Google Gemini Spark: కృత్రిమ మేధ (AI) రంగంలో గూగుల్ మరో భారీ అడుగు వేసింది. ఇప్పటివరకు మన ప్రశ్నలకు సమాధానాలు చెప్పే చాట్బాట్లను చూశాం, కానీ మన తరఫున పనులు పూర్తి చేసే AI ఏజెంట్ను గూగుల్ భారతీయ వినియోగదారులకు అందుబాటులోకి తెచ్చింది. అదే Gemini Spark. గతంలో గూగుల్ ఐ/ఓ ఈవెంట్లో ప్రకటించిన ఈ అడ్వాన్స్డ్ ఫీచర్, ఇప్పుడు మన దేశంలో అధికారికంగా అందుబాటులోకి వచ్చింది.
Gemini Spark కేవలం మాటలకే పరిమితం కాకుండా.. ఒక నిజమైన డిజిటల్ అసిస్టెంట్లా పనిచేస్తుంది. రోజూ మనం చేసే మెయిల్స్ పంపడం, పెద్ద పెద్ద డాక్యుమెంట్లను సారాంశంగా మార్చడం, ముఖ్యమైన నోట్స్ ఆర్గనైజ్ చేయడం వంటి పనులను ఇది సులువుగా పూర్తి చేస్తుంది. దీనివల్ల ఆఫీస్ పనులు, వ్యక్తిగత డిజిటల్ పనుల భారం చాలావరకు తగ్గుతుంది.
Also Read: జియో కస్టమర్లకు లక్కీ ఛాన్స్.. 365 రోజుల వ్యాలిడిటీ, రోజూ 2.5GB డేటా.. ఉచితంగా Gemini Pro!
ఈ ఫీచర్లో అత్యంత ఆకర్షణీయమైన విషయం ఏమిటంటే.. మనం ఫోన్ లేదా లాప్టాప్ను పక్కన పెట్టేసినా ఇది బ్యాక్గ్రౌండ్లో పని చేస్తూనే ఉంటుంది. మనం ఇచ్చిన సూచనల ఆధారంగా మీటింగ్లో ఉన్నా, ప్రయాణంలో ఉన్నా, చివరికి నిద్రపోతున్నా సరే అనుకున్న పనులను బాధ్యతాయుతంగా పూర్తి చేస్తుంది. లేటెస్ట్ జెమిని 3.5 మోడల్పై పనిచేయడం వల్ల దీనికి గ్రహణ శక్తి, ఆలోచనా సామర్థ్యం చాలా ఎక్కువ.
జీ-మెయిల్, గూగుల్ డాక్స్, షీట్స్ వంటి వర్క్స్పేస్ యాప్లతో ఇది నేరుగా కలిసిపోతుంది. ఎలాంటి ప్రత్యేకమైన సాఫ్ట్వేర్ ఇన్స్టాల్ చేయాల్సిన అవసరం లేదు. రోజూ వందల కొద్దీ ఈ-మెయిల్స్ వచ్చే ఉద్యోగులకు డ్రాఫ్ట్లు సిద్ధం చేయడం, విద్యార్థులకు చదువుకునే మెటీరియల్స్ షార్ట్ చేయడం వంటి విషయాల్లో ఇది ఎంతగానో ఉపయోగపడుతుంది.
ఈ ఏజెంట్కు పూర్తి స్వేచ్ఛ ఇచ్చినప్పటికీ.. మన ప్రైవసీకి గూగుల్ పెద్దపీట వేసింది. మన అనుమతి లేకుండా ఏ యాప్నూ ఇది యాక్సెస్ చేయలేదు. ఏ యాప్కి పర్మిషన్ ఇవ్వాలి, దేనికి ఇవ్వకూడదు అనేది పూర్తిగా మన నియంత్రణలోనే ఉంటుంది. అవసరం లేదనుకున్నప్పుడు ఈ బ్యాక్గ్రౌండ్ అసిస్టెంట్ను ఒకే క్లిక్తో ఆఫ్ చేసుకోవచ్చు. ప్రస్తుతం ఈ సేవలు గూగుల్ AI ప్రో, అల్ట్రా పేయిడ్ సబ్స్క్రైబర్లకు అందుబాటులోకి వస్తున్నాయి.
Also Read: రూ.16 వేలకే రఫ్ అండ్ టఫ్ ఫోన్.. సన్రైజ్ గోల్డ్ కలర్లో ఆకట్టుకుంటున్న Honor X6e 4G!
Share
అమెజాన్ గ్రేట్ ఫ్రీడమ్ సేల్ 2026.. అన్ని ప్రొడక్ట్స్పై ఊహించని ఆఫర్లు !
వీకెండ్ ప్లాన్ చేస్తున్నారా.. హైదరాబాద్ వాసులకు అదిరిపోయే కొత్త ప్యాకేజీ..!
