AC Power Saving: వేసవి కాలం వచ్చిందంటే చాలు సామాన్యుల గుండెల్లో రైళ్లు పరిగెడతాయి. భానుడి భగభగలకు తోడు, నెలాఖరున వచ్చే కరెంట్ బిల్లు చాలా మంది గుండెల్లో గుబులు పుట్టిస్తుంది. అయితే ఏసీని 24°C వద్ద నడిపితే బిల్లు తక్కువ వస్తుందని అందరూ భావిస్తుంటారు. కానీ అలా చేసినా కూడా బిల్లులు భారీగానే వస్తున్నాయని పలువురు వాపోతున్నారు. అయితే ఏసీని కేవలం ఒకే ఉష్ణోగ్రత వద్ద ఉంచడం మాత్రమే సరిపోదని కొన్ని చిన్న చిన్న ట్రిక్స్ పాటిస్తే ఏసీ బిల్లును ఏకంగా 30 శాతం వరకు తగ్గించుకోవచ్చని నిపుణులు చెబుతున్నారు. అవి ఏంటో ఇప్పుడు చూద్దాం.
చాలామంది ఏసీ ఆన్ చేయగానే గదిలోని సీలింగ్ ఫ్యాన్ను బంద్ చేస్తారు. కానీ ఇది సరైన పద్దతి కాదని నిపుణులు సూచిస్తున్నారు. ఏసీని 24°C లేదా 25°C వద్ద ఉంచి దాంతో పాటు ఫ్యాన్ను తక్కువ స్పీడ్లో (1 లేదా 2) రన్ చేయడం వల్ల గదిలోని చల్లటి గాలి వేగంగా అన్ని వైపులా విస్తరిస్తుందని పేర్కొంటున్నారు. దీనివల్ల ఏసీ కంప్రెసర్పై భారం తగ్గి విద్యుత్ ఆదా అవుతుందని వివరిస్తున్నారు.
ఉక్కపోత లేదా తేమ (Humidity) ఎక్కువగా ఉండే వాన, చలికాలల్లో ఏసీని నార్మల్ మోడ్లో కాకుండా ‘డ్రై మోడ్’ లో ఉంచాలని నిపుణులు సూచిస్తున్నారు. ఇది గదిలోని తేమను పీల్చేసి చల్లదనాన్ని ఇస్తుందని పేర్కొంటున్నారు. ఈ మోడ్లో కంప్రెసర్ తక్కువ సమయం పనిచేస్తుంది కాబట్టి పవర్ బిల్లు దాదాపు 20 నుంచి 30 శాతం వరకు తగ్గే అవకాశం ఉందని స్పష్టం చేస్తున్నారు.
ఏసీ ఫిల్టర్లలో దూళి పేరుకుపోతే గదిని చల్లబరచడానికి కంప్రెసర్ ఎక్కువ సమయం కష్టపడాల్సి వస్తుంది. ఫలితంగా కరెంట్ బిల్లు మోత మోగొచ్చని నిపుణులు పేర్కొంటున్నారు. అందుకే ప్రతి 15 రోజులకు ఒకసారి ఏసీ ఫిల్టర్లను తీసి ఇంట్లోనే శుభ్రం చేసుకోవడం అలవాటు చేసుకోవాలని హితవు పలుకుతున్నారు.
గది ఎంత ప్యాక్డ్గా ఉంటే పవర్ బిల్లు అంత తక్కువ వస్తుందని నిపుణులు తెలియజేస్తున్నారు. తలుపులు, కిటికీల సందుల నుండి చల్లటి గాలి బయటకు పోకుండా ‘డోర్ సీల్స్’ లేదా ‘ఫోమ్ టేప్స్’ వాడాలని సూచిస్తున్నారు. అలాగే పగటిపూట గదిలోకి ఎండ రాకుండా మందపాటి కర్టెన్లు వాడటం వల్ల ఏసీపై లోడ్ తగ్గుతుందని చెబుతున్నారు.
Also Read: ఫ్రిడ్జ్ అక్కర్లేదు.. పైసా ఖర్చు లేదు.. పాలు, పెరుగు ఎప్పటికీ తాజాగా!
రాత్రిపూట నిద్రపోయేటప్పుడు ‘స్లీప్ మోడ్’ ఆన్ చేయడం అలవాటు చేసుకోవాలని నిపుణులు సూచిస్తున్నారు. ఈ మోడ్ వల్ల ప్రతి గంటకు ఒక డిగ్రీ చొప్పున ఉష్ణోగ్రత పెరిగి మన శరీరానికి సరిపడా చల్లదనాన్ని ఇస్తూనే పవర్ను సేవ్ చేస్తుందని స్పష్టం చేస్తున్నారు. అలాగే తెల్లవారుజామున ఏసీ ఆటోమేటిక్గా ఆఫ్ అయ్యేలా Timer సెట్ చేసుకోవడం వల్ల కూడా అనవసరపు బిల్లును అరికట్టవచ్చని హితవు పలుకుతున్నారు.
Also Read: iPhone Fold Leaks.. యాపిల్ తొలి మడత ఫోన్ ఇలా ఉండబోతుందా? డిజైన్ చూస్తే ఆశ్చర్యపోతారు!
Share
ఐపీఎల్ 2026లో నేను ఒక్క మ్యాచ్ చూడలేదు, ఆ టోర్నమెంట్ అంటేనే విరక్తి పుడుతోంది!
మేమేమన్నా ఓట్లేసే మిషన్లమా?.. కిషన్ రెడ్డిపై వీహెచ్ యుద్ధప్రకటన!
