Air Cooler Cleaning Tips: సమ్మర్ లో కొన్ని కూలర్లు మెురాయిస్తుంటాయి. ఆశించిన స్థాయిలో చల్లగాలి ఇవ్వకపోగా.. ఉక్కపోతతో మరింత ఇబ్బందులకు గురిచేస్తుంటాయి. అయితే కూలర్ లో చల్లదనం రాకపోవడానికి అనేక కారణాలు ఉన్నాయి. వాటిలో ప్రధానమైన సమస్యగా క్లీనింగ్ ను చెబుతుంటారు. కాబట్టి కూలర్ ను శుభ్రంగా ఉంచుకుంటే అది బాగా పనిచేయడంతో పాటు తాజా గాలిని అందిస్తాయి. ఈ నేపథ్యంలో ఎయిర్ కూలర్ను ఇంటి వద్దనే సులభంగా ఎలా శుభ్రం చేయాలో ఇక్కడ దశలవారీగా పరిశీలిద్దాం.
కూలర్ ను క్లీన్ చేసే ముందు.. మెుట్టమెుదటగా స్విచ్ ను ఆఫ్ చేయాలి. తర్వాత కూలర్ ట్యాంక్లో ఉన్న పాత నీటిని బయటకు తీసేయాలి. డ్రైన్ ప్లగ్ ఉంటే దాన్ని తీసి నీటిని పూర్తిగా బయటకు పోనివ్వండి.
కూలర్ ప్యానెళ్లను (panels) జాగ్రత్తగా విప్పి.. కూలింగ్ ప్యాడ్లను బయటకు తీయండి. పాత ప్యాడ్లు ఎక్కువగా పాడైపోయి ఉంటే.. కొత్తవి మార్చడం మంచిది.
ట్యాంక్లో పేరుకుపోయిన దుమ్ము, పాచిని మెత్తని బ్రష్ లేదా పాత గుడ్డతో తుడవండి. ట్యాంక్ లోపల డిటర్జెంట్ లేదా వెనిగర్ కలిపిన నీటిని పోసి ఒకసారి బాగా కడిగి శుభ్రం చేయండి.
తర్వాతి దశలో ఫ్యాన్ బ్లేడ్లు, మోటార్ మీద పేరుకుపోయిన దుమ్మును తడి గుడ్డతో తుడవండి. అలాగే మోటార్, ఎలక్ట్రికల్ భాగాల మీద నీరు పడకుండా జాగ్రత్త వహించండి.
మీరు పాత ప్యాడ్లనే వాడుతున్నట్లయితే వాటిని నీటితో బాగా కడగండి. దుమ్ము పోయేలా చేయండి. అవసరమైతే వాటిని ఎండలో ఆరబెట్టండి.
అన్నీ ఆరిన తర్వాత ప్యాడ్లను, ప్యానెళ్లను యథావిధిగా అమర్చండి. స్క్రూలు సరిగ్గా ఉన్నాయో లేదో చూసుకోండి.
చివరగా ట్యాంక్లో తాజా నీటిని నింపి, పవర్ ఆన్ చేసి కూలర్ సరిగ్గా పనిచేస్తుందో లేదో ఒకసారి పరీక్షించండి. గాలి అంతకుముందు దానితో పోలిస్తే.. మరింత చల్లగా, స్వచ్ఛంగా ఉన్న ఫీలింగ్ మీకు కలుగుతుంది.
Also Read: Portable AC Offers: అమేజింగ్ సమ్మర్ సేల్.. అత్యంత చౌకగా పోర్టబుల్ ఏసీలు.. భలే ఛాన్సులే!
Share
Ustaad Bhagat Singh: ఉస్తాద్ భగత్ సింగ్ సెన్సార్ పూర్తి.. పవన్ కళ్యాణ్ సినిమా ఫస్ట్ రివ్యూ వచ్చేసిందోచ్!
Gadwal News: గుర్రంగడ్డ.. ప్రయాణం ఎలా? ఏళ్ళు గడిచినా తీరని కష్టాలు
