నోకియా లవర్స్ గెట్ రెడీ.. 14 ఏళ్ల క్రితం నాటి క్రేజీ ఫోన్ మళ్లీ వస్తోంది, ఫీచర్లు ఇవేనా?

HMD Asha 305: దాదాపు 14 ఏళ్ల క్రితం మొబైల్ మార్కెట్లో సంచలనం సృష్టించిన నోకియా ఆశా సిరీస్ గుర్తుంది కదా? బడ్జెట్ ధరలో టచ్‌స్క్రీన్ ఫోన్ అనుభవాన్ని అందించిన ఆ సిరీస్ ఇప్పుడు మళ్లీ కొత్త రూపంలో అలరించడానికి సిద్ధమవుతోంది. ప్రముఖ మొబైల్ తయారీ సంస్థ HMD Global.. పాత జ్ఞాపకాలను నెమరవేస్తూ HMD Asha 305 పేరుతో ఒక సరికొత్త కాంపాక్ట్ బడ్జెట్ ఫోన్‌ను మార్కెట్లోకి తీసుకురావడానికి ప్లాన్ చేస్తోంది.

సర్టిఫికేషన్ వివరాలు లీక్:

ఇటీవలే HMD Global అధికారిక వెబ్‌సైట్‌లో HMD TA-1779 అనే మోడల్ నెంబర్‌తో ఒక కొత్త స్మార్ట్‌ఫోన్ సర్టిఫికేషన్ పొందింది. ఈ లీక్ ద్వారా కంపెనీ పాత ఆశా సిరీస్‌ను మళ్లీ బతికించే పనిలో పడిందని స్పష్టమవుతోంది. ఈ ఫోన్ గురించిన పూర్తి వివరాలు ఇంకా పూర్తిగా బయటకు రాకపోయినప్పటికీ, ఇది పాత మోడల్ లాగే చాలా చిన్నగా, తక్కువ ధరలోనే అందుబాటులోకి రానుందని తెలుస్తోంది.

Also Read: ఎట్టకేలకు శాంసంగ్ లవర్స్ కల నెరవేరింది.. క్రేజీ కెమెరా, భారీ బ్యాటరీతో వస్తోన్న Galaxy S27 Ultra!

ఒకప్పటి నోకియా ఆశా 305 ప్రత్యేకతలు:

నిజానికి 2012 జులైలో నోకియా సంస్థ తొలిసారిగా ఆశా 305 ఫోన్‌ను విడుదల చేసింది. అప్పట్లో ఆండ్రాయిడ్ ఫోన్ల ధరలు ఎక్కువగా ఉండటంతో, నోకియా తమ సొంత S40 ఆపరేటింగ్ సిస్టమ్‌తో దీనిని తక్కువ ధరకే అందించింది. 3-ఇంచుల చిన్న టచ్‌స్క్రీన్, 2MP కెమెరా, 32MB RAM, FM రేడియో, హెడ్‌ఫోన్ జాక్, రిమూవబుల్ బ్యాటరీ వంటి ఫీచర్లతో అప్పట్లో ఇది బడ్జెట్ ప్రియులను విపరీతంగా ఆకట్టుకుంది.

కాలానికి తగ్గట్టుగా సరికొత్త టెక్నాలజీ:

తాజా లీక్స్ ప్రకారం.. రాబోయే హెచ్‌ఎమ్‌డీ ఆశా 305 కేవలం పాత ఫోన్ లాంటి రీ-మేక్ మాత్రమే కాదు. దీనిని నేటి కాలానికి తగినట్టుగా అప్‌గ్రేడ్ చేస్తున్నారు. ముఖ్యంగా ఇందులో 4G LTE నెట్‌వర్క్ సపోర్ట్‌ను అందిస్తున్నారు. అంటే ఇది ఫీచర్ ఫోన్లకు, స్మార్ట్‌ఫోన్లకు మధ్య వారధిలా నిలవనుంది. ఆధునిక డిజైన్‌తో పాటు, పరిమితమైన యాప్స్ సపోర్ట్, సెల్ఫీ కెమెరా వంటి నేటి తరం బేసిక్ ఫీచర్లు ఇందులో ఉండే అవకాశం ఉంది.

మార్కెట్లోకి వచ్చేది ఎప్పుడు?

చిన్న సైజులో ఉంటూ, జేబులో సులువుగా ఇమిడిపోయే ఫోన్లను ఇష్టపడేవారికి ఇదొక మంచి ఆప్షన్ కానుంది. అయితే ఈ హెచ్‌ఎమ్‌డీ ఆశా 305 ఫోన్ అధికారికంగా ఎప్పుడు విడుదల అవుతుంది, దీని ధర ఎంత ఉండబోతుంది అనే విషయాలపై కంపెనీ ఇంకా ఎలాంటి స్పష్టత ఇవ్వలేదు. పాత జ్ఞాపకాలతో పాటు ఆధునిక ఫీచర్లను ఆశించేవారికి ఈ ఫోన్ కచ్చితంగా ఒక కొత్త అనుభూతిని ఇస్తుంది.

Also Read: స్మార్ట్‌ఫోనా లేక ట్యాబ్లెటా? 7.5 ఇంచుల స్క్రీన్‌తో వచ్చిన Nubia Neo 5 Max.. బ్యాటరీ సామర్థ్యం ఎంతంటే?

Join WhatsApp Channel

Share

• 
• 
• 
• 
• 
•