలు చూసేవారిపై కేసులు.. హెచ్చరిక జారీ చేసిన ప్రభుత్వం
చాలా కంపెనీలు యూజర్ డేటాను స్పష్టత లేకుండా సేకరిస్తాయి. పర్సనలైజ్డ్ యాడ్స్ బిహేవియరల్ ట్రాకింగ్పై ఆధారపడతాయి. వీటిని ఆఫ్ చేయడం డిజిటల్ ప్రైవసీని మెరుగుపరుస్తుంది. తెలియకుండా డేటా షేరింగ్ తగ్గుతుంది. చిన్న మార్పులు మీ పర్సనల్ ఇన్ఫర్మేషన్ను కాపాడతాయి.
ఇన్స్టాగ్రామ్ ప్రైవసీ కంట్రోల్స్ లిమిటెడ్గా ఉన్నా ఉపయోగకరంగా ఉన్నాయి. ఈ సెట్టింగ్లను రెగ్యులర్గా చెక్ చేస్తూ ఉండండి. టెక్నాలజీ మారుతుంది, ట్రాకింగ్ మెథడ్స్ మారుతాయి. మీ ఆన్లైన్ ఎక్స్పీరియన్స్పై నియంత్రణ మీ చేతుల్లోనే ఉంచుకోండి.
Share
Thyroid: థైరాయిడ్ Vs వెయిట్ లాస్.. ప్రతీ ఒక్కరూ తెలుసుకోవాల్సిన వాస్తవాలు
Sunil Gavaskar on Pak: రోజుకో వేషం..పూటకో మాట, అంతా తింగర ఎదవలే..పాకిస్తాన్ ను దారుణంగా ఆడేసుకున్న గవాస్కర్
